منو صارت فيها الهرمونات مرتفعه ؟؟؟؟؟

[غصون]

مرحبا بنات شلونكم


قبل شهر رادة من ميونخ ومنها عالجت بشرتي وسوالي الدكتور تحليل دم وعطاني حبوب الروأكتين وقالي استعمليهم لمدة 8 شهور ولا تستعملين اي مرطبات على ويهج او كريمات وكل يوم حبة وقالي ان في التحليل عندج هرمونات الذكورة مرتفعه !!!

بنات ابي اسئكلكم منو فيها الهرمونات مرتفعه هرمونات الذكورة وتعالجت ؟؟؟

وين وعالجتهم وشنو اضرارها وشسوي ووين اروح وربي قلبي يرقع من الخووووووف


اللي تعرف لا تبخل علي بالاجااااابه

 

[coffee]

سلامتج غصون

ديري بالج من الرواكتين وايد قوي ولما تستخدمينه كل اسبوعين سوي تحليل لوظائف الكبد..

الهرمونات لازم تراجعين دكتور متخصص بالغدد والهرمونات (تلقين ارقام الاطبه مثبته فوق او روحي حكومه) وسوي سونار علشان تتاكدين ان مافيج تكيس بالمبايض.. وانصحج لي خلص ارمضان تاكلين تمر على الريج الصبح يوميا وايد مفيد للهرمونات

ما تشوفين شر

 

[شمعة الجلاس77]

حبيبتي لاتخافين انا فيني الهرمونات مرتفعه وااايد بس مثل ماقالت اختنا تأكدي اذا عندج تكيس في المبايض وبعد اذا كان وزنج مرتفع بعد هذي سبب بس نصيحه حاولي تتعالجين قبل لا تتزوجين لأني انا ماتعالجت بسرعه وبعد الزواج تحسفت واااايد.​

 

[غصون]

كوفي الله يسلمج يالغاليه على الرد

وان شاء الله باخذ بنصيحتج واكل تمر الصبح


الشر ما اييج يا الغاليه

 

[غصون]

شمعه الجلاس

تكيس في المبايض ؟؟؟؟؟؟؟؟؟؟؟؟؟؟ يمة الله يستر

وزني 50 كيلو مو وايد

العلاج جم مدتة تقريبا ؟؟


وليش تحسفتي بعد الزواج ؟؟ فيها مضار !! ؟؟؟ او خطورة ..؟؟؟


ياربي وربي قلبي يرقع

انتي وين تعالجتي عند منو ؟؟؟


انا مفكرة بروح اتعالج بدار الشفا

 

[رهــــف]

انا نفسج مرتفعه عندي الهرمونات درجه ماتوقعيين حييل بس ماحب اخذ سونار اخاف يلقون فيني تكيس بس انا ماخذه مو عد عند دلال تكريت مدحوها لي وقلت اجربها والله يستر