منو طلبت مكياج من الانترنت ؟ ممكن اتعلميني اشلوون؟؟

[kuwait_queen82]

السلام عليكم

بنات منو طلبت مكياج من الانترنت موقع اربن ديكي و nyx يابو لها ليه البيت (الكويت) ممكن اتعلميني الطريقه و اي شريكه الي تتعاملين معاها توصله لج ليه باب البيت ؟؟؟

مشكووووووووووووووورين و عساكم على القوة

 

[MiSS B.K]

ماعندي فكره
بس اب لعيونج

 

[kuwait_queen82]

اشدعوووووووووووووووووووووووه

 

[قطوووة]

حبيبتي المكياج ممنوع من الجمارك الكويتيه

 

[شوشو==82]

للرفع

 

[أم*سلمان]

رفع























رفع

 

[kuwait_queen82]

المكياج ممنوع ؟؟؟؟

 

[Pink Cart]

لا مو ممنوع أنا طلبت من elfعن طريق شركه ارامكس وعادي وصلوه بس يطول شوي يمكن اكثر من اسبوعين

 

[أمواج البحر]

انا اطلب ميك اب من ماك ومن امازون ومن نوردستروم

عن طريق ارامكس

وعادي حبيبتي يوصلونه لج بس اهم شي مو عطور او سبريه

اي شي ثاني عادي

 

[kuwait_queen82]

انا اطلب ميك اب من ماك ومن امازون ومن نوردستروم

عن طريق ارامكس

وعادي حبيبتي يوصلونه لج بس اهم شي مو عطور او سبريه

اي شي ثاني عادي

امواج الله لايهينج بس ممكن اتقولي الخطوات يعني اول اشترك مع ارامكس بعدين اطلب الاغراض من امازون او اشلون؟؟
و جزالله خير

 

[femmi]

اول شي اشتركي مع ارامكيس عشان يفتحون لك حساب في امريكا
وبعدين تطلبين من امازون وتكتبين بريدك في امريكا عشان يوصلونهم الى بريديك الامريكي

وبعد كذا هم يشحنونها على طول اذا وصلت بريدك

انا اطلب من امازون على رامكس ويصلونها لبريدي اراميكس الامريكي بعدين يوصلونها هم لمكتبهم بالسعوديه واروح اخذهم

بس مثل ماقالوا لك العطور ممنوعه بارامكس انا اطلبهم على بريد واصل السعودي والحين منعوها مافي الا موقع ستروبري لانه

يوصل عطور للبيت..

وفي شي ثاني لازم تتاكدين من مصداقية البائع اذا عنده تقييم ومضمون

موفقه يارب

 

[قطوووة]

بنات انا مشتركة مع ارامكس و3 مرات يبهدلون عيشتي لما طلبت ميك اب


شتسووون عشان يمررون شحنتكم !!!

انا في شحنات ياما رديتها

 

[أبلة فاتن]

شلكم بهالسوالف خلكم على المحلي احسن واذا عندكم احد بره بغششوه خل يجيب لكم اللي تبونه فوق ال 12 ماركه بكويت

 

[أمواج البحر]

مثل ماقالت الاخت femmi

اول شي فتحي حساب بارامكس

يعطونج عنوانين - واحد بامريكا والثاني ببريطانيا

اكثر شي تستعملينه اللي بامريكا

عقب ما يعطونج عنوان صندوقج بامريكا

سجلي بموقع امازون وحطي عنوانج الامريكي

طلبي اللي تبينه وامشي الخطوات كلها كامله

راح توصل الطلبيه بصندوقج اللي بامريكا وعقب ارامكس اييبونه لج

عادة طلبية الميك اب تطول بالجمارك .. بس عادي بالكثير اسبوعين تظل او ساعات توصل 3 اسابيع

عقب ما تطلع من الجمارك ارامكس يتوصله لج لي باب البيت

والعضوه كويت بترفلاي حاطه موضوع عن كيفية الطلب من الانترنت

ان شاء الله بحاول اييبه لج

قطوه ... غريبه بهدلوج عالطلبيه عادي وايد طلبت ماصار شي

اخر طلبيه من جم اسبوع

بس مثل ماقلت لا عطور ولا سبري اقدر اطلب

ما سالتيهم ليش ردو طلبيتج؟

 

[أمواج البحر]

هذا موضوع كيفية الطلب من النت

http://www.q8yat.com/t246233.html