منو سوت اشعه الصبغه للرحم

[معشوقتي امي]

شلونكم حبايبي
بسالكم منو سوت اشعه صبغه للرحم وبعدها صار حمل ولالا
انا سويتها بس للحين ماعرفت النتيجه وحدي خايفه
ياريت تفيدوني :bbbiu:

 

[Capsopen]

تكفيييييييييييييييييييين فيديني !
انا باجر بسويها
شلونها؟

 

[مااصعب الانتظار]

للاسف حبيبتى ماعرف عنها شى
ان شاء الله خد من البنات يقدر يفيدك
بس حبيت ادعيلك بالحمل السليم المعافى انا وانت وكل محرومة ان شاء الله​

 

[mrs.q8]

انا جربتها بس ماكان في مجال يصير حمل لان زوجي فيه ضعف شديد بالحركة..
والحمدلله وقتها نتيجتي كانت سليمة

 

[بحر الذكريات]

تعور شوي بو خمس دقايق لو بعيدها باخذ بنج خفيف

اخذي الورقه من الدكتور مال المختبر ووديها دكتورج يقول لج شنو فيها وان شاء الله مافيج الا العافيه يارب

 

[طيبه قلبي]

هلا حبيبتي
اناسويتها عند الدكتور نبيل الاتربي فدييته خوووووش دكتوووور والله
3دقايق بالكثير وسألته قلت دكتور ليش ماسويته قال قومي سويته وخلصت ايده خفيفه بروفيسووووور شوي عليه
والحمدلله طلعت النتيجه بحزتها الدكتور يبلغج
مع اني مسويتها من قبل مستشفي الفروانيه وهو اللي طلب مني اعيدها لانها موواضحه
مع ان بالاولي شفت الموت الا شويه
بس هذي تجربتي وحاضرييين للطيبيين

 

[smaillips]

انا سويتها بالحكومه لكنها تعور شوي والنتيجه اخذتها نفس الوقت وطلع عندي عيب خلقي بالرحم حاجز كبير وسويت عمليه وشلته وعقب العمليه الحمدلله الله رزقني وحملت.

 

[حنانيكي]

انا سويتها وعقبها سويت طفل انابيب ماصار حمل الحمدلله علي كل حال
بس بصراحه وانا ماأستحمل شي واااايد كانت تعور فضحتهم بالصراخ ������

 

[حمامة صالح]

انا سويتها بالصباح
عوارها بسيط مو وايد
سويت عقبها عمليات انابيب
مرتين ماحملت
والمره الثالثه الحمد لله حملت

 

[Capsopen]

الحمد لله سويتها .. و بشجاعه!
3 ايام مو نايمه بس افكر فيها !@#$@$#%

المهم.. سويتها بالصباح.. نعم مستشفى حكومي
نعم لبسوني بدله برتقاليه
و قعدوني بغرفه جدامي وحده ماااسمع الا صراخها فقيره
نعم لما قالو دوري حسيت انه ودي انحااااااااااااااااااااش
بس و الله و الله و الله ما تعور
خنفند الموضوع ..
رهبه فقط ! جدام هالريال و انتي مادري شلون و الموضوع و اهو يمارس عمله الطبي
يا جماعه انا غمضت و قعدت احوقل( لا حول و لا قوه الا بالله ) و قعدت اتخيل السائل شلون يمشي في بطني
و الالم كان اشبه لالم مغص مره ياني لما كنت ماكله من احد المطاعم و تالي قالو لحمه كله مال حمير ))
و على قولتهم : اعض على شحم اعضض اب شفايفي و احوقل و اتصبر ! لما قالي خلاص خلصنا و طفا الليت ...........
تقولون قالولي مبروك فزتي بسحب الدانه ! ههههههههه
يا حلاتها من لحظه و الله ااااه بس اتينن
الدكتور: ما شالله عليه جدا جدا شاطر حتى الوالده تقولي كلمته قبل عشان يتوصى( مااادري شقصدها يعني مو صمونه بيكثر الطحينه يا يما الله يهداج!) و تقول كان متفهم واايد و يقولي تطمني
المهم : شهادتي فيهم مجروحه ما قصرو .. الي ما تبي تروح لا تاخذ موعد و تسكر على غيرها المجال نصيحه لله و خلو المجال لنا الي من صج صج نبي الضنى و صفعتنا الدنيا من هالخاص


و لا تنسون تدعولي انه الله يعوضني بالخمسه الاف الي دفعتهم بالخاص بسفره للمالديف وراها سفره شوبنج لندن ياارب ِ

 

[عسل حدي]

رب لا تذرني فردا وانت خير الوارثين