منو جربت تولد طبيعي من مقعده البيبي

[moon^light]

السلام عليكم..
بنات انا صارلي 12 يوم بالتاسع و البيبي ليلحين راسه فوق ووايد ظايق خلقي و احاتي,, ودكتورتي حاولت تفره لي بس مو راظي وصل على جنب و ما رظى يكمل, بعدين رد صار راسه فوق,, و قالتلي ان شاء الله في امل يلف مع الطلق و اولدج طبيعي او اولدج من مقعدته اذا كان وضعه اوكي, اهيا فحصت حوضي و شافت حجم راسه ووزنه صغير قالت اقدر اولج من المقعده اذا تم على نفس الوضع خاصه اني والده من قبل طبيعي..
فبسال منو جربت الولاده من المقعده او تعرف احد جربها ؟؟

 

[آهات الليل]

امي ولدت اختي من مقعدتها ماشاللهلاتحاتين ترى تصير

 

[hneen2]

الله يستر اخر مراجعه قالي الدكتور راسها فوق ومقعدتها تحت بس ننطر عليج لي التاسع عادي يفتر البيبي والله كريم

 

[auoma]

ترى وايد يهال يفترون بالولاده مع الطلق عادي لا تحاتين الله كريم انا من السابع لي التاسع راس البيبي فوق سجدي وايد وأحبي مثل اليهال والله لمدة ربع ساعه وافتر الياهل اول التاسع مع ان وزنه ماشاءالله وايد

 

[_Pure_]

شوفي دام مو اول بيبي عااااااااااااااادي

يفتر البيبي مع الطلق سبحان الله

و اذا الوضع يسمح تقدرين تولدين بوضع مقعدي اعرف وحدة والده ٣ من عيالها وضع مقعدي كل شي تمام و طبيعي

 

[زهرات]

انا اللي اعرفه ان خطر عل البيبي يمكن يصير فيه خلع او يختنق اسم الله عليه

منو دكتورتج؟

 

[مدمنة ككاو]

سهاله ان شاء الله لا تحاتين

 

[شوق شوقى]

الله يسهل عليج

 

[meen_ana]

الله يسهل عليج ويقوومج بالسلامه اعرف وحدة والده من مقعده البيبي وطلع بالسلامه مافيه شي

 

[moon^light]

رد : منو جربت تولد طبيعي من مقعده البيبي

مشكوريين بنات على الردود ما قصرتو
انا دكتورتي خالده المجيبل امدحوها لي انها تصبر على الوحده و شاطره بالولاده المقعديه,, ان شاء الله يارب يفتر البيبي مع الطلق و اولده من راسه

 

[دمثة]

اكثر وحدة شاطرة بالولادة المقعدية الدكتورة خالدة المجيبل

 

[دمثة]

حياتي انا والدة عندهاااا خالدة المجيبل عسل عسل وتهبل وعسى ربي يوفقهااا ويرزقها العافيه

 

[نكهةالبرتقال]

بنت خالتي ولدت بنتها من مقعدتها و الحمد لله ما صار بالأم و لا البيبي إلا العافية

بس أنتي توكلي على الله

و بعدين مرات سبحان الله وقت الطلق البيبي من نفسه ينقلب

 

[نـــــ أم ـــــور]

والله مادري ياقلبي

بس ادعي ربج دايما انه يسهل عليج وتصدقي وعسى الله يارب يسهل عليج ويرزقج بالطفل الصالح المعافى يارب

 

[مو عايشة بالدنيا]

عادي حبيبتي يصير
بس تعب واااااااااااااااايد
الله يعين
وترا ساعات حزة الطلق كل شي يتغير ويمكن يفتر البيبي عادي وينزل راسه

 

[..ليالي..]

الله يهون عليج بالسلامه

وسمعت ان السجود واتطولين فيه اشوي زين ويفر الجاهل

وبعد لما تحبين مثل الجهال يفتر الجاهل اذا راسه فوق

وان شاء الله سهالات

 

[دلعلــــع]

الله يسهل علييج يا رب

 

[قلب ناصر]

الله يسهل ولادتج حبيبتبي وانا ماعندي فكره بهالشئ ... بس اللي اسمعه دايم اذا كان البيبي راسه فوق حاولي تحبين نفس اليهال الصغار لمده عشر دقايق تقريبا وســهالات انشاء الله

 

[صيته مناحي]

وكلى امرج لله وان شاءالله تتيسر ولادتج

 

[moon^light]

رد : منو جربت تولد طبيعي من مقعده البيبي

مشكوريين بنات ريحتوني الله يريح قلوبكم,, و صاجه دمثه دكتوره خالده تينن مع اني توني قمت اراجع عندها بي حدها حبوبه و فاهمه ووايد تعطيج من وقتها