منو جربت مطحون قشر الرمان لارتجاع المريء ؟ ابي طريقته الصحيحه

[حنان 84]

سلام بنات

انا تعبت من ادوية الطبيب لارتجاع المريء
صارلي سنه ونص اعاني معاناة حقيقيه ما اقدر اكل ولا اقدر انام
وانا خوافه من كل شي واخاف اجرب شي مو مجرب
سمعت بمطحون قشر الرمان
في احد مجربه ؟؟
وهو رمان عادي ما يخوف
بس شلون طريقته ؟
يعني القشر كله ايبسه واطحنه ولا بس اللب الي داخل ؟
ياريت تفيدوني

 

[رووزلندا]

رررررررررررررفع

 

[بنت السلطان]

حبيبتي ماتشوفين شر
اول شي الرمان مفيد باكله وعصره او انك تاخذين قشور الرمان وتجففينهم كم يوم وعقب تطحنينهم وكل يوم تحطين كفشة علي الحليب او لهمه على الريج لانه مفيد جدا للمعده والمري

 

[LaDantel]

هلا اختي

فعلا مفيد و ابوي كان يعاني من هالحاله و الحمدلله خفت وايد

الطريقه .. تجففين قشر و شحم الرمان بالشمس

بعدها تطحنينه و تشخلينه وهو ناشف ... تاخذين البودر

و ترجعين تطحنين اللي ترسب بالمشخال .. ليما يصير عندج كميه من البودر

الطريقه :

تاخذين علبة زجاج و تحطين فيها عسل اصلي 100% لازم اصلي و يكون افضل الانواع

و تحطين عليه من البودر مال قشر الرمان و تخلطينه بالعلبه و تخلينه

كل يوم عالريج تاخذين منه ملعقه كبيره

و هم قبل النوم



بالنسبه لكميه العسل و كميه البودر .. عادي بالنضر .. ضيفي البودر عالعسل لغاية ماتصير عندج شبه عجينه مايكون العسل سايح

و ماتشوفين شر

 

[ام مبارك12]

سبحان الله كانك تتكلمين عني تعبت من الارتجاع ما خليت دكتور ولا وصفه قشر الرمان العسل وصفات شعبيه كل شي تتخلينه اخذته مافي فايده لين سبحان الله بالصدفه قريت عن معالج عندكم اسمه منصور العنزي اكتبي بقوقل وشوفي ايش يقولون عنه طبعا انا كلمته وشرحت له حالتي كلها وقلتله لدرجه الاكل ماعاد صرت اكل ونزل وزني 10 كيلو قالي اللي فيك مشع بالسره قديم وحركه بروده بالامعاء وقالي لو تلفين دكاتره العالم ما راح تلقين العلاج وقالي بأعطيك لبخه على الرأس وكاسات هواء على البطن مع التمريخ وفي خلال 3 ايام ان شاءالله راح تتشافين 90 بالميه الصراحه تفائلت فيه وبعدين سألت عنه هنا ادخلي على موضوعي وحده كتبت تجربتها عالجها من فري بالرأس وحيل يمدحونه وقررت ان شاءالله اروح له بس ماادري متى لاني بالسعوديه عاد انتي ماشاءالله عندك انصحك تروحين له وتجربين وقبلها طبعا كلميه والله يشفيك ويشفيني ويشفي جميع الامه الاسلاميه

 

[ام مبارك12]

بغيت اسألك عندك نبض في البطن؟؟

 

[شغلي غير]

اب اب اب

 

[قمر بيت أبوها]

الارتجاع المرئ عند حتي المواليد اهم شي لااكلتي لاتنامي علي طول والحوار اذا اكلتيهم علي طول وارهم كاس لبن
وقشر الرمان مفيد لقرحة المعده والله يشافيك

 

[اشلون يعني &]

سلامتج
فيه دكتوره مصريه بمستشفى العرف عالجت وحده نفس حالتج وتشافت
اصلا علاجج يبيله وقت


عليج بالروب

 

[كريستال]

للرفع

 

[مملكة العشاق]

ااااااااااب

 

[اوراق من الماضي]

الله يشفينا وياكم يارب
جزاكم الله خير مشاركه طيبه ومفيدة