منو جربت شاليهات حلوة وفخمة ووين

[جوري99]

بنات ضايق صدرى ودى احجز شاليه بس يكون يكون مكان هادى حتى ما ودى نهاية الاسبوع عادى نص الاسبوع ابى وحدة مجربة وشايفة وفعلا حست بالفرق ومنو عندها فكره عن شاليهات الخفجى صج حلوة؟؟؟

 

[om MaRyooM]

عن تجربة .. شاليهات خليفة حلوة وهادية حيل

 

[حيزبونه 2000]

بجم شاليهات خليفة و شلون الحجز

 

[G!RLY-PAci]

اذا انتي خطج زين دذي مسج حق 1808080 وكتبي شالهات خليفه السياحيه
ويعطونج الرقم
انا جربت شاليهات سيشل وااااااااااااايد حلوة بصراحه هاديه وممتازة والاحلى ان يسوون حفلات خق الياهال ومسابقات وشخصيات وايد وناسه والله
وشاليهات الجون يم سيشل بعد وايد حلوة بعد
سيشل والجون يم بعض ولما تطلعين برة الشاليه في مطاعم بيتزا ومحل ايس كريم ومحل عصاير ومركز سلطان صغير
هالاماكن كلها مثل الواجهه برة الشاليه وااااااااااااااااااااااااااااااايد روعه

 

[ملكة الياقوت74]

صج انا جربت شاليهات خليفه روعه روعه روعه يطل على احواض سباحه ويطل ع البحر موقع وايد حلو والخدمه زينه والشاليه نظيف

 

[الاميره لولوه]

بنات جم سعر الليله بشاليهات خليفه

 

[Flower City]

مرحبا بنات ، سيشل وين يكون فيه ؟

 

[G!RLY-PAci]

قبل ماكدونالدز
اللي على خط الخيران

 

[ألوي الكويت]

اب
اب

 

[يارحيم إغفرلي]

اب لعيونج

 

[cat walk]

انا جربت سيشل وايد حلو وراقي بس دايما يحطون دجي من العصر لي الساعه 10 بلبل ويصير ازعاج حتى مانقدر نتكلم من الموسيقى , احلى شي الواحد يروح مكان هدوء ومافي زحمه وايد

 

[المتفائله دائماً]

ابي مكان هادي ورايق وفيه مكان للعيال بلعبون فيه لكن بعيد عن القعده اللي احنا فيهااااا

 

[adool70]

اختي نصيحة ابتعدي عن شاليهات خليفة لانها مو نظيفة بمعنى الكلمة
الظاهر من كثر الدوس اللي عليها
(من العروض اللي يسوونها للجمعيات و..الخ فيصير الويك اند نص السعر يعني 80 دينار فقط لاغير)..
فتلقين بالشاليه الواحد عوايل عوايل وكوكش يهال وفوقهم خدامهم
شنو تتوقعين؟؟
الصوفا الجلد اللي بالصالة مبقعة تلوع جبدج ما ودج تقعدين عليها
تكرمين الحمامات وسخه سوري مابي اقول تفاصيل علشان ما الوع جبدج
غير الحشرات الصغيرة اللي تمشي فوق الشراشف
مادري عن الناس اللي اسكنوا فيه و عجبهم .. بليز لحد يزعل بما ان كل شي بالكون نسبي
يمكن النظافة مسألة نسبية بعد

 

[adool70]

العام رحنا سيشل كان حلو مرتب ونظيف
بس ماادري عنه الحين اذا للحين محافظ على مستواه
تأكدي من اي احد توه رايح له

 

[hi555]

دايما انصحج تاخذين شاليهات فندقية لانها ارقى وانظف
فارشحلج سيشل والهيلتون
واذا تبين هدووووووء وراحة اعصاب طبعا الهيلتون
اخذيلج شالية مواجة للبحر
وعيالج يروحون حمامات السباحة او الالعاب او الملاعب وغيرها
هم عندج ستار بكس وبيتزا اكسبرس ومطعم تايلندي وسوق صغير للفندق
وهم لكم ريوق مجاني كل صبح داخل الفندق من الساعة 6 لين 11 الصبح