منو راح تايلند بسرعه دشوا

[حورية آلكويت]

هاي حبايبي

انا كله احن على زوجي ابي تايلند ابي تايلند وهوه مو داشه مخه مادري ليش

انا ابيها لأن اخوي وربعه راحو لها ويمدحووووووووووونها

والحين زوجي قال كيفج انروح تايلند

بس انا خايفه نروح ونتخسر ونرد ومانستااااانس ياريت اللي راحت لها تعلمني تونس حق وحده مع زوجها
وشنو اللي فيها حلووووووووو

ووين الاماكن اللي رحتولها

امااااااااااااااانه ساعدوني

 

[سمبوسة]

حبيبتي تايلند حلوة حق كبلز وخصوصا الجزر والا بانكوك مو حلوة زحمة ووسخة خليها حق التسوق بس وروحي بوكيت وساموي وقعدي بريزورت حلو وانا ذكرت أكثر من مرة الأماكن علشان ما أكررها حبيبتي اقري ردي بالهالمواضيع انشالله بتفيدج

هذا عن الفنادق وفيه صور
http://www.q8yat.net/showthread.php?t=170682

وهذا عن الأماكن الحلوة
http://www.q8yat.net/showthread.php?t=166316

وسامحيني على القصور يا الغالية

 

[malekatsabaa]

والله انا رحت بوكيت ماعجبتني كلها مايوهات حتى بالشوارع وتحسينها حق العزاب.الا اذا تحبين سوالف الريلاكس يعني تحجزين لج الغرف الي معاها حمام سباحه وسوالف جذي..

واما بانكوك حلوه بس تسوق ماشفت فيها الا بحيره فرونا فيها وقطيعه قواطي البيبسي طافيه فيها وبعدين رحنا سوق القوارب يعني يوقف طرادكم واييون القوارب الصغيره يمج وتشترين منهم ..بس

مادري ماحسيتها حلوه سياحيا..بس سوقيا ..حلوه وارخيصه.

 

[*جبرني الوقت*]

مارحت لها بس يمدحونها للتسوق وللسياحه

 

[حورية آلكويت]

انزين اهي بارده ولا حاره اخذ ملابس شتويه ولا صيفيه
علموووووووووووووووووني

 

[سمبوسة]

حر ورطوبة طول السنه يعني هدوم خفييييفة

 

[OM-3ABADY]

اهلييييييين

انا رحت لها قبل سنتين ويا زوجي وعيالي
والله استانست فيها وااااايد

لليحب الرحلات البحريه والقعدات الرومانسيه في الجزر راح يستانس في بوكيت ولليحب السوق بيستانس في بانكوك
وانا احب الاثنين

اخذي فندق هلتون في بوكيت صج شوي بعيد بس واااايد حلو اعيالي استانسو هناك
الفندق واايد كبير وفي تقريبا 4 حمامات سباحه ووين ما تمشين فيه طاوووس (عند المطعم وعند حمامات السباحه)
عيالي كل يوم يوكلونهم
كل يوم تطلين من الدريشه على صوت ومنظر المحيط

ونصيحه روحي فنتاسيا ورلد (عرض وايد حلو) اشتري التذاكر من المطار ارخص لج واذا تبين مع سياره تاخذج من الفندق وتردج له

 

[ام عبدالمحسن]

بوكيت حلوه حق الذي يحب السباحه والرحلات البحريه أنا وزوجي وأعيالي وااايد استناسنه فيها
وقعدنا في فندق هوليدى ان يم الأسواق والمطاعم اما بانكوك تسوق

 

[حورية آلكويت]

انزين بارده ولا حاره يا بنات

ايقولون فيه مناطق بارده ومناطق حاره علمووووووووووووني ياللي رحتولها

 

[حورية آلكويت]

وينكم يارواااااااااااااااااااااااااااااد تايلند

 

[أحلى همبه كويتية]

لا مو باردة عادية
جوها صيفي استوائي يعني ملابس خفيفة بنطلون خفيف مو جينز ثقيل وتي شيرت
والحرارة فيها اليوم 32 درجة وشوي مطر - اهل زوجي هناك الحين وايد مستانسين والجو وايد حلو
الصراحة أنا أحب جو تايلند مرة حر مرة مطر مرة غيم
ما شاء الله مشكل
وأنا رايحة بعد شهر ان شاء الله
وايد تونس
انصحك فيها

 

[أحلى همبه كويتية]

انزين بارده ولا حاره يا بنات

ايقولون فيه مناطق بارده ومناطق حاره علمووووووووووووني ياللي رحتولها

حبيبتي اخذي المفيد من ناس جربت
روحي شانغماي هذه المنطقة حلوة وبراد وفيها شلالات ورحلات وايد وفيلة
وامكاتب الرحلات هناك على أقفا من شيل تحتارين شتاخذين
صدقيني راح تستانسين
قعدي فيها 5 أيام
انا حاجزة حق فندق رويال برنسيس هذا بوسط السوق ومكانه يونس

بوكيت بحر ووناسة ونشاطات على كيفج
الجت سكي - البراشوت -سفاري - فنتاسي ورد عرض عجيب - عرض الدلافين
حديقة الحيوانات وفيها عروض قردة - ثعابين - عروض كابوي وايد حلوة
وغيرها الحين ما أذكرها
أنا حاجزة بقعد 6 أيام

أخر شي بنرجع بانكو حق السسسسسسسسسسسسسسسسوق
بقعد 10 أيام
وترا المجمعات مالتهم كبيرة وتوصل إلى 7 أدوار يعني المجمع الواحد ما يفيج فيه يوم
وفي بعد دريم وورلد (مدينة ألعاب )
سفاري وايد حلوة
رحلة بالنهر باليل مع العشاء يقولون وناسة أختي توها راجعة
ركوب فيلة
السوق العائم ( هذا سوق تتمشين فيه بمركب خشب وتشترين ) ينعي نهر وقوارب بس وناسة
سيام أوشن ( في مجمع سيام براقون ) مثل المركز العلمي وأحلى بوايد تمرين بحوض السمك من تحت وكل السمك فوقك اليهال وايد يحبونه
وغيره وايد لي ذكرت أقولج


فيه جزر ثانية ممكن تقضين فيها ليلتين مثل كوهسماواي وكاشنبوري ( الأسماء صعبة )
وفي المطار المكتب وايد عندهم عروض

باتايا ما أنصحك تقعدين فيها كلها شباب
تروحين الصبح وترجعين المغرب تبعد ساعة بالتكسي عن بانكوك
فيها وايد أشياء سألى المكاتب عنها لأني ما رحت لها


تحياتي
ورحلة موفقة