منو جرب غسالة ونشافة أل جي

[noor77]

صباح الخير بنات

شلونكم ؟


خواتي منو جرب غسالة ونشافة ال جي 9 كيلو الي سعرها 240 وفي لون سلفر 246 بنفس المواصفات من يوريكا

تنشف ميه بالميه ؟؟ لانه قالي اذا حطيت كميه أقل من الملابس يطلعون ناشفين
ياريت تردون علي بسرعه لاني اليوم ناويه اشتري

 

[بنت الاحلام]

ماعرف بس رفيجتي حيل حيل مدحت لي هالغساله وشجعتني عليها

بس مادري اهي نفس الي تقولين عنها او لا

 

[الأميرة كيرارا]

مادري بس نصيحة
تأكدي إذا يصير اتشغلين بس تنشيف بدون غسيل ولا لأ
و إن التنشيف بعد 9 كيلو
لأن كل الي يشترون نشافة و غسالة نفس الجهاز يبتلشون بهالشغلتين
ينشف نص كمية الغسيل يعني لازم تطلعين نص
و الثانية إن ما تنشف إلا إذ اغسلت أول

 

[noor77]

هلا والله

شكرا خواتي للرد

هو الريال قالي انه 5 كيلو اطلعها نشافه عدل بس اذا 9 كيلو نص ونص فيها رطوبه

ياريت الي جربها يفيدني اكثر واكثر
ووشكرا

 

[noor الدنيا]

هلا حبيبتي أنا اشتريتها من شهرين و نصف ,, 7 كيلو ممتازه بكل المقاييس , بس بصراحه ما فيه تنشيف 100%100 , يعني يمكن 70% , بس ما لها صوت , و تنظف مضبوط , بس اهم شي تحطين بكل الدرجين حقت الصابون صابون , لأني حطيت بدرج واحد و طلع الغسيل وسخ , و فيها خيارات كثيره للغسيل على حسب نوع الغسيل , و كل نوع له وقت معين , و أقل وقت 30 دقيقه , و أكثر وقت ساعتين و أربعين دقيقة .

 

[noonaah]

انا عندي التسعه كيلو عجييييبه وتنظف عدددددل بس لاتنسين السبريييه اذا كان في الهدوم وصخ وايد بس نصيحه اخذيها حتى لو مانشفت 100%

 

[رجـــاوي .. }]

انا عندي ام تسعه كيلو وتنشف 80 بالميه بس مايطلع الملابس نظاف شسوي

 

[noor77]

هلا والله مشكورات على الرد حبيباتي

حبيت اسأل الي عندكم تنشيف على البخار ولا تنشيف عادي ؟؟؟؟