منو راحت ماليزيا ؟

[لولو ام يحيى]

هاي اشلونكم يا رواد السفر

بغيت اعرف من اللي راحوا ماليزيا معلومات عامة عن ماليزيا مثل:​

- التذاكر (لزوجين كشهر عسل)
-الاماكن الحلوة
-الفنادق السنعه (لأسبوعين يعني سعر معقول)
- الاكل و المطاعم النظيفه
- السياحه مثل الرحلات
- الاسواق اللي تونس و الغريبه
- التنقل الداخلي


وشكرا:tek:

 

[حبي كويتي]

الفنادق عندك
بسلانجور

الخيول الذهبية بس تراه لناس الرايقه مره ورعه قليله عليه

صن واي لا قون هالفندق عنده السوق والملاهي مره فله بعد


وتقدرين تاخذين ليله هنا وليلة هنا اذا تحبين المسافه بينهم نص ساعه علشان تكونين بالصوره لان الملاهي عند الصن واي واذا سكنتي بالخيول الذهبية لازم تروحين لصن واي بتاكسي

كوالالمبور فندق التايم سكوير البرج b لا يفوتك هذا بروحه روعه غير عن كوالا كلها واذا رحتي قوليلي ابي اوصيك على اشياء من هناك


لنكاوي برجايا لا يفوتك والله بتدعيلي مره رومنسي وخيااااااااااااااااااااااااااال نصيحة لنكاوي تحتاج لها 4 ايام افضل لكم


بيننج الهوليداي ان روعه وفيه فنادق كثيره غيره بعد


روحي للعرب المسافرون منتداهم فيه كل شئ

 

[brettey]

هلا وغلا انا السنه الي طافت رحت ماليزيا اهم بس مطارهم سياحه يهبللل
عندج فندق ماريوت بشارع العرب روعه وراقي وعندج الاحصنه الذهبيه بس غالي
التذكره على حسب الطيران بس نصيحه لاتروحين على السيلانيه
عندج الاسواق بكوالا لمبور مجمع تونز تور او klcc يهبل وراقي
ميغا مول
مجمعات شارع العرب مثل kl plaza -lot 10- pepeplaza هالثلاث يم بعض وعندج مطعم الطربوش وخيمه الصحراء كلهم بشارع العرب بس روووووعه ونظاف وعندج ناب ايراني جنه بتونز تور وفيه ناندو هم بالتونز تاور
فندق تايم سكوير وفيه مجمع من 4 او 5 طوابق وناسه
ماينز وندرلاند فيه سوق تروحين بالقارب وناسه
السوق الصيني تقليد ماركات حق الصوايغ
لاتطوفين جبل جنتنج روعه يا تروحين له من الصبح لي بالليل او تقعدين فيه ليلتين بفندق فيرست وورلد الملون بس اخذي جاكيت لانه برد بالجبل ولاتروحين له سبت واحد لانه عطلتهم فراح يصير زحمه بس وناسه جبا جنتنج تركبين تلفريك ونااااااااسه
عندج مجمع صن واي لاجون وهم فيه فندق واكوا بارك يبعد عن كوالا لمبور حوالي نص ساعه
منتجع افا موسى روووووووووعه تروحين له بالسياره ساعه
يمدحون مرتفعات الكاميرون بس مارحت لها
يمدحون الجزر بيينغ ولانجاوي حق المتزوجين بشهر العسل
مع تمنياتي لكي بسفره ممتعه

 

[دلوعة ميدو]

انا رحت ماليزيا وايد حلوة واكلها نظيف كلشي حلال حتى بطل الماي مكتوب علية حلال ومجمعاتها حلوة مثل بيبي وايد كبير انا ضعت فية وغعندج ميغا مول هم حل وايد اماكن بس ما اذكر واللة ...اي وصن واي لاغو والشلالات ديري بالج لما تروحين انا طحت خوش طيحة
وهذا كلة بكواللمبور وفي مدينة اسمة جنتق حلوة فوق الجبال بس حدها 3 ايام
والأ حصنة الذهبية حلو بس هم حدة 3 ايام وطل على بحيرة فيها قوارب اوديج لية مجمعين يفصلهم نهر اصغير ويمة مدينة ملاهي
وفي بكوالا لمبور مطعم لبناني عجييييب اسمة طربوش وهذا المطعم صاير عند شارع العرب وايد حلو المكان اهناك
انصج اتروحيلها انا رحتلها بشهر العسل وايد حلوة بس لا تروحيلها بالصيف حر ورطوبة على شهر2.3.4 حلو الجو روحلها ان شاللة تستانسين وايد حلوة لانها

 

[ابوس ترابج ياكويت]

عندج شارع رجنت كله فنادق واسوقه فيه المريديان والشارع حيل حلو كله عرب و سهاري يعني حلو

في سن وي لوجون حلو فندق وسوق ومدينه ملاهي (( العاب وحمامات سباحه )) حلوووو

سوق التوين تور (( البرجين التوأمين )) هذا برجين كل برج في 7 طوابق كلها سوق يعني تدوخين وما خلصاي

روحي جنتنج هذي منطقه بارده فوق جبل اتروحين لها بتاكسي فيها فندق وسوق والعاب .. حلوه

بالمختصر ديره حيل حلوه نظييييييييفه حيييييييييييييييييييييييييييييييييييييييييل وشعبها طيب

ابوي راح دول واجد يقول مثل نظافه ماليزيا ما شفت

 

[sweety_love2]

- التذاكر (لزوجين كشهر عسل)
ما عندي فكره والله زوجي حاجز

-الاماكن الحلوة
مجمع تون تورز- صن وي لغون<<<منتجع عجيب- بينغ<<الصراحه استانست فيها وفيها شارع كامل كله تقليد جناط وساعات وبواكه وكل شي تبين- لنكاوي<<<جزير ه ما فيها مجمعات على ما اعتقد لانه بس قاعدين بالفندق انا و زوجي-تايم سكوير <<مجمع وايد حلو -جنتغ <<<قمة الجبال عجيبه........هذا الحين اتذكره
-الفنادق السنعه (لأسبوعين يعني سعر معقول)

انا الصراحه الفنادق الي قعدت فيها كلها زينه وحلوه ونظيفه بس في لنكاوي يلوع الجبد
في كوالالبور (( دوزيت رجينسي)) هذا الي اتذكره بس وقعدنا بعد هوليدي ان
- الاكل و المطاعم النظيفه
طايحيله بس ماكدزونالدز والله اكلهم ما عجبني يمكن البنات يفيدونج بعد

- السياحه مثل الرحلات

لنكاوي كلها رحلات حلوه
- الاسواق اللي تونس و الغريبه
والله مجمعاتها حلوه

- التنقل الداخلي


وشكرا:tek:[/QUOTE]

 

[do0ora]

اااب .

 

[كوكا كولا]

انا توني حاجزه انا وزوجي
عالقطرية التذكره للشخص 205 دينار
بس للحين ما حجزنا الفنادق بشوف موقع booking وشفت تقارير البنات وعرفت