منو صار معاها جذي بعد عملية السليف؟

[قلبي الصغير]

الغاليات..شخباركم
امي سوت عمليه السليف او قص المعدة وصار لها اسبوعين وهي تعبانه
كله تحس بلووعه وابدا ما تشتهي الاكل ولا حتى السوايل
سولها الفحوصات وكله تمام بس واايد نفسيتها تعبانه
وعصبية تقول ما احس بطعم شي والله ما تتخيلون حتى الماي ماتشتهيه
وانا واايد خايفه عليها انها ابدا ما تقدر تاكل
اذا مشت خطوتين تعرق وتتعب والنفس يصير عندها بصعوبه
ومن سوت العمليه كلها تجيها حمى عملنا كل الفحوصات والحمدلله بخير بس
ليش الحمى ماني عارفه؟؟
خواتي انا خايفه عليها الفحوصات والدكتور يقول الحمدلله بس ليش الحمى؟؟ ليش تمشي
خطوتين وتتعب؟ في حد صار معاه جذي؟
وبعد في شي 2 امي من طلعت من المستشفى ما عطوها فيتامينات عاادي؟؟ مع اني كلمت الدكتور كله يقول ماله داعي؟؟
بلييز طمنوني

 

[xxx]

سلامتها ماتشوف شر

خل تراجع الدكتور الي سوتها عنده

لازم تسوي اشعه احتمال عندها تسريب الله لايقوله

 

[منال القلب]

عادي حبيبتي توها اسبوعين لازم تحس بجذي.. يوم عن يوم ان شالله تصير احسن ومايصير أول رمضان الا اهي مثل الحصان ان شالله... وخلال هالفترة خل تروح تراجع نفس الدكتور الي سوالها العملية.
وبعدين هذي معدة يعني عادي وشي طبيعي يصير لها ردة فعل لأنها كانت شي وصارت شي ثاني..
الله يشفيها ويعافيها ويطول بعمرها ويخليها لكم ويبعد عنها الأمراض.. آمين

 

[اميره بكلمتي]

اتوقع عادي منال القلب لان الوزن قاعد ينزل ومافيها طاقه كللش وبسرعه تتعب وتعرق ومن ناحيه الاكل عادي انا صار فيني جذي اعصب بسرعه ومااكل وخليها من الحين تاخذ فيتامينات

 

[جيرازksa]

حبيبتي الي فيها اعراض تسريب لاقدر الله

شوفو الدكتور خليه يسوي اشعه الصبغه عشان تطمنو عليها

وبعدين لازم يعطيها فيتامينات مايصير

وربي يخليها لكم يارب

 

[قلبي الصغير]

الحمدلله طمنتوني
وهي طوالي تراجع كل اسبوع تقريبا والحمدلله كل شي تمام

الفيتامينات الدكتور مب راضي يعطيها يقول ماله داعي بس انا اشوفها وايد ضعيفه
ممكن حد يقولي شنو الفيتامينات الي ممكن تاخذها؟

والله يشفيها يا رب ويشفي مرضى المسلمين امين

 

[miss-one]

عادي الي صاير معاها

انا جذي ماقدرت اتقبل اي شي لا عصير كلهم الله يزيد النعمة ولا قدرت استتيغ اي شي وتلوع جبدي منه بعدين الحمدلله صرت غير

واذا علي النفسيه اكيد راح تتعب لانه تشوف الاكل وما تقدر تاكله

كلها ايام وتتحسن باذن الله

واذا علي التعب هذا من قل الاكل مافي طاقة


تو الناس علي الفيتامينات


اهيا جم وزنها

 

[shams2008]

الله يشفيها
عند منو سوتها ؟
الي شفتهم اول اسبوعين كلهم تعبوو ولاياكلون حتي
السوائل صعبه يبيلها فتره جسمها يتعود

 

[ام فطوووم]

الله ايطمنج عليها يارب
بس ممكن هذي اعراض تسرسب او التهاب
الالتهاب اييب حراره اسمالله عليها
او يمكن شعور طبيعي انه يوم سويت العمليه كنت ما اشرب
الا عصير واحد الصغير طووول اليوم عليه
والحين لو اييبولي تنكر اشربه
خخخخخخ 

 

[caramil]

انا انصحج تعرضينها على دكتور ثاني ..يمكن الله لا يقوله الدكتور يغطي على شي
وبنفس الوقت احسه واثق من نفسه والدليل قالج ماتحتاج شي.. بس هم الواحد يتطمن

مع ان كل هالاعراض طبيعيه لأن ماصار لها مده طويله
انا سوولي خشمي تكرمين قمت ارجع كل شي وماقمت احب آكل غير الروب
وكنت اتعب حتى من الماي...وسخنت..و ما اقدر امشي خطوتين ادوخ...والحمدلله شوي شوي تحسنت حالتي..

والله يطمنج عليها يارب ويشفيها ويقومها بالسلامه قبل رمضان ان شاء الله