منو عندها حل للأمساك والشرخ الشرجي

[النجممه]

بنات ذبحني الامساك وجرحي مو راظي يلتأم شنو الحل ابي حل للأمسااااااك تكفووووون ساعدوني

 

[الثغرالباسم]

اهلين حبيبتي انا اقدر افيدك بان


توضعي على طعامك زيت الزيتون فهو مفيد جدا لامساك

وداومي عليه

وماتشوفين شر خيتوا

 

[سحر الشرق@]

والله محد عانى الامساك نفسي
كل حملي و ولادتي كانت امسالك
والله يسامح الدكتورة اللي عوددت جسمي عالملينات
وبعد التجارب اللي مريت فيها اخذي هالنصايح وادعيلي اتخرج من الجامعه والله يرزقني الولد
اول شي اكلي كل يوم الصبح تفاحه واشربي ماي عالريج كثر ما تقدرين
وحليب بارد عالريج وموووو حليب بودرة البودرة يسوي امسااااك
اكيد ابعدي عن الروب واللبن وخفففففففي العيش عالاقل شهر لين يرتاح جسمج ومعدتج
ولا تاكلين خبز ابيض اكلي اسمر رووووووعه انا تعودت عليه ومن سنه ما اكل الا اسمر كله الياف وترا طعمه عادي نفس الابيض
اذا ما تحبينه اكلي الاسمر الخفيف اخف من الخبز الثقييل ترا الخبز الاسمر حيييل رح يغير من حاله الامساك

اما الشرخ في المنطقه الحساسه كنت استعمل كريم بيلكس الاخضر ويعني مو ذاك الزود اما الروعه والله والله من اول مرة يبين الفرق هو زيييييت الزيتون
صدقيني رووووووووعه ادهني الجره بزيت زيتون كل شوي وشوفي النتيجه
صدقيني المعاناه اللي تجي من الامساك والجروح اللي يسببها تستااااهل تغيرين نظام اكلج وتلزمين باللي قلته
ولا تنسيني من الدعاء

 

[جوك احلى جو]

شاي اخضر + نعناع علي الريج بس اهي من ناحيه بس مايمدحونها علي الريج لانها تخفض الضغط والسكر وغيره بس دام فيج امساك ميخالف سويها واذا تشفيتي ان شاء الله لا تسوينها

 

[كررررز]

شوفي حبيبتي انا اعرف وحده كان عندها امساك وبواسير وكلت هالعلاج وطابت من بعده
اخذيلج فصة ثومه وحطيها داخل تمره و واكليها عالريج وبعدها اشربي 3قلاصات ماااي وانشالله تطيبين

 

[بنتq8]

http://http://q8yat.net/showthread.php?p=5491078#post5491078

 

[بنتq8]

http://http://q8yat.net/showthread.php?p=5491078#post5491078شوفي هل رابط اتمني موضوعي يفيدج

 

[أنوثهـ حتى الثمالهـ]

الحال من بعضه
بس ابجرب التفاح والنعناع

 

[توت عنكبوت]

انا مت منهالحالة بس استمريت على ريجيم والأكل بالرجيم يعدل الخروج اقصد يلينه والحمد لله حالي كويس صار لي 5 شهور مرتاحة من بعد الولادة .

اكلي ملينات يعني برتقال كيوي اناناس وبترتاحين

انا استخدم كريم من المستوصف للبواسير هيموبروتكت فظيع عصار بانبوب يهدي الألم .ويسهل الخروج عزك الله

 

[النجممه]

الصراحه ما قصرتو وجزاكم الله الف خير
المشكله اني كملت السنه وانا حالتى حاله مع الشرخ كلما بدا الجرح يطيب مع الامساك يرجع ينجرح والدكتوره قالتلي ما لج الا العمليه للشرخ كل الادويه والملينات عطيتج منهم يعني الي عندي هذا بسسس وسوي العمليه وارتاحي وانا متثيقله سالفة العمليه ولأن مافي جراحه دكتوره يعني لاززززم دكتور وما ودي يفحصني دكتور والله اني كل دخله للحمام عذاب والمشكله مو بس وقت الحمام يستمر الالم الفضييييع ساعات بعد الحمام

 

[مغروره بس معذوره]

والله مافي علاااج غير اللي جربته وخليت اختي اجربه وياي

شربي زعتر وبسسسسس بسرعه يلين البطن

 

[ماي الورد]

انا كنت اعاني من الامساك والشرخ الشرجي وحدة الله يجزاها كل الخير قالت لي شربي على الريق عسل مع ماي دافي او مانجا حارة وعلاج الشرخ جيبي اشوي عسل بطرف اصبعج وحطية بمنطقة الشرج وشوفي النتيجة بظرف يوم واحد يروح الم

 

[@شمس الضحى@]

اناكنت اعاني من الامساك
بي من يوم امتنعت عن الطحين الابيض وانا بخير
صج يابنات الخبز الابيض والمعجنات تجيب الامساك
وداومو على الشاي الاخضر يعطيج ليونة للامعاء

 

[@شمس الضحى@]

بنات ذبحني الامساك وجرحي مو راظي يلتأم شنو الحل ابي حل للأمسااااااك تكفووووون ساعدوني

سلامتج اللة يشفيج
حطي مقدار 2 ملعقة مطحونة مرة
مع فازلين العلبة الصغيرة
وادهني فية الجرح كذا مرة باليوم ​

 

[*هبوبه*]

اكلي برتقال وكيوي وتفاح وكثري من شرب الماي والله يشفيج ان شاء الله

 

[النجممه]

جزاكم الله الف خييير

 

[&شواقة الكويت&]

حبيبتي جربي الثوووم مع التمر وااااايد زين لمثل حلتج

 

[BlackRose]

حبيبتي محد كان ه معاناة مع البواسير والشرخ والامساك كثري انا

بس الحين الف الحمدلله حالتي وايد تحسنت

ونا اقولج اشلون

بالنسبة حق الامساك داومي على شرب الجاي الاخضر وراح تتعدل حالة بطنج وايد وايد
ثاني شي اذا حسيتي ان بيداهمج الامساك على طول اخذي نقاط اسمه اسكي لاكس ينباع بالصيدليةوايد حلو ورهيب

بيجي الحين حق الشرخ
انا كان مينني شي اسمه شرخ وبواسير كنت ابجي ومرات ودي اطق راسي بالطوفة
لين استعملت معجون المرة حق المنطقة مع دهن المنطقة بزيت القرع

والله راح تلاحظين الفرق تقولين سحر
انا الدكتورة قالت لي لازم عملية بس من استعملت معجون المرة وزين القرع ربي لك الحمد والشكر كل شي اختفى

والله يجزاها كل خير العضوة اللي بالمنتدى اللي علمتني على زيت القرع فعلا نتيجته رهيييييييييبة

 

[P!ng P!ng]

الامساك


من اسبابه الجلوس لفترات طويلة وعدم الحركة تسوي كسل بالامعاء
ابتعدي عن الحليب والشاي خصوصا من اسباب الامساك

حطي حيلج بالبرتقال اكليه اكل مو عصير عشان الالياف
والخوخ والمشمش

ومثل ما وصانا الرسول سبع تمرات

وكثري الماي

والله يشافي كل من يعاني منه

 

[miss_ano0oma]

ميي 2:cxxxp: