منو سوت عملية تغيير مسار .. تدش ربي يوفقكم يارب :eh_s(7):

[أم سليمان دشتي]

:eh_s(7): صباح الخير .. مساء الخير ..

بنــــات شلونكم ؟؟ انا قبل سنة بالضبط سويت عملية تغغير مسار المعدة
كان وزني قبل 138 كجم ... والحين 96 كجم الحمدلله ( نزلت يعني 42 كجم)

طبعا الحين من شهرين وزني ثابت ما يتغير اصعد جم غرام وانزل جم غرام
وحيل نفسيتي تعبت اخاف وزني يوقف عند هالحد وماينزل بعد وانا عالاقل ابيه يوصل 80 كجم

المهم بليز والي يسلمكم الي مسوية عملية تغير مسار تقولي شنو اسوي
وجم نزلت بالسنة وعادي يوقف الوزن شهرين ؟؟؟ وبعدين متى الوزن يثبت وما ينزل بعد !!
ابي اتلاااااااااحق عمرررررررررري
وعادي الي قاعد يصير فيني ؟؟ وشنو اسوي اذا مو عادي

الله يخليكم انا نفسيتي تعبت وانا ما اخربط بالاكل والله بس اكل حلويات وايد
لايعة جبدي من نفسي مادري شسووووووي

والمشكلة ماقدر اروح نادي دوامي ما يساعد وظروووف البيت !!!!

عطوني رايكم .. احبكم وايد ومشكورين خواتي كويتيااااات :eh_s(7)::eh_s(7):
​

 

[ام مهرة 2009]

اعرف وحدة سوتها اذكر تقول ان لمى تمشي ينزل وزنها
ما يضل ثابت

اختي حرام مسويه عملية وتردين تاكلين الكاكاو وحلويات

الله يوفقج

 

[sh-q]

ان شاء الله ينزل
والوزن لمن ينزل واايد يوقف وفجاه يوقف
وحاولي اكلج تعدلينه
حرام مسويه عمليه وتعب واخير شي تردين تاكلين
حاولي تخليج اكلج كله صحي حق فتره
بس والله ما اعرف ناس مسويه تحويل
كلهم تكميم
والحمدالله بنزول مستمر

 

[أم سليمان دشتي]

بعد عمري فديتكم مشكورين للرد

والله نفسيتي تحبطت !!

يالله الحمدلله انا بحاول امشي بس استغفر الله الجو ما يساعد

بس ما عليه بحاول مشكورين وايد وايد فديتكم​

 

[غــلآ]

سوي رجيم السعرات الحراريه او رجيم النقاط وبينزل ان شاء الله حتى لو انج مسويه تغيير مسار لازم الجسم تييه فتره يثبت وزنه
وان شاء الله بينزل ماراح يوقف بالتسعينات لان ماكو وزن مثالي بالتسعينات اصلا بس صبري عليه شوي