منو جربت تصبغ شعرها بالحنه ؟

[قاهره عذالي]

السلام عليكم

منو جربت تصبغ شعرها بالحنه


انا حطيت حنه سبيدي اللي بالجمعيات اللي مكتوب عليها بني طبيعي
وخلت شعري اسود
ومليت من لون شعري الاسود

وابي اغير
ابي احمر مايل للبني او الذهبي
وابي الوان فاتحه واضحه

منو جربت تصبغ بالحنه ناطره تجربتها تكتبها لي ..
وعلى فكره سألت العطار قلت له ابي الحنه تصبع شعري احمر

عطاني كركديه قال انقعه بماي ولما يلون الماي اعجن الحنه فيه .... وارش على بودرة الحنه اللي ابي اعجنها بودرة دم الغزال الحمره عطاني اياها بكيس صغير

وما ادري هل اسمع كلامه واسوي اللي قال وخاف ما تطلع نتيجه لان ترا ما احب احط حنه دايم ....
ففكرت اشوف تجاربكم:eh_s(7):

 

[قاهره عذالي]

لللرفع ......... يا دافع البلا ولا رد؟

 

[قاهره عذالي]

للاسف ماكو رد
الظاهر محد يعرف

بنات انا سويت اللي قاله العطار

جبت اوراق كركديه

والله شكله نفس هالصوره

وخليته ينقع بماي وصبغ الماي باللون الاحمر

وجبت الحنه اليمنيه
وحطيتها بصحن

ورشيت عليها 3 ملاعق صغار من دم الغزال وخلطته مع الحنا
دم الغزال اللي عندي بودره
هذي الصوره من النت

انا لقيته عند العطار
وخذيت حق ربع دينار
علبه كبيره بوره حمرا مكتوب عليها دم الغزال بقلم سبوره والعلبع شفافه
عارضها قدامه
وفحطلي منها بكيس

المهم
عجنت الحنه اللي رشيت عليها دم الغزال البودره قبل لا اعجنها
وعجنت عجنت لحد ما حسيتها شويه متماسكه والحين لفيتها بكيس وحطيتها على جنب
امي تقولي تحتاج بس نص ساعه او ساعه عشان تخمر
بعدها ابي احطها على شعري

واقولكم شيصير

 

[قاهره عذالي]

ان شاء الله يطلع شعري نفس هالصوره
بس مشكله
دورت بالبيت على خل وليمون ما لقيت لان اغلب وصفات صبغ الشعر بالحنه فيها خل وليمون

 

[فدوووو]

اب اب لعيونك

ماجربت صراحه

 

[قاهره عذالي]

باقي ربع سااعه
واحط الحنه على شعري
يارب تكون زينه

 

[غيــرة انثى]

ها شصاار ؟

 

[قاهره عذالي]

ياربي
مو نقعت الحنه ساعه وجيت بحطها على شعري
صايره جافه يالله تمشي معاي صح متماسكه بس مافيها سيوله حيل جنه طين على يباس شوي
وما كفت شعري كله
من قدام مافي مو قسمته صوبين ما كفا احط من قدام الشعر اللي من قدام جذوره ما جته حنه الحين بخليه على شعري واشوف شيصير

 

[قاهره عذالي]

ان صبغ شعري احمر
بصور شعري واحطه لكم
شكلها حنتي اليوم ما ضبطتها من ناحية الماي محتاجه نتفة ماي عشان تمشي على الشعر
ان ما ضبطت هالمره بسويها الاسبوع الجاي وبضيف نفس الوصفه
مع خل وليمون

 

[anaconda]

يا قاهرة عذالج انا نفسج احب اصبغ شعرى بالحنة

بس انا احب اللون البنى الكستنائى​

طريقتى كالاتى :​

اخذ الحنة اليمنية الاصلية من العطار القديم الى فى السالمية​

لأن مرة اخذتها من عطار ثانى بس ما اضبطت ​

الظاهر حنته مو اصلية واعجنها بماى بابونج مغلى واحط ربع الكمية​

تقريبا بودرة كاكاو نسكويك واخليها تخمر ساعة وقبل لا احطها مباشرة​

,,حلوة مباشرة,,​

اعصر فوقها ليمونة واحطها على طول يعنى الليمون اخر شى عشان اللمعة​

واخليها 3ساعات او اكثر ​

واهم شى انتبهى للكمية خليها زايدة ولا ناقصة ​

مااااا حب نفس موقفج اذا اقصرت الحنة احس تعبى كله راح​

وهاذى حنة صج اتلعوز ​

والحمدلله يصير الشعر بنى وفيه لمعة وريحته حلوة​

وانشالله تضبط حنتج​

 

[ملامح بريئة]

انا شعري لونه من الحنه مرات احط حنه قرمز يطلع لون حلو غامج علي حمار خفيف بالشمس ومرة بابونج مغلي يصفي ويضاف للحنه ومرة كركديه والله بلا ليمون ولا خل لا والقرمز اذا حطيتيه مع كثيرة اللي بالعطار بروحة بدون حنه عطاك نفس اللون قرمز بس يصبغ حيل الفروة كنك كاته لون علي شعرك فاستمري كل اسبوع كركديه وقرمز تحصلين لون واذا تبين بني بابونج كل اسبوع

 

[قاهره عذالي]

يا قاهرة عذالج انا نفسج احب اصبغ شعرى بالحنة ​

بس انا احب اللون البنى الكستنائى​

طريقتى كالاتى :​

اخذ الحنة اليمنية الاصلية من العطار القديم الى فى السالمية​

لأن مرة اخذتها من عطار ثانى بس ما اضبطت ​

الظاهر حنته مو اصلية واعجنها بماى بابونج مغلى واحط ربع الكمية​

تقريبا بودرة كاكاو نسكويك واخليها تخمر ساعة وقبل لا احطها مباشرة​

,,حلوة مباشرة,,​

اعصر فوقها ليمونة واحطها على طول يعنى الليمون اخر شى عشان اللمعة​

واخليها 3ساعات او اكثر ​

واهم شى انتبهى للكمية خليها زايدة ولا ناقصة ​

مااااا حب نفس موقفج اذا اقصرت الحنة احس تعبى كله راح​

وهاذى حنة صج اتلعوز ​

والحمدلله يصير الشعر بنى وفيه لمعة وريحته حلوة​

وانشالله تضبط حنتج​

يا حياتي بس بفهم
ربع الكميه شنو
قصدج كيس الحنا
والا ربع كمية الماي المغلي
والا تخلين بودرة الحنا مع بودرة النسكويك ربع الكميه تكون عشان تصبغ الحنه ؟؟؟؟؟

مغلي البابونج اللي يكون ورد من العطار والا اللي موجود على شكل اكياس شاي مطحون ؟؟؟؟؟؟؟

انا مره شسويت على ابو ابي اصبغ شعري بني امي قبل تعجن لي الحنه حطيت فنجان قهوه وعقب اعجنت بماي عادي
وما اصبغت

بس طريقتج مبين حلوه
انا سمعت ينقعون البابونج يوم كامل

عاد مره نقعت الدارسين بماي يوم كامل وصار لونه برتقالي يشوق افكر على يوم اجرب لونه مع الحنه يصبغ او لاء

مشكوووووووووره يا قلبي على طرح تجربتج :eh_s(7):

 

[قاهره عذالي]

انا شعري لونه من الحنه مرات احط حنه قرمز يطلع لون حلو غامج علي حمار خفيف بالشمس ومرة بابونج مغلي يصفي ويضاف للحنه ومرة كركديه والله بلا ليمون ولا خل لا والقرمز اذا حطيتيه مع كثيرة اللي بالعطار بروحة بدون حنه عطاك نفس اللون قرمز بس يصبغ حيل الفروة كنك كاته لون علي شعرك فاستمري كل اسبوع كركديه وقرمز تحصلين لون واذا تبين بني بابونج كل اسبوع

القرمز
قالي العطار انه لون اسود اللي عنده
هو القرمز كم لون يجي ؟

 

[ملامح بريئة]

والله انا اعرفه حجر زيتي واذا نقعتي بماي شوي صار قرمزي هذا اللي اعرفة

 

[قاهره عذالي]

اهااااا

شكرا حبوبه

 

[anaconda]

انا الله يسلمج قصدى كمية بودرة نسكويك ربع كمية الحنة وتخلطينهم​

يعنى مثلا بتحطين 4 ملاعق حنة مع ملعقة بودرة نسكويك ​

والبابونج يصير الورد الى من العطار ويصير الشاى البابونج ​

وانا هاذى طريقتى من زمان وماشية معاى ​

بس مادرى عن الشغلات الثانية ماجربتها​

 

[قاهره عذالي]

مشكووووووووووووووره على ردج
واخيرا لقيت احد مجرب
خن اشوف بعد حوستي يصبغ او لا
انا قريت بالنت ان الليمون مع الحنه مثل الاكسجين بالصبغ يسوي له مفعول
والخل مع الحنه لازم نقلله اذا الشعر جاف الى ملعقه كبيره وحده
انا ناويه اجرب كل خلطات الحنه سواء لتقوية الشعر او صبغه
وبشوف مفعول كل وحده شلون

 

[manoooram]

up up up up up

 

[Nmnoum]

حبوووبه انا دايما احط الدارسين على شعري .,
يصراحة واو واو واو اتعب و انا اقول وآآو ., خيآل حتى ساعات أحط عسل + دارسين + خل + ليمون بالكمية اللي تعجبج يآ قلبي
جربيها مع الحنه ., شعرج رآح يطلع خيآآآآل

 

[قاهره عذالي]

يعني تحطين الدارسين بماي وتنقعينه بالماي لحد ما يلون الماي برتقالي "؟؟؟؟؟؟
بعدين تستخدمينه
والا تحطين بودرة الدارسين مطحون؟