منو عندها معاق محتاج لممرضة .. تدخل ولا عليها امر

[moone GRL]

السلام عليكم ورحمة الله وبركاته

بنات عندي اختي تعرضت لحادث سيارة واثر على حركتها بشكل كبير صراحه احس انها بحاجة لممرضة بس مالي خبرة بالموضوع ياليت اللي تعرف تجاوب على أسألتي

هل بمكاتب العمالة نفسها اللي نجيب منها خدم ممكن احصل ممرضات ؟
انا مابي اللي تكون رعاية صحية تنظيف وما تنظيف المعاق اللي عندي محتاج لرعاية خاصة وعلى الأقل تكون عندها معلومات طبية بمسألة التغذية لأن تغذيتها عن طريق تيوب بالمعدة وبعدين ابيها تعرف لو تروح مواعيد او تقابل دكاترة ابي اعتمد عليها على الأقل لا طلعت وخليتها الا انا مرتاحة
بحدود جم معاشهم ؟
تنصحوني بمكتب معين او اي نصيحة بهالخصوص

والله يشفي مرضانا ومرضاكم

 

[الدنـ نور ـيا]

شوفي يالغالية عندج العيسى للخدمات الطبية وبروفيشينال للخدمات الطبية عندهم ممرضات على شفتين كل 12 ساعة شفت يعني يطلع لج بالشهر 600 دينار الله يعينج يارب ويشافي إختج وكل مسلم يارب .

 

[كويتيهـ مريّهـ]

الله يشفي اختش ياااااااااارب وترد صحتها وعافيتها اللهم آميييييييييييييين

 

[HearT ChocolaTe]

أسأل الله العظيم رب العرش الكريم أن يشفي أخيتج
والله أنا مع الأخت الدنيا نور أنا لو مكانج ما أطلب إلا من مكان تخصص
لأن مرة واحد من مكاتب الخدم قالي أنتي شدراج أنه هذي الشهادة مو مشتراه ؟؟؟!!!
والله تعجبت من كلامه بس هو صاحب مكتب وله تعامل معاهم يعني ما جاب
الكلام من فراغ .. ممكن الخادمه تزور الشهادة بس عشان المعاش
والله خيره هم عشان الفلوس كل شي يسوون
والأفضل أنج تاجرينها حتى ما تتعب من اختج وتملها وتكفخ فيها الله لا يقوله
وهذا رأي والقرار الول والأخير لج حبوبه

 

[الصابرة المحتسبة]

هلا أختي عندج مراكز متخصصة لرعاية المرضى رعاية طبية بشكل يومي أو شهري مثل العيسى وغيره والله يشفي مرضانا ومرضى المسلمين.

 

[الريادة]

العيسى ممتاز ..