منو جربت علاج مع د. عمرو مدني في ابو شهري وحملت

[مي حواش]

السلام عليكم
اللي راحت عند د. عمرو مدني وسوت تلقيح صناعي او حقن مجهري تحكي لنا حكايتها لنستفيد

 

[M!SS.LOBY]

ااااب

 

[عسل حدي]

رب لا تذرني فردا وانت خير الوارثين

 

[على ذمة عاشق]

أنا راح أسوي ع الشهر الياي بس خاااايفه وااايد لان ماعرف احد مسوي عنده وأول مره راح اسويها

 

[glby7sas]

انا حبيبتي مسويه عنده والحمدالله ربي رزقني

الدكتور وايد شاطر لا تحاتوون بس عيبه السكرتاريه المصريه اللي عنده تبط الجبد ماكو اسلوب كله ادش واشتكي منها وللاسف يقعد يبررلها
الموهم لازم تاخذين موعد منه واذا انتي مسويه تلقيح او حقن من قبل ييبي تقريرج معاج لانه راح يطلبه منج

 

[الرونقيه]

سمعت وايد يمدحونه ... بس للامانه مارحتله











اللهم لا تذرني فرداً وانت خير الوارثين​

 

[Katkoota85]

حبيبتي قلبي حساس الله يثبت جنينج ويقر عينج بشوفته
بغيت اسالج شكثر كلفج العلاج عنده وشنو سوالج بالضبط !؟ وشنو تحسين سويتي وصار سبب من بعد الله بنجاح العلاج؟؟

 

[glby7sas]

حبيبتي بكل صراحه انا كفلت يتيم ومن كفلته واحس ربي قاعد يفرجها عليي حتى النفسيه تغيرت وغيرت البنك مالي قلت ماابي ربوي ببتعد عن الربا من سويت هالشغلتين والله انه بنفس السنه ربي كتبلي بالحمال


الموهم طريقه يبلش معاج قبلها بثلاث شهور طبعا انا حالتي ضعف حيوانات منويه ومسويه من قبل وفشلج رحتله ثاني يوم دوره سوالي تحليل وفحص سريري وسونار الفحص السريري اللي اهي البطه
وقاس وزني وقالي لج ثلاث شهور تضعفين
الموهم اول شهر دوره ماسوالي شي مجرد فحوصات وقالنا طريقه العمليه وشنو بيسوي وقالي تراجعيني الدوره اليايه وتقريرج معاج عن اسباب العمليه وشنو الابر اللي عطاج ياهم رحتله ثاني شهر من ثاني يوم دوره قرا التقرير وعطاني حبوب ياسمين وحددلي يوم اخذ فيهم ابره تنشف الدوره وخذيت الابره منه تشترينها من الدكتور بعدها يقولج تعاليلي بالتاريخ الفلاني رحتله جيك علي بالسونار وباش بنفس اليوم ابرتين منشطه خذيتهم وكل يومين اراجعه يجيك لين وصل العدد والحجم المطلوب عاد يتفق معاج وين تبين تسوينها وشنو تبين انا قتله لاصق اجنه وابي ليزر فقالي عيل مالج الا الهادي اهم اللي عندهم جذي عطاني ابره تفجيريه امشي بالوقت عليها وحدد يوم متى اروح المستشفى طبعا المستشفى راح يدقون عليج يذكرونج الموهم بس يوم السحب بنج كامل وبعد ماتصحين راح يعطيج ابره تثبيت وحبوب الدفستون والتحاميل بعدها بعدها باربع ايام يدقون عليج يبلقونج جم وحده تلقحت ومن اي درجه واذا في مجال تجميد او لا ويقولولج تعالي باجر الترجيع تروحين طبعا يوم الترجيع بدون بنج يراوون ريلج صورت الاجنه وانتي لا لوول المووهم تدخلين ويحطلج الاجنه وطبعا تييج وحده تقولج التعليمات ويقعدون نص ساعه داخل غرفه العمليات بعدها ثلاث ساعات بره بالغرفه بعدين تقدرين تروحين الحمام طبعا اول مليطلعونج الغرفه بيعطيج ابره تثبيت بعد وتكملين عاد عالدفستون والتحاميل لين يوم التحليل اذا في حمل تكملين عليهم مافي حمل توقفينهم وبس