منو حاطة تقويم بخاص ؟ وين ؟ و بجم ؟

[Ms.LoL]

السلام عليكم ..

بغيت أسأل ..

منو مركبة تقويم بمكان خاص ؟

يعني عيادة أو مستشفى ؟

و بجم ركبته ؟

و هل تدفع حق كل زياره ؟

و لا دفعه كاملة من أول مره ؟

و جم تدفع بكل زياره ؟

و الدكاتره شلونهم ؟

تحسون المكان نظيف و تعقيم ؟

يقولون الخاص ما عليهم رقابه مثل الحكومة فما تدرين عن الامراض و غيرها ..

أبي مكان مستواه زين و سعره معقول ..

ياريت اللي تعرف تقولي ..

و تسلمووون ​

 

[الدلوعه2008]

حبيبتي والله ما ادري انا الخاص ما دخلته
انا سويت بمستشفي الحكومه انا بس دفع فلوس تقويم يعني للي اهو طلبه مني انا جيبه يعني للي راح يركبهم في ضروسي والحكومه اهي للي تدفعله

بس انا الحين حاطه تقويم والكل يفكر بالخاص بس الحكومه زين شتبين بالخاص يمكن يخربون ضروسج دربلج علي نفسج

 

[ميآسه]

سوى بحث بقسم الطب

اكثر شئ يمدحون الميدان ، ابها

وبالتوفيق ..

 

[qema87]

بالميدان .. بالف و شوي و الريتينر ب 200 اخر شي تدفعينهم

و اول شي يسوون لج تنظيف اسنان و اذا تحتاجين شيل ضرس او حشوات و كله بحسابه غير عن الالف و غير فتح الملف طبعا


اختي سوته بابها الدكتور موصاحي مايدري وين الله قاطه كنت انا اعلمه !!! لين كملت بالميدان

 

[تمنيتك]

منو مركبة تقويم بمكان خاص ؟

انا

يعني عيادة أو مستشفى ؟

عياده .. انترناشنول كليمك

و بجم ركبته ؟

1350 جنا

و هل تدفع حق كل زياره ؟

ادفع 50 وبعض مرات مادفع

و لا دفعه كاملة من أول مره ؟

لا بس اول شي دفعت 250 جنا

و جم تدفع بكل زياره ؟

50 وهم بعض مرات مادفع

و الدكاتره شلونهم ؟

زين وواسلوبه حلو وغشمرجي

تحسون المكان نظيف و تعقيم ؟

نظيف وراقي وهادي .. واغلب المراجعين اجانب

 

[Ms.LoL]

لا حكومة حطولي و انا صغيره توني 12 سنه !
و بعدين شلوه امبجر و ردت اضروسي
يوم رحت الثنوي رديت سويت طلب
ياني الدور عقب سنة طبعا
و يوم دخلت على الطبيب جان يقولي لا دام حاطه من قبل ما احطلج و سوا صيحه على مادري شنو
جني قاصه عليه !
و شكله ما صدق يوفر اماكن و قالوا لا ما نقبل ملفج
و رفيجتي حاطه مرتين يعني مافيها شي ما يضر !

وايد 1000 و بعد فوقها 200
شدعووه \=

انا قالولي 500 قلت وايد
هالدوور 1000 و مو سعر نهائي \=

وي عيل لا يحوشك ابها

احس الميدان زحمه من كثر الدعايات عنه بيصير مواعيد مثل الحكومة


تسلموون و الله

و بعد منو مجربه ؟

 

[حور العيون]

منو مركبة تقويم بمكان خاص ؟

انا

يعني عيادة أو مستشفى ؟

سويته بالميدان

و بجم ركبته ؟
1600 لأنه شفاف اغلى من الحديد

و هل تدفع حق كل زياره ؟

ايه بلأقصاد


و جم تدفع بكل زياره ؟

50 دينار
و الدكاتره شلونهم ؟

نفسيتهم حييل حلووووه

تحسون المكان نظيف و تعقيم ؟
اييه حييل والله كل زياره اروحلهم يشقوون قراطيس الأدوات قدامي وكلها معقمه

يقولون الخاص ما عليهم رقابه مثل الحكومة فما تدرين عن الامراض و غيرها ..

أبي مكان مستواه زين و سعره معقول ..

بالعكس ميدان مال الفروانيه ارتحت معاه حييل ومعاملتهم حلوووه خاصه دكتوري ايده خفيفه ماشاء الله

 

[بسمة خجلِِ]

منو مركبة تقويم بمكان خاص ؟

انا

يعني عيادة أو مستشفى ؟

الحكمه بالفروانيه

و بجم ركبته ؟
850 قبل 3 سنين

و هل تدفع حق كل زياره ؟

ايه بلأقصاد كل زياره 35 واذا ماعندج الزياره الجايه تدبلينها


و الدكاتره شلونهم ؟

نفسيتهم حييل حلووووه دكتوري هندي وتحسين فاهم

تحسون المكان نظيف و تعقيم ؟
اييه حييل والله كل زياره اروحلهم يشقوون قراطيس الأدوات قدامي وكلها معقمه
ويقولح اذا محتاجه حشوات تسوينها بالحكومه يعطيج ورقه للمستوصف ولا تسوينها عندهم انا سويتهم عندهم السن الواحد
ب35 بطرانه فلوسي واجد مالي خلق لمواعيد المستوصف

 

[Ms.LoL]

ايي
مو هذا الحكمة اللي في له فرع بمجمع بلازا حولي ؟
مره رحت شلت عصبي عندهم
دكاترته لبنانين مادري من بلاد الشام ..

 

[بسمة خجلِِ]

مادري انا اللي اعرفه انه عندهم بس بالفحيحيل والفروانيه فوق سوق مترو

بس يهبل يوم خلص شاله حطلي نفس السيم من ورا عشان يثبتون ومايردون نفس قبل وقالي بعد سنتين تعالي اشيله بس مومبين

 

[النملة نواري]

منو مركبة تقويم بمكان خاص ؟
انا
يعني عيادة أو مستشفى ؟
عيادة فرجينيا
و بجم ركبته ؟
1100
و هل تدفع حق كل زياره ؟
اي 50
و لا دفعه كاملة من أول مره ؟
اي امبلا 300
و جم تدفع بكل زياره ؟
50 اعتقد
و الدكاتره شلونهم ؟
يهبلوووووووون و دمهم عسل
تحسون المكان نظيف و تعقيم ؟
اي و الله كل مكان معطر جو و كل الادوات يطلعونهم من جيس
يقولون الخاص ما عليهم رقابه مثل الحكومة فما تدرين عن الامراض و غيرها ..
لا بالعكس غلطانه الخاص حدة حلو و نظيف

 

[Ms.LoL]

سؤال .
قصدكم المجموع تدفعونه بالاقصاد
و لا تدفعون 1000 مادري 800
و فوقهم لكل زياره 50 ؟
يعني مو دفعه وحده ؟
و لا المجموع 1000 و تدفعونه بكل زياره ؟
ما فهمت عدل ..

النظافة قصدي ادوات المكينه
اللي يحفر و هالسوالف الثاابته
بس صح دام جياس فهمه نظاف

 

[بسمة خجلِِ]

لا حبيبتي تدفعين اول مقدم

200 وينحبون من 850 وبعدين كل زياره 35

حتي اذا خلصت 850 وانتي ماشلته تجين يفحصج وتروحين بدون لا تدفعين لانج خلاص دفعت كل 850

 

[The.Cancerian]

انا حطيت تقويمي عند البروفيسور الدكتور ابراج في مستشفى هادي
دكتور معروف وممتاز جدا جدا

ركبت فوق وتحت بـ 1200 دينار ، اول مرة يوم ركبته دفعت 600 دينار وبالباقي كان اقساط 50 كل شهر​

 

[Ms.LoL]

تسلمون حبيباتي ..
اخترت لي واحد و هالاسبوع إن شاء الله بركب ..
حصلت بالحكمة لأني مجربتهم ..
و أمس رحت شلت حشوه ..
لأنه بالحكومه الله يسلمهم حاطين لي ياها بدون ما يشيلون السوس عدل ..
و الطبيب شالي الحشوه و السوسه و حط حشوه بدون بنج و ما حسيت بشي !
ما شاء الله عليهم صح إيدهم خفيفه ..
و اللي بحط عنده هندي .. يمدحون الهنود ..
و قالي بين 1200 و بين 1300 ..
و أول دفعه قالي 300 ..
بروح عيادة مو مستشفى ..
الله يعين قالي ساعتين يبيله التركيب ..
مشكورين وااايد ..

 

[softlady]

خووووووش موضوع متابعينج رفع

 

[روحي تحب]

للرفع

 

[Dalo3aT OmHa]

منو مركبة تقويم بمكان خاص ؟

أنا

يعني عيادة أو مستشفى ؟

عيادة الفوزان بالمهلب فوق

و بجم ركبته ؟

1300

و هل تدفع حق كل زياره ؟

أي 50 كل زياره

و لا دفعه كاملة من أول مره ؟

لا بس دفعه أولى 350

و جم تدفع بكل زياره ؟

50

و الدكاتره شلونهم ؟

روووووووووووعه بمعنى الكلمه

تحسون المكان نظيف و تعقيم ؟

وااااايد الأدوات يفتحونها جدامي

 

[الماسه.76]

حبيبتي
انا سويت في البيان للاسنان
كلفني 1200 لان آنه حاطه مخفي فطلع بهالسعر لو مو مخفي بيكون اقل
والدكتور كويتي عجيييب وشاطر اسمه راشد العازمي
والمكان حده نظييييييييييييييييييييييييييف
والمعامله حدها رااااااااااااااقيه
يعني باختصار يسوى والعنايه توب
وطريقة الدفع اقساط على دفعات اول دفعه 300
وثاني مرة دفعت 50
والحين حاطلي موعد بعد شهرين
يعني وايد زين بالنسبه للاقساط والمعاملة

 

[سنفوره كويتيه]

مو مسويه مفكره والله