منو جربت قص اللثه عند عيادة اسنان كلينك

[أسيـل الجـــرح]

شلونكم كويتيات اليوم كان عندي استشارة في عيادة اسنان طبعا كله اروح استشاره وبعدها انحاش من الخوف المهم اسناني فيها بروز ودخلت على د.هادي الصفار من شهرين وامس رحت حق د. خالد الخياط المهم انهم قالولي ما احتاج تقويم لاني اذا حطيت ما راح يرجعون وايد بيتم البروز فقالي د. خالد بس عالجيهم ولبسيهم لان الي جدام 2 منهم غير لون الباجي .. واليوم كان عندي موعد مع د. طارق بورزق شاف اسناني وقالي لازم نقص لج اللثه وراني بالكمبيوتر اوف صج لاعت جبدي وخفت زياده بغيت استفرغ عليه بس مسكت نفسي وسالته شلون قال لي بالموس وماراح تحسين بشي وحاليا اخذت مواعيد علشان ابلش وحدي ميته خوف فياريت الي مجربه قص اللثه عنده تشرحلي شلون والله بدعيلها لاني حدي خوافه ومن ادش العياده اطلع معرقه من الخوف :0bee2e8d89:

 

[amour_mai]

والله اختي انا مو مجربته بس انشالله اذا في احد من الخوات مجربته ينصحونج

 

[ma3moolah]

هلا حبيبتي أمي العام كانت مسوية عملية قص اللثة بس بعيادة بيان برج الخرافي عند دكتور محمد النوري بصراحة روعة هالدكتور
صج العملية تغث تخيلو شفت كل شي وإهم يقصون لثة امي بس والله سهالات ما حست بشي أثناء العملية بس عقب ما خلصت حست طبعا بعوار بس خفيف لأن ماطلعوها من العيادة إلا بعد ما تطمنو إن كل أمورها اوكي و عطاها مسكنات و إرشادات إن ما تاكل شي حار ولا بهارات وايد عشان ماتنزف وتلتأم اللثة بسرعة عندها ووصاها تاكل بريد فانيلا مو نكهات عشان ما يحرقها وبعد عشان يتجلط الدم بسرعة ويوقف النزيف وفعلا اسبوع وراحت قصت اللثة اللي تحت وألحين الحمدلله مافيها إلا العافية عسى ربي يحفظها ويطول لنا بعمرها

حبيبتي توكلي على الله وسويها وماعليج إلا العافية بإذن الله

 

[أسيـل الجـــرح]

يزاكم الله خير وربي يوفقكم ويفتحها عليكم امين

 

[تاج البداوى]

حبيبتي روحي وانتي مغمضه انا الدكتور طارق حافظني عدل من كثر ما اراجع عنده

وسويت رفع للثه 3 مرات جد ولا اسهل وحيللل مريحين وماتحسين باي الم

قوليله شهد مدحتكم ههههههه الكل حافظني بهالعياده


حبيبتي توكلي على الله ورحي

 

[nazek_q8]

سؤال

ليش يقصون اللثه ليش شفيها؟؟

انا مسويه تلبيس بس الدكتور قالي ماتحتاجين انقص اللثه صج اهي شوي تعبانه بس علاج وخلاص

 

[جوري الكويت]

سؤال

ليش يقصون اللثه ليش شفيها؟؟

انا مسويه تلبيس بس الدكتور قالي ماتحتاجين انقص اللثه صج اهي شوي تعبانه بس علاج وخلاص

في ناس اسنانهم صغيره

يقصون لهم اللثه علشان تبين الأسنان اطول

 

[بنت بابا جابر]

بصرااااحه انا عندي موعد عندهم ... بس كل شوي مأجلته من الخوووووووف :eh_s(16):