منو عندها طريقة مجربة لشوربة العدس

[دبه مامنها امل]

السلام عليكم

بنات الموضوع باين
ابي شوربه مجربه ولذيذه تطلع
اموت بشوربة العدس بس ولا مره طلعت عندي حلوة فأبي وحده شاطره فيها حيل وطلع
طعمها خياااااااالي

وسلامتكم

 

[جارة القمر]

رد : منو عندها طريقة مجربة لشوربة العدس

تفضلي طلبك


اللي يحلي شوربة العدس الكمون والفلفل الأسود

http://www.q8yat.net/showthread.php?t=272505

http://www.q8yat.net/showthread.php?t=215596

 

[78MariMar78]

ما قصرت جاااااااااارونة

 

[دبه مامنها امل]

رد : منو عندها طريقة مجربة لشوربة العدس

يعطيج الف الف عافيه حبيبتي

 

[جارة القمر]

رد : منو عندها طريقة مجربة لشوربة العدس

يعافييييييييييييييييييييج حبيبتي

 

[<<لمار>>]

للاسف مااضبطها

 

[الأمل الباسم]

حبيبتي انا جربت أكثر من طريقة

في طريقة وحده حطتها بالمنتدى اللي تسلقين العدس معاه بصل كبير وفلفل أخضر وحبة ماجي وعقب مايستوي تحطينه بالخلاط وبعدين تحمسين بصل ولما يشقر تحطين العدس اللي خلطتيه وتحطين فلفل اسود وكمون

وفي طريفة سهله وروعه لان طعم العدس فيها وااضح وهذا اللي احبه بس تسلقين العدس وتحطينه بالخلاط وبعدين تصبينه بالجدر وتحطين له ملح وفلفل اسود وكمون وعليج بالعافيه

 

[sara bella]

رد : رد: منو عندها طريقة مجربة لشوربة العدس

هلا حبيبتي طريقتي انا بأذن الله رائعة و مضمونه
اول شي تبرشين بصله وسط و جزرتين و حبه بطاطا صغيرة بجدر و تحطين معهم لحمة مفرومة 250 غرام مو مطبوخة بعدين تضيفين كاسه عدس برتقالي و تغمريهم بماي ممكن مرقه دجاج او لحم وممكن ماي عادي بصراحة ما تفرق.. وتشغلي النار ولما تغلي بتخففي النار و بتراقبي حتى لو نشفت الماي تزيدي بدالها لمدو ساعة ونض واذا على الضغط 20 دقيقه.. بهاراتي ملح وفلفل اسود و كركم و كموون وعصير نص ليمون وشوي قرنفل مطحوون وبهار حلو.. بعد ما تستوي تخفقي بالخلاط وممكن تزيدي ماي اذا حسيتيها كثيفه
اذا حبيتي قطع اللحم المفروم تكون وااضحة اكثر زيدي اللحم اخر شي بعد ما تستعملي الخلاط بس طبعا يكون مطبوخ قبل مع شوية من نفس البهارات
وبالهنا والشفا