منو راحت فلوريدا بسألها؟

[MoDaRRiSaH]

السلام عليكم بنات
حبيت أسأل جم سؤال حق الي رايحة ولاية فلوريدا بأمريكا؟
شنو أحسن طيران دايركت مادري ولا ترانزيت حق اورلاندو؟
واذا بروح اورلاندو أي منطقة بعد حلوة غيرها بنفس الولاية يعني ميامي؟ ولا تنصحوني بمنطقة ثانية؟
وأكون شاكرة لكم إن جاوبتوني​

 

[rawona]

متى ناويه تروحين؟؟ اذا تو الناس تابعي موضوع العائدات من امريكا وان شاءالله تستفيدين منه ​

 

[nero]

حق امريكا مالج الا اليونايتد دايركت

 

[om l3yal]

السلام عليكم هذي اول مشاركة لي في هالمنتدى الاكثر من رائع
انا متابعة من زمان بس من بعيد
بس يوم قريت فلوريدا طبعا ما قدرت اقاوم لانها عشقي
يا محفوظة السلامة ما انصحج تروحين دايركت لي اورلاندو لان مطار اورلاندو مو حلوة معاملتهم ومن المطارات المتشددة اما مطار ميامي فقمة بالسهولة في الاجراءات وهذا عن تجربة شخصية
وطبعا اورلاندو تينن عجييييييييييييبة شوي عليها والاماكن السياحية فيها ما تخلص وكافي لما تروحين بالليل داون تاون ديزني واتمشين فيها الصراحة يغنيج عن كلشي
وميامي وااااااااايد حلوة وسوقها عجيب
ولا اطوفج تامبا والبوش قاردن اللي فيها حلوة شوية عليها واذا فيج شدة طلعي من فلوريدا وروحي الشمال اقصى الشمال حق نياجرا الصراحة المكان بدون تشبيه جنة اصلا تنسين نفسج وتنسين همومج الله لا اييب هموم بس المكان وااااااايد حلو
وعطلة سعيدة

 

[semaasem]

على حسب الطيران اللي بتروحين له ووين ينزل انا رحت نيويورك ريحت فيها جم يوم ومنها شفتها شوفي هي المسألة سهالة ومومشكلة

مو شرط تروحين دايركت نزلي باي منطقة منها تريحين ومنها تشوفين مكان يديد وعقبها اخذي طيران داخلي لاورلاندو انا سويت جذي

الصراحة كنت ناوية اروح بس اورلاندو بس لما جيكت عالطيرانات مالقيت طيران ينزل هناك على طول يا نيويورك يا اتلانتا...وجذي

وصارت خيرة نزلت بنيويورك ريحت وشفت اهم معالمها الجميلة وعقبها رحت اورلاندو الا انا مرتاحة شوي من الدرب وفيني شدة حق

الالعاب والسوق وجذي وطبعا هذا مثال تقدرين تسوين سيرج وتختارين اي مكان تبينه