منو سافرت معاها اكثر من 4 عيال وشلون كانت السفره بالسياره او بالطياره؟

[انشودة المطر]

السلام عليكم


انا وحده اموت بالسفر بس بعد ماكثروا اليهال ماشاء الله سارت سفرتى ثقيله صعبه خصوصا امى عوده ومريضه وصعب اخليهم عندها....برايكم شنو احسن دوله تناسب اليهال والاهم الاسعار التذاكر او اقصد ارخص دوله من حيث التذاكر ....كل وحده سافرت مع اليهال شلون كانت سفرتكم عن الطريق السياره او الطياره ...اخذتوا ماجله ولالا؟ابي بالتفاصيل ونصايح جزاكم الله خير​

 

[$حبيبة عبودي$]

انا سافرت بس مع ولدي بس بهذلني لانه صغير ..
رايي تاخذينهم ولاتاخذين معاج ماجله عشان ماتزيد الحوسه عليج
واذا اهم كبار ماعليهم يتصرفون بروحهم بس المشكله بوسنتين وتحت
انا من رايي تسافرين وتستانسين

 

[ام علاوي وعزوز]

بالسيااااارة لاتفكرين تسافرين مع اليهااال كلش انا رحت العمرة مع عيالي الله يحفظهم 3 زوعوني العافيه قلت اقط فلوسي على تذاكر الطيارة واشتري راحتي احسن شي

 

[انشودة المطر]

انا عيالي اسم الله عليهم مو واحد او2 واكيدالتذاكر غاليه والميزانيه ماتسمح ودي اقط فلوس التذاكر بووناستنا ومشترواتنا وتمشينا ....شرايكم بالامارات بالشتا اقصد عطله الربيع؟؟؟

 

[Om_Ksha]

^
^
عجييييييييييييييييبه احلا وقت لها اصلا

 

[غلا فهد]

بالسيارة لاتفكرررين جربتها بعيالي كرهت الروحة يملون ويتهاوشون بالسيارة ولابوو يوقف عشان يبطل الهوشات من ضيقة الخلق
وجربتهم بالطيارة يحلات الراحة مستانسين ونظاف وساكتين ومستحين لان الطيارة فيها ناس مع انهم صغار من 6وتحت
راي الطيارة افضلج لاتغامرين بالسيارة ولاتفكرين

 

[انشودة المطر]

وين سافرتى بالسياره؟؟؟

للاسف زوجى رافض الطياره يقول المبلغ وااايد لتذاكر بيكلف علينا وابي الخدامه معانا

 

[انشودة المطر]

upp

 

[law love]

تقدرين بالسياره بس تاخذين كل وسائل الترفيه لهم و تتحملين اذا تهاوشو لانهم بتمللون

و تروحون بسياره وسيييييعه عشان ما يتضايقون و حاولي تلهينهم طول الطريج

مو فلان نام وفلان اسكت لا شغليهم كثر ما تقدرين

لا تحرمين روحج ولا تحرمينهم من الوناسه *

ولا تاخذين خدامه شتبين فيها حمل زياده

 

[الأميرة جوري]

لرفع...

 

[أم سيف وسلطان]

الله يعينج على الطريج

 

[سحر الشرق@]

نفس للحاله
ودي أسافر تايلند بالعطله
عيالي اثنين اسم الله عليهم
البنت عادي كبيره وعاقله لها فصلات بس محتمله
اما الصغير 3 سنوات اسم الله عليه مو طبيييعي متعب كله ينحاش
كنه محبوس وعلا طول يبي العاب جهال ما يعجبه سوق او طبيعه
جربت سافرت معاهم بالسياره كذا مره ترا مقبولين اي أذوني بس مو حيل
السياحه نفسها اصعب من الطريج الطريح هييين يتعبون وينامون
بس الامارات ما تسوا بالسياره
اذا دوله فيها فراره نفس لبنان سوريا الأردن اي
بس دبي ومكه لا طياره احسن لان تأجير السياره هناك سهالات
الا اذا عالميزانيه بس شوفي طيران الجزيرة رخيصه بس احجزي قبل لفتره من الحين تقريبا
موفقه

 

[انشودة المطر]

مشكوره ....


لرفع

 

[Beautiful soul]

على حسب العمر حبيبتي وبعدين شنو عشان عندج عيال بتحرمين عمرج وتحرمينهم السفر
عادي ليش مازمه الوضع سافري دبي بالسياره وفي الربيع بيكون احلا وقت براد وجو حلو
اذا كبار بتقدرين تسيطرين عليهم اما اذا عندج صغار بو سنه او سنتين او حتى 4 سنوات
ودي معاج القاري وخليهم فيه قسم بالله ترتاحين يمسك الجاهل ويتمشى وياكل وهو في مكانه والخدامه وابوهم اكيد بيساعدونج

 

[انشودة المطر]

مشكوره ناويه بالسياره بس زوجى رافض يقووووووول ازعاااااج .وانا ودي اقعد اسبوع واهو يوم يومين او 3 بالطياره

 

[انشودة المطر]

اب..

 

[انشودة المطر]

.....اب

 

[AVE.NJ]

مرت حماي هل السنه راحت ماليزيا مع 5 يهال وخدامه
تقول بس وصلنا شافو حوض بالفندق قالو بس مانبي نطلع
ترا الحوض حق اليهال
تقول اخلي اليهال بالحوض مع الخدامه
واطلع واستانس

 

[ام الدرر]

حبوبة دبي حلوة بالربيع
ومثل ماقالو البنات حجزي طيران الجزيرة
وكل ما حجزتي مبجر يصير ارخص
انا مرة حجزت لنا 6 اشخاص التذكرة كانت مع الضرايب وغير 40دينار لللشخص
دشي طيران الجزيرة وسوي بحث لارخص العروض حق دبي
والله يسهل اموركم

 

[فنيسيااا]

الله يعينج اذا اعيالج اقل من سنتين تذاكر بلاش
اذا كبار بالمدارس يهون المر
الدوخه من 4 سنوات وتحت يااابووووي
لا يعرف وناسه وكله يبجي ويتضايق
يااابوووي
الله يعين