منو سوت عملية استئصال الغدة ؟؟

[الوفى عنواني]

قووة بنات شلونكم
أنا ودي تساعدوني لأني ولله محتارة ونفسيتي موشيء كلشششششش
من فترة عرفت انو فيني كسل في الغدة الدرقية ولا طلع فيني تضخم في الفص الأيمن مع عقد صغيرة في الفص الأيسر وقالي الدكتور انه بيسويلي عملية إستئصال للغدة الدرقية كلها وبيخلي جزء بسيط منها اطقطق عليه <<:bbbiu: وأنا ولله نفسيتي حدها تعبااانة أولا لاني مابي اسوي عملياات وانا بروحي ماحب المستشفيات وخوافة حييل وهم عرفت انه يمكن يتغير صوتي بعد العملية او ممكن اتعرض لنزيف واحتاج عناية اكثررر
والمشكلة ودي اجرب علاجات ثانية ماودي على طوول عملية مادري لو احد قدر يتعالج منها بدون عمليات يعني احس انو مستحيل تضخم الغدة ماله علاااج غير العملية لابد انه يكون فيه نظام او جدول او علاج معين مو على طوول خذووه فغلووه وبعدين الدكتور كش وجه متحمس وده يدششني الغرفة واحسه عتمها بويهي وحسسني انه مافي علاج غير العملية
بلييييييييز بناااات اللي ماعندها حل تتكتفي بالدعاااء لي:yaaaaaarb:وياليت اللي عندها حل ولامرت عليها هالحالة تساعدني ولله اني بدعيلها ليل نهار ومابنساها من دعاي
ونصيحة للبناااااااااات ترى انتبهو لنفسياتكم كلش ولا النفسية تلعب بالجسم
وقللو ساعات النوم وكثرو من الرياضة وأكل البحري وقللو من الدجاج لأنه يلعب بالهرمونات في الجسم يعني عموووما اهم شيء الراحة النفسية ولله اني ندمت اني اهملت نفسي وصارت حياتي كلها نوم واهمال والحين اسأل الله العافية ابتليت بهالمرض وعساني القى علاجه عندكم
ومشكوورين​

 

[قدسآويه]

اول شي في دكتور شــآطر اسمه : عبدالنـآصر العثمـآن بالجــآبريه ...

ثــآني شي : انا سويت عمليه الغده وشلتها كامله ,,, الصوت ما يتغير كلش بس ممكن من كثرة الكلام يصير فيج عطش مو طبيعي ...

ثــآلث شي : نصيحه مني لا تشيلينهــآ الا يوم تخلصين علاج وماكو فايده انا عالجت 4 سنين وبعدها ماكو فايده وشلتها ,,, بس فعلا تعبت بعد العمليه والى الان اطلعت فيني امراض كل ما اروح حق دكتور يقولون لانج شايله الغده ...

رابع شي : صلي استخــآرة وشوفي ربي شنو كــآتبلج ,,, والله يكتب لج اللي فيه الخير ...

خــآمس شي : لا تنسيني بالدعاء وخصوصا بالصحه والعافيه ...

وسوري طولت عليج بس حبيت افيدج *__*

 

[NODA 2]

الله يشااااااافيج ويشافيج جميع المسلمين والله اني خايفه مثلج فيني كسل في الغده وانتي صاجه من اقعد في البيت احس بتعب وكسل بس شسوي مجبوره علشان هالامومه الله يعافيج ويشافيج امين

 

[الوفى عنواني]

اول شي في دكتور شــآطر اسمه : عبدالنـآصر العثمـآن بالجــآبريه ...

ثــآني شي : انا سويت عمليه الغده وشلتها كامله ,,, الصوت ما يتغير كلش بس ممكن من كثرة الكلام يصير فيج عطش مو طبيعي ...
طيب خيتو شلون صار على رقبتج وهل تغير شيء شكليا عليج وبالنسبة للعلاج صحيح بيتم معاج على طووول

ثــآلث شي : نصيحه مني لا تشيلينهــآ الا يوم تخلصين علاج وماكو فايده انا عالجت 4 سنين وبعدها ماكو فايده وشلتها ,,, بس فعلا تعبت بعد العمليه والى الان اطلعت فيني امراض كل ما اروح حق دكتور يقولون لانج شايله الغده ...
ولله انا فكرت جذي اني استمر بالعلاج واشوف طرق ثانية بعدها الجأ للعملية لو مامشى العلاج معي

رابع شي : صلي استخــآرة وشوفي ربي شنو كــآتبلج ,,, والله يكتب لج اللي فيه الخير ...
انا صليت الإستخارة وسبحان الله رحت للموعد وحصلت ملفي يحتاج تجديد فمادري ليش حسيت انها خيرة لي اني مابسويها
خــآمس شي : لا تنسيني بالدعاء وخصوصا بالصحه والعافيه ...
عسى ربي يعافيج من كل سوء ويرزقج اللي تمنين يارب
وسوري طولت عليج بس حبيت افيدج *__*

يعطييييييييييييج العااافية خيتووو

 

[الوفى عنواني]

الله يشااااااافيج ويشافيج جميع المسلمين والله اني خايفه مثلج فيني كسل في الغده وانتي صاجه من اقعد في البيت احس بتعب وكسل بس شسوي مجبوره علشان هالامومه الله يعافيج ويشافيج امين

يعااافيج ياقلبي ولاتحاتين بإذن الله لكل داء علاج بس اهم شيء مانهمل وننظم أنفسنا عدل وماوصيج بالسي فوود وودام مافيج تضخم الحمدلله عليج بنبته الفوقس زينه لعلاج الغدة وهم هي اصلا طحالب ولها حبوب من كلبس عموما في نظام غذائي متبع للكسل والزيادة بس التضخم هو اللي معقدني شوي وعسى ربي يشافي كل مبتلية فيه

 

[ياحُبِي لِلكويت]

الله يشفيج ويشفي الجمييع .. مرض الغده انتشر حييل بالكويت نسأل الله الاجر للجميع .. مادري قبل لاتقررين العمليه راجعي كذا دكتور واستشيريهم اظن بالخاص فيه اشعاع لمكان التضخم بديل للعمليه .. طمنينا عليج ومعافيه ياارب

 

[مهوب لآزم أسم]

لا أملك لكي سوى الدعاء ف الثلث الأخير من اليل . .

اسال لله رب العرش العظيم أن يشفيك

اللهم أمين

 

[Dode]

الله يشفيج ويبعد عنج كل مكروووه

 

[تواقة للجنة]

انا سويت العمليه بمستشفى هادي كان معاى تضخم بالغده واخذ حبه الغده الصبح قبل الاكل مدى الحياه اضم صوتي لصوت الاخت قدساويه ولا تخافين حبيبتي الله عز وجل" يقول هو على هين"الله يكتبلج كل خير فيه مصلحتج

 

[حور رومانسية]

حياتي اناشايلة الغدة الدرقية بالكامل الحمدلله صح اول سنتين ماكنت طبيعيه وتندمت بس الحين الحمدلله تعشين طبيعيه وسهالات العمليه سويتها عند دكتور خالد العنزي بالاميري ودايم ادعيله ياجعل الايدين اللي سوت عمليتي تدخل جنات عدن وتقطف من ثمرها لان خوفوني من الصوت والكالسيوم ان احتمال ينشال الكالسيوم لانها كانت حيل كبيرة وسلامتج طولت عليج حبيبتي

 

[فتاة الكوخ]

الله يعافيك ومرضى المسلمين