منو جرب المختبر الألمانى اللى يضعف على على حسب نوعية دمك

[ذات الهمة العالية]

السلام عليكم
بنات فى وحدة قالت لى عن مختبر فى الجابرية بفحص دمك
اسمه المختبر الألمانى للتحاليل الطبية
وبعدين يعطيك الأشياء لسته من المأكولات اللى تمتنك وممكن ما تمتن غيرك علشان تبتعدين عنها

منو جربت

وسعره غالى

أرجو الإجابة

 

[فتون علف]

السلام عليكم

حبيتي لا تتعبين نفسج ماينفع
هالطريقة فاشله ماكو شي اسمه ريجيم على فصيلة الدم ولا حسب تحليل الدم وشنو ينفع وشنو ماينفع

وانا سمعت بأكثر من مقابلة ان هالطريقة غلط وماتعطي نتيجة ابدا

اسهل شي حسبي السعرات الحرارية بالأكل وقللي النشويات وكثري الخضرة وشربي ماي وايد ولعبي رياضة

 

[ذات الهمة العالية]

الله يجزاك خير يا فتون

شخبارك يالغالية

وين ردك عن محل تواقيع شنو الماركات نااااااااااااااطرة ردك

وزين قلتى لى على هذا المختبر يعطيك العافية

 

[الحور]

حبيبتي جربته وعطاني الدكتور كتاب خاص فيني عن الاكل اللي يمتني وقالي جم كيلو تبين تنزلين قلت ابي كيلوين الى خمسه .. عطاني رجيم علشان انزل الكلسترول كان عالي وقالي بعدها تعالي ودفعت 150دينار عاد بصراحه انا بس اخذت الكتاب ورحت وماسويت شي لان حزتها كان رمضان .. ورجيم في رمضان ممنوع ..

 

[ذات الهمة العالية]

سبحان الله يا الحور طيب شنو فصيله دمك

وأكتب لنا اللى فى الكتاب شنو كاتبين فيه ولو على أختصار إذا ما عليك أمر

ورجع له دفعت 150
مشكورة حبيبتى على الرد

 

[ظلال القرآن]

انا سويت التحليل عشتو طرشوه لندن وردوه وعطوني لسته الظاهر مصورينها حق كل الي فصيلتهم نفسي

كلا نصب واحتيال واحنا يالكويتيات ما نصدق احد يسوي دعايه سيده وبدون تفكير نركض

المهم سويته 150 وتاليتها موجود بنك الدم بلاش
قوليلهم فصيلتج ويعطونج

عاد انا دريت عن بنك الدم عقب ما سويت التحليل بثلاث ايام قهرررررررررررر

 

[ذات الهمة العالية]

والحين يا ظلال القرآن فى مكتبة الروضة كتاب ينباع ب1.550 على ما أتذكر كاتب لك عن كل دم وفصيلته وشنو اللى مهم تاكلين
الله يجزاكم خير على الإجابة
ومشكورة على فكرة بنك الدم

 

[atooma]

رفيجتي سوته وشكثر متحسفه على ال150 اللي قطتهم مانفع معاها كله خرابيط بخرابيط

 

[ام المزايين]

انا سويته وكلها خرابيط

حتى الدكتور عبدالله المطوع ضحك علي يقول قصوووو عليك