منو سافرت معاها اكثر من 4 عيال وشلون كانت السفره بالسياره او بالطياره؟

[انشودة المطر]

عيالي اكبرهم 10 واصغرهم سنه ونص <<ودي بالوناسه بس عيالي صغار

 

[الأماكن]

لا تكبرين السالفة و هي صغيرة ما فيها شي

روحي بو 100 و خمي كراساااااات و ألوان و طين و سبورة و اقلام صغيرة

ركبي جهاز دي في دي بالسيارة و حطوا رسوم متحركة

عطيهم أكلات مفيدة مثل العصاير الخفيفة وابتعدي عن الثقيلة مثل المانجا و حليب الككاو اللي يقلب الجبد

البيبسي ممنووووووع ... والمكسرات ممنوعة تلعب بالبطن لعب ممكن يقلب اسهال تكرمين

اخذي معاج سلة حطي فيها جبن قلاص و خبز او توست و حشي و عطيهم ... او اشتري لهم تصبيرة لوزين طعمها عجيب و خفيفة

عصير مثل كوكيتل برتقال تفاح ... عصاير خفيفة

اذا بيطقطقون عطيهم بطاط نايس... كب كيك...او كيك سويس رول

والافضل تروحون بسيارة كبيرة مثل الجيب او سوبر و شيلي الكشن اللي ورا و حطي دوشق اسفنج و خلي اليهال يتسدحون ورا

والله ونااااااسة مجربتها

وانتي مع ابو العيال جاي و قهوة ... وطلبي لج صحن حلو صغير و قهويه


والاهم من هذا كله سولفي على ابو العيال لا ينعس ...

و درررررررب السلامة يا رب

 

[بسكوت على الفحم]

عادى جدااااا انا جيت من امريكا صحيح تعب في البدايه وهناك نضام وكارسيت وحوسه بس حدائقهم والشاطئ روووعه بيستانسون عليه ...وكان معى 3 اطفال ...بس التذاكر غاليه عليكم ..وبعدين وين تروحون هنا المشاكل هنا وهناك..والواحد يخاف من الخطف والسرقات ..
واذا قررتو سفره بالسياره نفس ماقالت الاخت الى فوق ..وانا جربت سفر بالسياره 9 ساعات والله نامو من الدوخه ههههههههه
واستاجرو سياره فان