منو جربت تسافر اوروبا مع ياهل؟؟؟؟

[مياسة العود]

السلام عليكم
انا وزوجي بنسافر جوله اوروبية يعني تقريبا اربع دول ومحتاره اخذ ولدي ولا لأ؟اسم الله عليه بعد شهرين بكمل اربع سنوات شرايكم راح استانس معاه ولا بأذيني ويحتاج عربانه؟

 

[أم الغلا كله]

إذا تخلينه احسن واريح خاصة الدول الاوروبية بدون يهال وااايد اريح اسم الله عليهم تاخذين راحتج أكثر وإذا ما تقدرين تخلينه وديه واخذي وياج عربانه ضروووري وهو اسم الله عليه اذا عاجل وهادي وتتوقعين ما يأذيج اخذيه يستانس وياج والله يسهل عليكم ويحفظكم والمسلمين اللهم آمين .

 

[cheese cake 84]

اذا عندج احد يمسكه هني ومطمنه وعندج احد يطلعه ويهال يلعب معاهم من اممممممممممممه خلييييه وروحي عيشي حياتج انا سافرت مع بنتي عمرها 3 سنين تبهدلتتتتت كل يوم ادق على اميابجي بس ترااكض وماتبي عربانه هذا غير تفزعلى من الصبحواحنا نبي ننام وتقعد حنه حنه وااااااااي السفره مع يهال اكسسسسسسسسس

 

[رايقة1980]

والله دخلت المنتدى باكتب نفس السؤال

انا كل سنة اسافر ولامرة اخذت عيالي

الحين ولدي عمره اربع سنوات كبر ولدك الله يخليه لك

وزوجي يبي ياخذه بس بنغير مو من ديرة لديرة لااا بس بنروح لندن

والله اني محتاسة ومو عارفة شنو اخذ وشسوي معاااه

ياليت اللي عندها خبره تعلمني حدي متأزمة ماعمري اخذته بالسفر اهئ اهئ اهئ

 

[معلمة انجليزي]

انا اخذت بنتي عمرها كان سنتين و نص صج تعبتني بس ما كنت راح ارتاح لو خليتها و كان معاي لها بساكيت و كورن فلكس مع حليب و كانت اهم وجبة الريوق و عادي مرت السفرة والحين اتذكرها بانها اجمل ايام عمري

 

[همسQ8]

والله انا العام اخذت ولدي جولة عمرة 3 سنوات بس عادي كنت مرتاحة نفسيا انة معاي ما احاتية
رايقة عادي ليش تحاتين اخذية pspوحطيلة بابايات والعاب يحبهم حق الطيارة وحتى اذا طلعتي راح يلتهي psp بس حطيلة العاب جديدة
وسالفة الاكل لاتحاتين كل شئ موجود وبعدين ولدج عمره كبير مثل ولدي جربي psp بترتاحين صدقيني انا العام اذا قعد يحب وانا بالكافية اعطية ويلتهي ويسكت وزوجي يقول احلي شئ psp تسكته

 

[مشمشة رمانة]

هلا فيج حبيبتي " مياسة العود " انتي مابينتي اشلون طريقة تنقلج مع ولد هل بتاجرون سيارة ولا بالقطار ولا بالطيارة راح تتنقولن ..؟

شوفي قبل سنتين سافرت مع بناتي توأم اوربا وكنا نتنقل بالسيارة من دولة الى دولة وكان عمرهم وقتة سنة ونص صج تعبت وياهم بس هم استانست لكن قلت السنة اللي عقبها ماراح اخذهم وياي زين وسافرت 14 يوم اوربا بس تبين الصج ماستانست كلش كنت كلة ابجي وتصيح ابيهم ومشتاقة لهم واايد فطلعت السفرة من خشمي وزهدتها

السنة اسم الله عليهم هلحين احنا في امريكا وصار لنا شهر والحمدالله اني ماخذتهم وياي ولا من اول اسبوع راجعة الكويت هلحين عمرهم 3 اسنين وصدقيني بهلعمر واكبر مايلعوزج مثل اللي توة مولود ولا توة يمشي هذاك يحن ويبيج على طول يمة بالسيارة .. اي انا اخذت لهم جهاز الديفيدي بلير من الغانم اخذية وياج حق اليارة وحق السيارة اذا باجرين وحتى حق اي تنقل ثاني شحنية عنج بالفندق وخلاص صدقيني راح تتحسفين اذا خليتية اهنية وبالذات اهوة في عمر يفهم حق السفر وحلات اوربا كلها بقر وزرع وسوالف ترد روح الياهل موبس الكبير اخذية وتوكلي على الله وحرام عليج تستانسين واهوة يفكر فيج وقاعد بالحر والغبار << خل يكسر خاطرج جوود تاخذينة ويااج وعلية ..

بس والله عشانج انتي بعد لاتحاتينة اخذية اخذية اخذية .. هيهيهي وانتي على رااحتج حبيبتي ...

 

[شاليمار]

NO NO

Be cureful:eh_s(1):





الاطفال حدهم دول الخليج وبس
انا توى راده من براااا (اوربا ) هبل فينى بو 5 سنين طلعلى قرووووووووون

 

[شاليمار]

انا اقولج شراااح يصير ويااج

بتضطرين تستخدمين العربه حق الطفل وين ما تروحين بتدزينها واذا ركبتى مترو او تاكسى او حتى مشيتى بتسكرين وتفتحين
نفعتها الوحيده انج بتعلقين عليها اغراضج ومشترواتج
ثانيا : بتلبسينه ثقيل ومره خفيف وكل يوم بتغسلين وتكوين :ggdw:
ثالثا : اذا دخلتى السوق ( دم ضروس اليهال ) بيبجى ويصارخ واحتمال لاقدر الله يضيع مع الزحمه هالاحتمال وارد
انا 10 و8 و5 ضاااااااااااااااااااعوا بلمح البصر بالبرانتومب بفرنسا ساعه الا ربع اندور عليهم :krkrkr:
هذا وانا عيونى مفتحه علييهم عدل ومخدشه ايدينهم من كثر ما ارعص عليها
رابعا :البرد والمطر واحتمال المرض ولدى بو 5 سنين تحرول هنالك من المشى وصابته رضه بركبته وانتفخت 10 ايام بس ادزه
كل شوى يبيى ياكل والا يبول مغثه وتكرمين تخافين من حماماتهم وماااكو ماااى
باختصار : السفر مع اليهال اوربا اكبر غلط واحطها بذمتى واخرتها يوم الله سلمنا وردينا الديره ثانى يوم رحت يبت خيازرين من بو اميه وتمحط فيهم
لا تقولين حرااام خسروانا 7 الاف ولحقنا على اخر الف وهناك انقلبوا صغار بو 4 سنين وبو 3 وبو 6 اشهر
اخ بس لو ادرى جان خليتهم ببيتهم يتذابحون ورحت استانس
حدى منقهره:dddds:
وترااا
واكثر العوايل السعوديه اللى التقيتها هناك عيالهم مراهقين وكبار
اليهال حطيهم مع حد ثقه وتوكلى على الله وروحى استانسى هذا اذا تبين نصيحة وحده مجربه السفر معاهم

 

[rainbow_brite]

اسم الله عليه واحد وعمره 4 سنين وماتاخذينه



الا اذا كنتو تبون تغيرون جو بروحكم هذا شي ثاني اما اذا انتي خايفه يلعوزج فانا اقولج واحد ما ياذي وعمره شايل نفسه وودي عربانه خفيفه من مذر كير حق المشي اذا مسافه بعيده عشان ما يتعب واذا بنام قيلولته


اخذي عربانه سهل انج تفتحينها وتصكرينها



وبالليل لا اتنومينه مبجر اللي يقوملج من فير الله



قبلكم بساعه نوميه



واخذي احتياطاتج من الادويه





انا حبيبتي كل سنه اخذهم معاي تركيا بس انا اهلي معاي ويساعدوني بس اذا فكرت اروح اوروبا بخليهم بالكويت لان انا اسم الله عليهم ثلاث وصبيان واعمارهم كله اذا شافو شي يبون وراح تكلفنا السفره وايد معاهم وراح اصير مثل شاليمار وانا ما احب اخذ ياهل واخلي ياهل يا اوديهم مع بعض يا اخليهم كلهم


انا اوديهم تركيا مع اهلي واوديهم دبي سهاله بس اوروبا كلهم صعبه خصوصا تنقلات بس والله واحد بعمر ولدج سهاله



وانتي اهم شي طبيعه ولدج هادي يتعسر





ترا لم اتخلينه اخف حق الحركه



بس من ناحيه ثانيه تبينه وتشتاقيله



وانتي شوفي بعد تجارب البنات

 

[rainbow_brite]

خخخخخخ شاليمار حدج حبطتيني ما تنلامين شكلهم طلعو السفره من جبدج

 

[smailey]

عادي تصير ياهااااااااااااااااااال مو ياهال.............
مجربه ....

 

[اجوان]

والله عادي انا سافرت مع ولدي عمره 8 اشهر تونا رادين من اوروبا

حطيه بالعربانة يشوف الناس ويتطمش عالرايح و الراد

وبعدين اليهال مايستعسرون الا اذا ماعطيناهم حقهم

هم اهم يبون يلعبون ويتفرفرون مثلنا

واحنا كلا حاكرينهم بالسوق مانعيطهم مجال


شوفي ولدج شلونه عسر ولا زين

وشوفي قلبج تقدرين تفارقينه ؟

راينا بهالمسألة مايهم كثرج لانج تعرفين ظروفج

والله يسهل عليج ويوفقج