لا يا قلبي لا تخافين ما في الا العافيه انا مسويته ثلاث مرات حق راسي ومره حق رقبتي ما يعور ولا شي
اول شي الدكتور يحدد اذا الاشعه بصبغه او لا .. اذا بصبغه لازم تصومين قبلها بفتره يحددونها لج .. يعطونج ابره فيها الصبغه و تسويين الا mri بعدين لما تخلصين طول اليوم لاااازم تشربين سوائل وااااايد عشان تصفين الكلى منها وتروحين حمام بروح وانتي بكرامه يعني لحد يدخله من وراج وبعدين خلي الخدم يغسلونه عدل للاحتياط لان الصبغه فيها اشعاع وايد
المهم اول شي لازم تفصخين كل شي فيه حديد يعني اذا بنطلونج فيه سحاب او البرا فيه حديده وتدشين الغرفه يسدحونج على فراش ويعطونج قطن للاذون لان الصوت عالي وبعدين يدخل الفراش داخل الجهاز ... شوفي حبيبتي بقولج شي مو عشان تخترعين بس عشان تعرفين كل شي المكان ضيج وانتي المفروض ما تتحركين بس لا تفكرين بالوضع اللي انتي فيه عشان ما تتضايقيين وعالعموم راح يعطونج جرس تضغطين عليه اذا تبين شي ... ما راح تحسين الا بصوت عالي وبسسسسس
المده نص ساعه اذا بس جزء واحد .. بس انا اخر مره سويت حق رقبتي وراسي ومع صبغه فتميت ساعه وشوي انتي ان شاء الله سهاللات تخلصين مبجر ...
مالج الا العافيه حبوبه ولا تحاتين ترى مجرد اشعه لا اكثر ولا اقل توكلي على الله واي شي بتعرفينه انا حاضره
اسفه على الطواله
