منو حست بجذي بعد الولاده ... وشسوي بالمضاد الحين

[Al shaikha 1]

السلام عليكم

بنات منو صارلها نفسي بعد الولاده كله احس بالم دوره لي
8 شهور انا اول لشهور عبالي طبيعي
سئلت رفيجاتي ولا يقولون لا مووتفسج
شكيت بنفسي ان. فيني شي
واقعد لين بغيت اموت اسم الله علي
رحت دكتور وسوالي سونار داخلي ووسئلني اسأله غريبه
شكيت بنفسي عن خياطي وولادتي شكو الخياط لان الخياط ماكان زين رايح للشرج تكرمون
وللحين في ندوب ومو مواسيته. وللحين احس بالم مكان لخياط بس نغزه مو حيل
ولا يقول مانظفوج عدل بالولاده لان اذكر يوم طلع ولدي اشوفهم اختبصوا يقولون نادوا الدكتوره الفلانيه
بسرعه في مشكله ولا يعطوني ابرة لوعه عشان ارجع
وقالوا دلكي بطنج لاازم
المهم قالي الدكتور فيج التهاب بالحووض ودار الرحم كله سوايل وفعلا قبل الدوره الاحظ
دم جامد خيوط تكرمون
والم بظهري ورا وكله احس بغثيان وبرجع
المهم عطاني مضادات ومسكن وغسول وتحاميل هذا يوم الثلاثا الي طاف
واحنا السبت ولازم اكمل لين اخلص الكرتون
بس المشكله يوم سئلني انا الغبيه ماحسبت متى كانت دورتي
فيتني الحين الدوره ومادري شسوي بالدوا اكمل ولالا
لان قريت عنه ولا يقول يسبب نزول صديد وخراج ويسد قناة فالوب
واسم الله علينا ينفجر الرحم ويؤدي للوفاة
الله يشفينا
شسوي منو صارلها جذي

 

[Al shaikha 1]

نسيت اقولكم عشان لحد يسوي بوالعريف خخخ
انا كلت دوية النفاس ترا وكانت تلووع جبدي منها بس كنت اكلهاا

 

[غنوة ستايل]

لا والله اول مره اخاف ما خيطوج عدل لان كلام الطبيب واسالته غريبه

 

[برعم الخوخ]

الله يشافيج يا قلبي اقري الفاتحة سبع مرات

 

[Al shaikha 1]

الله يسعدكم

 

[Al shaikha 1]

شدعووه

 

[Al shaikha 1]

صراحه مالوم الي تكتب ماحلل اللي تدخل وماترد شكلي بسوي جذي

 

[ام الحلوااات]

للـــــــــــرفــــــــــع​

 

[انــــا احبك]

الله يشفييييج بس ااعتقد مانظفوج عدل وين ولدتي اي مستشفى

 

[Al shaikha 1]

ام الحلوات جزاج الله خير

/
ماولدت بالكويت حسافه
بالسعوديه لا وهذا مستشفى خاص والكل يمدح فيه
بس مابظلم المستشفئ اهو عالدكتوره حسبي الله عليها
انا من شفتها مالها خلق وجنها نعسانه استغفرالله مارتحت لها ابدددد
لا ووقت الطلق ماصرخت كنت اعض بنفسي عشان مازعجها ولا تقولي انتي ليش دلوعه !!!!!!!!
كان ودي رافستها بس مشكله ابره ظهر وريلي ثقيله
<< طقيتها سوالف

 

[ساشا]

روحي حق احمد الشاذلي او معصومة مقصيد

ممتازين بهالامور ... راجعي وشوفي راي اكثر من دكتور

وبعدين المضادات الحيوية زينة لج الحين اذا فيج التهاب او شي

ولا تحوسين بنفسج .. دوا نفاس وغيره الحين عابلي بالدكاترة وشوفي شنو رايهم

يمكن تحتاجين تنظيفات وتعديل الخياط

انا صار معاي جذي ان خياطي الاولي كان بالصباح لي الشرج اللهم يا كافي (اشدعوة)

ولا وبعدين لحمة زايدة @@ تخيلي اخر الجرح فيج لحمة (ويع)

والله كنت استحي من ريلي

رحت سوولي تجميلي وصححوا اللي كان فيني

والله يعينج

 

[Al shaikha 1]

ساشا صح جنه لحمه طالعه لا مو كلها مسكره
الله يعين
الا صج يصير اسوي تجميلي من غير ولاده

 

[الصعيريه]

سلااامتــج
ودام جتج الدوره إسإلي الدكتور تكملين علاجج ولاتنطرين ليمن تخلص

وبالنسبه لسؤالج الاخير

الا صج يصير اسوي تجميلي من غير ولاده

يصييير والاحسن يكون عقب الولاده بجم شهر

وانا اليوم كنت عند الدكتوره إيفاا وموعدي إن شاءالله يوم السبت اسوي الخياط

لاني ولدت 3مرات واخر ولاده لي شهر 1
وماسويت خياط تجميلي

 

[القلعة الذهبية]

انا نفس العوار الي ذكرتيه بس والدة قيصري وما رحت للحين لاي دكتتور والدة لي شهرين

 

[Al shaikha 1]

لاازم الوحده اجيك كل 6 شهور
نادر القى وحده ماتحوشها التهابات
الله يعين
مشكورين عالردود الحلوه

 

[Miss Chanel]

الله يعــــينج
روحي حق طبيب زين انشالله يساعدج

 

[gannan99]

اب اب

 

[& مــشــايــخ &]

الله يشفيج يارب

 

[ناتشوو]

ماتشوفين شر
اهم شي راي الطبيب
واظن مالها علاقة المضادات بالدورة استمري عليها

 

[دمثة]

اذا عوار دوة احتمال قرحة ما تبين بالسونار الا بالفحص الداخلي