منو سوت لولدها فتحه بالمعده ؟

[ام دودو المزيونه]

خواتي انا اول مره ادخل هالقسم عندي ولد معاق ( بصريه و حركيه و ذهنيه ) وتنتابه نوبات تشنج متكرره عمره 5 سنوات وحدود فهمه قدراته تعطينه طفل بو 4 شهور ما يمشي توه تعلم يفعد ما يميز منو امه من ابوه يعني الغريب لو يلمه يستانس ما ابي اطول عليكم الولد صاره فتره تنتابه نوبات ربو مو طبيعيه ( التهاب حاد بالرئه ) صاره سنتين علي هالسالفه وكل مالها تزيد ودخل العنايه 3 مرات واخر مره كان علي وشك الوفاة نعطيه كمام بالبيت وصاره فتره يتلقي الواقي لحماية الرئه واليوم توه طالع من المستشفي قعد اسبوع نفس السبب ( تشنج والتهاب بالرئه ) وعلي فكره سسترات العدان عارفينا ويسلمون علي من كثر ما يشوفونه
السالفه الدكاتره مرتين اذكروا سالفت التغذيه عن طريق فتح فتحه البطن ( يقولون طباقي تبطله وتعطيه الأكل الشبه سائل واتسكره ) لأن ألتهاب الصدر سبته شرقه ممكن من الأكل يشرق وسووا اشعه علي البطن وطلع عنده ارتجاع بالبطن والحين معطينه أدوه لهلسالفه وبعد شهرين مراجعه و وانا منخوفه من سالفت فتحة البطن واثارها يكفي مافيه ما ابي ازيد الطين بله
منو عنده طفل سوتله فتحه بالبطن ؟ حدي متخوفه من الموضوع
وسامحوني مقدما اذا ما ارديت هالأيام حدي تعبانه وممكن ادخل الفسم بعد يومين بس ارتاح واتابع الموضوع

 

[الصابرة المحتسبة]

هلا أختي
وأسأل الله العظيم رب العرش العظيم أن يشفيه
وإن شاءالله الخوات يفيدونج

 

[@شمس الضحى@]

الله يشفيه ياختي ام دودو ماله شر ان شاء الله اذا يستحمل البنج سويها له وريحيه
انا عندي بنتي نفس حالة ولدج بس بنتي شلل دماغي ماتتحرك ولاتشوف وكانت تتعب من الاكل ماتبلع كله تشرق فيه وتتنوم بالعدان وع قولتج كل قسم الاطفال يعرفونهاا وبالاخص الجناح السادس والحمدلله على كل حال
المهم بنتي ماتتحمل البنج وتعبت حيييل وحطو لها بالخشم وهم تعبت وتتعذب لما يغيرونه
وسفرتهاااا برا للندن والحمدلله سوو لها العمليه وصار لها اكثر من سنتين الهم لك الحمدباحسن حال وقلييل ماتتنوم
واي استفسار انا حاضره

 

[Miss-LuLu]

ياحياتي الله يشافيهم انشالله

 

[ام دودو المزيونه]

تسلمون حبيباتي ما قصرتوا اسووم حياتي طلعتي من ربعنا احنا بجناح 6 بالعدان علي طول حبيبتي , ولدي عنده خلل بخلايا المخ ( نخلف عقلي شديد ) واعاقه بصريه ما يشوف خير شر وحركيه متأخر عن سنه اللحين تعلم يقعد وتوه بدأ يرفع جسمه ابروحه وبالنسبه للأكل ياكل كله مهروس بالخلاط ويعتمد علي السيرلاك والحليب اكثر شيئ والحمدالله عضلاته قويه يعني يقاوم اذا بعطيه ادويه وإلا اكل ما يحبه يسكر حلجه ويتفله وما يحب ياكل بالقفشه بس القلاس
بس الحمدالله ياكل عن طريق الحلق صح يقاوم ومعانات واساساً اهوا كله يتشنج والفتره الأخيره التهاب الصدر ويقولون ان السبب انه يشرق بالأكل مع انه اول ما كان يحوشه التهاب الصدر وكانوا يقولون عنده حساسيه من الجو اللحين طالعين بسالفت الشرقه وفتحت البطن
وبصراحه انا خايفه من مضاعفات الفتحه اكيد يبيلها اهتمام خاص ورعايه واحنا مو ناقصين دخول مستشفي كل ساعه
ودي الي عندها معلومات اكثر تساعدني بهالموضوع

 

[الصابرة المحتسبة]

رفع لعيون الغالية

 

[@شمس الضحى@]

تسلمون حبيباتي ما قصرتوا اسووم حياتي طلعتي من ربعنا احنا بجناح 6 بالعدان علي طول حبيبتي , ولدي عنده خلل بخلايا المخ ( نخلف عقلي شديد ) واعاقه بصريه ما يشوف خير شر وحركيه متأخر عن سنه اللحين تعلم يقعد وتوه بدأ يرفع جسمه ابروحه وبالنسبه للأكل ياكل كله مهروس بالخلاط ويعتمد علي السيرلاك والحليب اكثر شيئ والحمدالله عضلاته قويه يعني يقاوم اذا بعطيه ادويه وإلا اكل ما يحبه يسكر حلجه ويتفله وما يحب ياكل بالقفشه بس القلاس
بس الحمدالله ياكل عن طريق الحلق صح يقاوم ومعانات واساساً اهوا كله يتشنج والفتره الأخيره التهاب الصدر ويقولون ان السبب انه يشرق بالأكل مع انه اول ما كان يحوشه التهاب الصدر وكانوا يقولون عنده حساسيه من الجو اللحين طالعين بسالفت الشرقه وفتحت البطن
وبصراحه انا خايفه من مضاعفات الفتحه اكيد يبيلها اهتمام خاص ورعايه واحنا مو ناقصين دخول مستشفي كل ساعه
ودي الي عندها معلومات اكثر تساعدني بهالموضوع

حبيبتي استفسري من الطبيب روحي للأميري شوفي راي الدكاتره
وأي سؤال انا حاضره عيوني لج
الله يشفيه

 

[الصابرة المحتسبة]

رفع

 

[@شمس الضحى@]

بشري شصااار على وليدج ؟؟؟