منو عيالها بمدرسة اكاديمية اكسفورد-سلوى

[pink suger]

انا حبيت اسال عن هالمدرسه شلون عامل الاداره مع الامهات ؟
وشلون بيئة المدرسة نفسها ؟
وهل تدريسهم ومدريسينهم زينين ؟
انا ادري ان المبنى قديم بس ياليت تفيدوني بسرعه عن هالاسئله وشكرا مقدما

 

[برونزية رشيقة]

محد يمدح هالمدرسة ... ومناهجهها ضعيفة .... عضوة كانت مدخلة أعيالها وتحسفت وأنقلتهم مدرسة ثانية .... أتمنى أكون أفدتج في معلوماتي البسيطة

 

[سيدة الكويت]

منا هجها شنو هاركرت ؟؟

 

[mr000]

آنا رحت لها العام علشان بنقل ولدي وكتبت الأوراق بس ماكنت متطمنه وسألت عنها قالولي مستواها ضعيف فهونت عنها بس ماأدري شنو مناهجها بالضبط هي طبعا نظام انجليزي بس ماشفت الكتب

 

[برونزية رشيقة]

سيدة الكويت / شلونج يا قلبي ؟؟؟ مادري شنو مناهجهها بس في عضوة كانت كاتبة معاناتها مع هالمدرسة في موضوع بروحه ..... تقول ضعيفة حيل ضعيفة هالمدرسة ..

مروووووووو / يقولون ضعيفة حيل هالمدرسة .

 

[pink suger]

الوضع ما يبشر بالخير ،، بس هم ودي وحده من الامهات اللي عيالها بهالمدرسه تعطيني خبرتها
وبعد ودي اسال عن مدرسة الاكاديمية الكويتية ثنائية اللغه اللي صاحبها مطلق الرشيدي شلون تدريسهم تنصحوني ولا لا ؟؟

 

[ريماا]

اكسفوورد اشكثر ذموها وحماى قبل 5 سنوات تقريبا كان فيها لوعوووو جبدة ولا استفااد عاد اهو ذكى ماشالله
والاكاديمية مبناها قديم بس فيها تأسيس هذا كلاام وحدة من الامهاات اعرفها

 

[YaraQ8]

اخو ريلي الصغير فيها عمره 9 سنين ما يعرف يكتب اسمه .... نقلوه حكومه

 

[pink suger]

لااااا بس خلاص هونت عن اكسفورد نهائيا

 

[*sweetgirl*]

اب

يليت لحد يفيدنا اكثر عن المدرسة

 

[miss_heathrow]

وي عاد انا توني بسجل بنتي فيها ضيقتوا خلقي

انا قلت رخيصه وبريطانيه

 

[sarah125]

رفع​

 

[sondos]

تلللللللللللوع الجبد ............ودي عيالج مدارس حكومه ابرك منهم

انا عيالى 4 هناك ....وكنت مدخلتهم على مدح اهلنا عيالهم بعد كانو فيها ........بس من 7 سنوات ومستواهم تدهور ..المدرسات كوكتيل اشكال والوان والاجانب ينعدون على الاصابع .......مناهج خربووووووطه كلها اوراق مصوره ماعندهم غير كتاب العربى والدين من الوزاره الله يعافيهم ........

طبعا انا من فتره كان عبالى عيالى ليش يتكلمون انجليزى بس يعنى فلته ........بس لما نقلت بنتى مدرسه ثانيه وسولها اختبار مستوى انصدمممممممت !!!!!!!!!!!!!!

يابت 45%...............واهى الاولى على صفها باكسفورد

الحين بنتى فى الكويت الانجليزيه (سلوى ق 11).............والحين قاعده ادور مدرسه حق الشباب

 

[بناتي حياتي]

تلوع الجبد والاداره زفت كنت بسجل بناتي فيها من سنتين قبل لا ادخلهم الكيمبردج ويييييييييييييييييييييييييييييييييييييييييييييييييييييييييييع
كأنج داشه مدرسه عربيه وفيها تكدس بالصفوف والمدرسين عرب
وما كو اسلوب ولا احترام
تخيلي دخلت على التسجيل سألت هالمصري عن الاسعار تتوقعون شسوى؟؟؟؟؟؟؟؟؟؟؟؟؟؟؟؟؟
يكلمني وهو داير ويهه عني ويشوحلي بايده هنا الاسعار شوفيهم وتتوقعون وين الاسعار؟ملصوقه عالطزفه اللي وراه بالله شلون بشوف ؟
قلتله اي نسخه عنهم قالي بنفس خايسه معندناش قلتله انزين عطني قلم علشان اكتب
قام وحذف علي القلم جني قاعده اطر منه حسبي الله عليه
قمت وعصب قلته كلام مسحت فيه هو وهالمدرسه المعفنه يقولون بريطانيه!!!!!!!!!!!!!!!!!!!!!!!!!
مافيها ريحة ادب ولا احترام
روحي الهنديه او الباكستانيه والله احسن منهم

 

[اجمل احساس ..!]

رد : منو عيالها بمدرسة اكاديمية اكسفورد-سلوى

صدمتونااااا والله يجزاكم خير يابنات ديرتي ياحلو فزعاتكم

المشكله ان تدهورنا ندور التاسيس بس الارخص اشوي على الاقل الكي جي 1 1000&1200 بالكثير

يعطيكم العافيه