منو عندها احد بالحضانه بلييييز تدخل تساعدني

[ريح قهوه]

السلام عليكم ورحمة الله وبركاته ​

:balo:​

شخباركم عساكم بخيراتمنى لكم السعاده والتوفيق في الدين والدنيا :yaaaaaarb:​

بنات بغيت نصيحتكم عسى الله يفتحها عليكم :eh_s(2):​

انا قررت من بعد التوكل على الله اني ادخل بنتي حضانه بنتي عمرها اسنتين ولقيت لها حضانه ممتازه بس ما ادري ليش احاتي لان ما عرف احد مدخل عياله حضانه عشان اساله ويكون عندي دافع عشان ادخل بنتي..؟:krkrkr:​

انا قررت ادخلها لان بغيتها تعلم من صغر على القرآن والانقلش والاعداد وبغيتها تلعب وتستانس مع اللي بعمرها لانها تحب اليهال حيييييييل وتستانس لاشافتهم :klhfl::gathering:​

بس ........
ابوها ضيق خلقي :23_asmilies-com: من بعد ماكان موافق قال لي هذاك اليوم انتي تبين ادخلينها وراح اتعبنا وراح تبجي ماراح تقعد وقال ان محد يدخل عياله الا اللي ماعندهم احد بالبيت يمسكهم :0bee2e8d89: اهنيه انا ضاق خلقي من بعد ماكنت متشجعه وقعدت احاتي :gr4uu: هل صج أنا راح اظلمها واخرب نومتها :eh_s(16): واخليها نص النهار بالحضانه مع ان انا اداوم فا بكل الحالتين ما اشوفها :krkrkr:​

:080402ask_prv:​

زين تكفون بنات ريحوني انتم ياللي مدخلين عيالكم حضانه..؟؟
..................................................​

ليش دخلتوهم وخربتو نومتهم النهار كله عشان تقعدونهم الصبح على البجي وتودونهم وهم توهم صغار ..؟؟ :eh_s(2):​

هل لان ماعندهم احد بالبيت ..؟؟:bbbiu:​

او انكم تبون انهم يتعلمون ..؟؟:klhfl:​

وهل الحضانه مفيده للاطفال بهالعمر او مجرد تعب وشقى وبجي ..؟؟:eh_s(9)::cxxxp:​

واخر شي تنصحوني ادخل بنتي او اخليها تكمل نومتها..
:gr4uu:​

مع العلم انا عندي خدامه متفرغه لعيالي وعندي اخوها عمره سنه وياااااااعسى الله يفتحها بوجه اللي تريح قلبي وتنور علي​

 

[*ماي الورد*]

ما انصح تخلينها عند الخدامة حتى اخوها سجليه معاها
انا سجلت ولدي بالحضانة لاني ما اثق باي خدامة
و علشان يتعلم بنفس الوقت و اريحلي بال

 

[ريح قهوه]

يعطيج العافيه

وينكم بنات ليش ماتردوووووووووون

 

[مهاوي2011]

هلا فيج اختي بصراااااحه قلبج علي قلبي انا نفس الحاله عندي انا مدرسه وودي ادخل بنتي حضانه ماودي اخليها عند الخدامه وعقب ماتشجعت سمعت حجي من الناس ان بنتي صغيره معنها سنه وتسع شهور ويقولون لي نطري لين تصير ثلاث سنين حتى ابوها ضيق خلقي بسالفة تظلمينها وتخربين نومتها واللي يدخلون عيالهم ماعندهم احد بالبيت على قولته بس انا بصراحه سمعت من رفيجاتي لتن كلهم مدخلين بناتهم وعيالهم حضانات يقولون صج ان اولها بجي وشقا بس الجهال راح يتعودون ويستيفدون لان ماشالله بناتهم الحين صج مستفيدات من الحضانه وانا بنظري احسن من القعده عند الخدامه بس يبيلها صبر وقوة ارادة واليوم قررت بأذن الله اني اسجلها بحاضنه بس عساني الاقي مكان لها وحجز والله المستعان توكلي على الله ودخلي بنيتج احسن من مجابل هالخدامات اللي مافيهم رحمه وعسالله يوفقني ويوفقج ويستر على بناتنا

 

[opera]

انا ساكنه بيت حولتي و خالتي الله يحفظها موجوده
وحماتي تقط عيالها اثنين عند خالتي و حماي عنده بنت همن تكون موجوده الصبح

بس دخلت ولدي حضانه من كمل السنتين لانه:
اول شي مابيه يقعد مع الخدم تخيلي جم خدامه بالبيت وكلهم مجابلين اليهال
ثاني شي مابيه يأذي خالتي كافي عليها عيال حماتي وبنت حماي
ثالث شي ابيه يتعلم شي مفيد بدل مجابل التلفزيون و طقني واطقك مع اليهال
رابع شي واهو المهم تتنظم نومت اليهال يعني ينام مبجر بالليل ويقوم الصبح (يعني بلليل اقدر اسوي اللي ابيه لانه نايم ما احاتيه)

 

[zaina alotibi]

بدون تردد دخليها الحضانة خصوصًا اذا اخترتي الحضانة الزينة والمناسبة لها واااايد احسن من قعدة الياهل بالبيت ومجابل الخدم والتلفزيون

 

[@ام يوسف@]

ااب

 

[nadoo]

رفع
رفع

 

[سمبتيكة]

نفس حالتي بشرك بنتي بس قلبي يعورني عليها
احس بقعدها من الصبح لاحقه علي قعدة الصبح

 

[A boss]

نصيحة الحضانة وايد مفيدة توكلي على الله بس لازم تجتارين الحضانة الصح

 

[meen_ana]

بالعكس احسن لها الحضانه تتعلم وتستفيد انا ناويه ادخل بنتى

 

[جلكسيه اس 3]

السلام
انا توني مدخله ولدي حضانه
بالعكس ولدي حده مستانس و الحضانه اتهبل
و في يهال اصغار مستانسين
اليهال الصغار يبجون اول اسبوع و بعدين يتعودون
و بعدين والله احسن من الخدم بذمتج الخدامه شنو اتعلمها
عموما انتي حاولي في ريلج يمكن يرضا

 

[MisS Z]

انا دخلت ولدي الحضانة من عمره سنة و نص .. صج آول الايام كان يبجي وعور قلبي .. حتى كنت آروح المعهد ابجي عند البنآت لووووووول ..

بس بعد فترة عآآآآدي الوضع .. تعود وكآن يستانس .. بما انه عايلتنآ مآفيها يهال وآيد وقليل يشوفهم .. فـ يحب يروح عساس يلعب مع اليهال بعمره ..

وبالعكس مافيها شي اذا قعدتيه الصبح .. بدال لا يتعلمون عالربادة .. خليهم من اهم صغار يقومون من الصبح نشيطين ..

آلحين ولدي اسم الله عليه بالروضة .. ومخليته بـ نفس حضانته .. وآآيد مرتآح ..

آهم شي نفسية العاملات هنآك و يكونون بشوشين و يحبون اليهال والادارة تكون ممتأزة ..

ولدي تعلم وآيد شغلات ما شاء الله عليه الله يحفظه كل من يشوفه يقول عنه .. فطين .. و ذكي .. فـ نصيحه دخليها بدووون اي تردد ..

واذا كنتي بالقرين .. مآكو على بيبي آكاديمي والله لا دعاية ولا شي .. بس أفضل حضانه ولدي مرتاح معاهم ..

ولا تحاتين شي علميها من الحين عشان لي راحت الروضة لا تتعبين معاها .. صيآح وبجي و لوووية ..

 

[PuPa^^SWeeT]

:080402ask_prv:​

زين تكفون بنات ريحوني انتم ياللي مدخلين عيالكم حضانه..؟؟
..................................................​

انا مدخلت ثنتينهم الحضانة

ليش دخلتوهم وخربتو نومتهم النهار كله عشان تقعدونهم الصبح على البجي وتودونهم وهم توهم صغار ..؟؟ :eh_s(2):​

لا انا ماخربت نومتهم اهم يقعدون الصبح السعة 8 جذي مافرقت ساعة ولا ساعتين

بس السبب الرئيسي اني مراح اامن بالخدم لأنه اللي فاتت كانت اتطق بناتي خصوصا الصغيرة

هل لان ماعندهم احد بالبيت ..؟؟:bbbiu:​

عندهم خادمة بس ماقمت اامن معني الحين مخليتهم ليين اتدوام ام الروضة الاحد فا ادخلهم مع بعض

او انكم تبون انهم يتعلمون ..؟؟:klhfl:​

التعليم بعد زين و المشاركة و الانشطة همن اللعب مع اطفال بعمرها هذا وايد زين لها وينمي لغتها و اسلوبها و اتعلم كل شي

وهل الحضانه مفيده للاطفال بهالعمر او مجرد تعب وشقى وبجي ..؟؟:eh_s(9)::cxxxp:

لوووووول اول اسبوع بتبجي بعدييين بتنساج و ماتذكرج الا لما اتيين تاخذينها ​

 

[%F&R%]

حبيبتي من صجج اتخلين اليهال مع الخدامه بروحهم لا تامنين على عيالج مع الخدم وبالعكس الحضانه احسن لها وتهيأها لمرحله رياض الاطفال توكلي على الله ودخليها الحضانه بس اختاري حضانه زينه

 

[aldanaha]

انا ودي ادخل بنتي حضانه بس متردده
مثلج

 

[PuPa^^SWeeT]

لا والله ليش اترددون بنات

اذا الحضانات زينة و سمعتها زينة


ليش ماتدخلونهم

انا بنتي الصغيرة دخلتها واهيا سنة و نص

والحمدلله وايد ارتحت لا احاتيهم ولا شي