منو راحت جنوب افريقيا..؟؟؟؟؟

[*AMOOLA*]

بنااااات انا انشالله يمكن اروح جنوب افريقيا منو فيكم راحت ابي تعلموني الاماكن السياحيه الحلوة واماكن التسوق ...الخ

 

[Om_Ksha]

اب


اب


اعرف ناس راحو لها يمدحووونها

 

[رووح ابووها]

اب

اب

 

[<miss botamba>]

انا رحت لها بال 2003


وااااايد اتينن وفي وايد مناطق بس حسب انتي شنو ميولج


احنا رحنا كيب تاون - جوهانس بيرغ - سن سيتي


اتوقع بهال 11 سنه تقريبا وايد اشياء تغيرت



من الاشياء الي اذكرها



بكيب تاون اونس شي:

السي فرونت مجمع عالبحر وبره كله هالطرارير الي يعزفون والا يترقصون

التيبيل ماوتن او الجبل الي جنه طاوله تروحين تشوفينه وحلو وقت الغروب

وفي جبل ثاني تصعدينهم هم علشان تشوفين رأس الرجاء الصالح و تشوفين نقطه المحيط الاطلسي مع المحيط الهندي

جزيره روبن ( السجن الي انسجن فيه مانديلا 16 سنه) ويقولونلج القصه وتشوفين السجن

في رحلات تشوفين البطاريق و الفقمات وجنه دلافين وحيتان

اذا تحبين مغامرات اكو تغوصين داخل قفص تشوفين القرش الابيض الي يعتبر اخطر قرش بالعالم



جوهانس بيرغ ما اذكرها عدل


بس اكثر السوق كان هناك وفي ملاهي Gold Reef City

http://www.goldreefcity.co.za/




سن سيتي:


عباره عن منتجعات نوعا ما و الاوتيل الي كنا فيه كان فيه بحيره صناعيه وحااطين براشوتات وهالسوالف وحمامات سباحه


واذا طلعتي بره تزورين حديقه الاسود و النعام و التماسيح و جنه في الفيله


كل نوع حيوان بحديقه بروح


وفي سفاري




وغيره




ديره وااايد حلوه للكبار والصغار

 

[BARBI]

مارحت لها مفكره صيف ٢٠١٣ بأذن الله اروح لها يمدحونها واااايد

 

[&موناليزا&]

حبيبتي روحي لها عن طريق الخطوط الاماراتيه

7 ساعات من دبي ترانزيت دبي

بارده بالصيف

بس بالليل لا تطلعون لانها مو امن بالاماكن البعيده

تهببببببببببببببببببببببل طبيعه بس ترا مو رخيصه

موفقه عزيزتي

 

[بكيزة هانم]

رحنا لها بشهر يناير وكانت روعه وجوها حلو ..ولما سالنا عن الطقس بالصيف قالت لنا المرشدة انه يكون عندهم شتاء لانهم جوهم عكسنا فالخليج..وقالت انه بيكون غائم غالب الوقت والامطار شبه متواصلة وتقول بنكون محكورين بالفندق لان المطر يوقف ساعه من وقت للثاني .. فما ادري يستحسن نروح لها في شهور البرد عندنا ..... وانا حبيتها وراح اكرر الزيارة لها ان شاء الله

 

[جوري!]

صدمتوني صراحه


اول ماقريت جنوب افريقيا حسيت حشائش السافانا وغابات و اسود
بس الردود صدمتني