منو عنده خبرة بالـ I-phone ؟

[أُنثى .]

السلام عليكم ورحمة الله وبركاته

..

بنات أنا عندي لاب توب vaio الصغير .. وأحس ماله داعي لأن عندي لاب توب ريلي أهو إلي أكثر شيء نستخدمه بالبيت لأن شاشته كبيرة ..

فقاعده أفكر أبيع الـ vaio وآخذ بداله الـ iphone اليديد ..

بس هل ممكن أنقل الملفات إلي أبيها من لابتوبي حق الiphone? يعني يشيل؟

وإذا بسافر ومحتاجة أشبك هناك .. يغنيني الـ iphone عن لابتوبي الصغير ولا لأ؟

بالنسبة للملفات إلي أبي انقلها أغلبها حجمها مو كبير .. يعني مو برامج لا يمكن أغلبها Doc يعني ..

فشرايكم؟

يا ريت إلي عندها خبرة بهل سوالف تفيدني ؟

 

[أُنثى .]

بح خبيرات

 

[قدساويه مصرقعه]

صراحة انا عندي وطاح بجبدي مادري ماحبيته يمكن لانه لمس ولوعه الصراحه
اللحين افكر ارجع ع سوني اريكسون ولا نوكيا

عموما هذا رايي بس انتي روحي المحل وجربيه انا ياني هديه

 

[معبوجة]

وعليكم السلام ورحمة الله وبركاته

انا عندي اي فون 32جيجا
يعني اذا ملفاتج doc اتوقع اكيد يكفي ويزيد وايد
وايد سريع الجهاز
تصفح الانترنت سهل وحلو
بس احس مايغنيني عن اللابتوب لانه شاشة اللابتوب كبيرة
بس مومتأكدة اذا يصير تنقلين البرامج من اللابتوب
سألي المحلات احسن
بس والله حسافة على ال vaio حلو هاللابتوب

 

[أُنثى .]

رحت اليوم سألت عنه بالغانم خالص أبي الـ 3Gs .. يقول بعد أسبوع ..
~

قدساوية مشكورة ما قصرتي ..

أنا نوكيا لو شنو ما اخذ اكرهه من أول ما شلت موبايل وأنا أريكسون وبعدين سوني أريكسون ..

والـ i phone يكون استخدامي له غالبا للتصفح مو موبايلي الرسمي ..

وترى السوني اريكسون الجديد روعـة .. مثل الآي فون بس مع فارق البرامج طبعًا ..

وكاميرته أدق كاميرا بالسوق حاليا مقارنة بباقي الموبايلات ..

كان أكثر شيء 8.1 ميغا بيكسل ..

والجديد الآن 12 ميغا بيكسل!

~

معبوجـة .. مشكورة حبوبة ..

أنا عندي لابتوب شوي عود غير الـ vaio ..

حأس ماله داعي بعد لابتوب ..

الـ vaio حلو ايه .. بس أحس الآي فون حق التنقل بكون أفضل خاصة بالسفر ..

انزين تشبكين منه إنتِ وايد؟

تدخلين مثلًا منتديات وماسنجر؟

وماخته من هني ولا من أمريكا؟

 

[][ الميـــــــار ][]

اي عادي تقدرين تنقلين البرامج كلها في برامج خاصة بس حق تنقل الملفات
وااايد حلوو استعماله حق اللي يحب الموبايلات لان انا لاحظت مو الكل عاجبه !!

تقدرين تشبكين عاادي بس لازم وايرليس وكل شي يطري على بالج انشاالله راح يكون موجود انتي بس اول ما تشترينه سألي عن البرامج اللي تبينها وايد حلوو iphone وترى كل الموبايلات اللي قاعدة تنزل قاعدين يقلدونه بس اهوا غير ولما تستخدمينه راح تعرفين شلون صاير

 

[معبوجة]

الصراحة ما اشبك منه وايد لانه ماحب اتصفح بصفحة صغيرة
بس يمكن انتي يعجبج
وماخذته مني من يوريكا ب279
ترى يوريكا ارخص سعر بالكويت​