منو سوت تلقيح صناعى ونجحت عمليتها ؟؟

[بدون هويه]

انا سويت تلقيح صناعى عند الدكوره عاليه الفضلي وكل تحت رحمت الله سبحانه وتعالى منو سوت بنات التلقيح وضبط معاها 0

 

[بدون هويه]

بنات ولا وحده فيكم سوت تلقيح صناعي تطمنى الله يطمنها

 

[هندااا]

انا شفت موضوعج ولا حبيت اكتب تجربتي وأضيق خلقج...
انا سويت التلقيح الصناعي 3 مرات ولا مرة نجح....


الله يوفقج وينجح معاج

 

[سارة_kw]

والله ما جربت حبيبتي والله يرزقج الذرية الصالحه

بس قولي لي عن تجربتج وين سويتي التلقيح وجم كلفاج

خاطري اسوي الله كريم

 

[القطانيه]

حبيبتي انا سويت من اول مره حملت بتوم عند فوزيه القطان

 

[بدون هويه]

القطانيه ماشاء الله الحمدلله اللي رزقج بتوم وعسى ان يرزقنا اجمعين هندا وين سويتي التلقيح الصناعي باى عياده 0
اما عن تجربتي سويتها مرتين عند عاليه الفضلى وللحين ماكو شي لانى موعارفه بعد متى راح يبين الحمل وشنو اعراضه انا مو حاسه باى اعراض

 

[عبووووره]

حبيبتي انا خالتي تمت 15 سنه ماحملت وراحت وافترت كل مكان حتى سفر كانت تسافر بره وتسوي تلقيح مافاد معاها
احملت مره بتوائم بس لي الشهر السابع والله عطاج عمرهم راحت حق دكتور افريقي كان يشتغل بالصباح واحملت واول مادشت شهرها الرابع نامت بالمستشفى لي الولاده وطبعا الله رزقها 3 توائم بنتين وولد والحين عمرهم 9 سنوات بس الدكتور راح مستشفى لندن كلينك
والله يرزقج الذريه الصالحه انشالله

 

[قمر ضاوي33]

انا سويت تلقيح صناعي بمستشفى الصباح والله رزقني بالحمل الحمد لله رب العالمين

الفال لك وكل الي يتمنى الذرية آمين

 

[*caramel macchiato*]

اختي قمر ضاوي مبروك الحمل....بس ياليت اتقوليلنا عن تجربتج....شنو خذيتي بعد جم محاولة نجحت؟؟؟


الله يرزقج ياختي بدون هوية

 

[bnt_kwt]

انا سويت تلقيح مره وحده وما حملت
بس في وايد ماشاء الله احملوا على التلقيح ومن اول مره
تبارك الرحمن

 

[قمر ضاوي33]

أختي كراميل مكياتو

قعدت سنتين ما حملت وبعدين رحت وحدة اطفال الأنابيب بالصباح طبعا خذيت تحويل من المستوصف وبلشت بالتحاليل والتلقيح وربي رزقني بالحمل بعد ثاني تلقيح ويبت بنتي الحمد لله رب العالمين

وبعد ما صار عمر بنتي سنة راجعت مرة ثانية وسويت تلقيح صناعي ست مرات يا الله حملت ما شاء الله الحمد لله

لدرجة ان الدكتورة قالت لي خلاص هذي آخر مرة ونحولك اطفال انابيب نطري دورك وربي اكرمني بالحمل ويبت ولدي الحمد لله تبارك الرحمن

طبعا التلقيح ما ينجح من اول مرة لازم تحاولين اكثر من مرة ولا تيأسون بنات ... وعليكم بسورة البقرة والإستغفار يومياً

الله يرزق كل من يبي الذرية ان شاء الله

 

[*caramel macchiato*]

مشكورة قمووورة.....انزين بغيت اسألج سويتي التلقيح الصناعي 6 مرات ورا بعض ويلا بينهم فجة؟؟؟؟

 

[فطووومة]

حبيبتي انا خالتي تمت 15 سنه ماحملت وراحت وافترت كل مكان حتى سفر كانت تسافر بره وتسوي تلقيح مافاد معاها
احملت مره بتوائم بس لي الشهر السابع والله عطاج عمرهم راحت حق دكتور افريقي كان يشتغل بالصباح واحملت واول مادشت شهرها الرابع نامت بالمستشفى لي الولاده وطبعا الله رزقها 3 توائم بنتين وولد والحين عمرهم 9 سنوات بس الدكتور راح مستشفى لندن كلينك
والله يرزقج الذريه الصالحه انشالله

الله يخلي لها ويرزقكم يارب

هذا الدكتور باترك في مستشفى لندن وايد يمدحونه

موفقين

 

[بدون هويه]

الله يرزقنا ويفرح قلوبنا ونشوف عيالنا اجمعين انا مو عارفه شنو الاعراض اللى راح تبين عشان جذي مانى عارفه انا حامل ولا لاء

 

[قمر ضاوي33]

كراميل مكياتو

التلقيح الصناعي يسون لك شهر تلقيح وشهر راحة شهر تلقيح وشهر راحة

اذا وصلتي 3 مرات تلقيح ما في حمل ترتاحين 3 شهور وتردين تعيدين التلقيح علشان ترتاح المبايص من المنشطات

انا ريحت 8 شهور وعدت التلقيح بصرلاحة كنت خايفة من فشل العملية بس الحمد لله رب العالمين الله اكرمني بالمرة السادسة


اختي بدون هوية

لازم تنطرين ليوم التحليل وتحللين دم لا تستعيلين

وبالنسبة لأعراض الحمل كل وحدة غير عن الثانية لمن تجربين ان شاء الله راح تعرفين الأعراض الخاصة فيك
بس العرض الأهم انقطاع الدورة علشان جذي الأفضل انك تصبرين ليوم التحليل
بالتوفيق ان شاء الله

اي نسيت اقول لك انك راح تحين ان الدورة بتنزل عليك وانقباضات بالرحم وجنه شي نزل عليك وممكن ينزل عليك شوية دم عادي وتكونين حامل بإذن الله تبشرينا


الله يرزقكم بنات ان شاء الله

هالله هالله بسورة البقرة كل يوم والإستغفار ما اوصيكم

 

[بدون هويه]

قمر ضاوى الله يرزقج الجنه مشكوره على الرد الطيب

 

[هيونه الكويت]

انا سويت مرتين

والله ما كتب لي الحمل

سويته عند ماجده اليتامى

ب 80