منو فيكم خريجة كلية الصيدلة او تشتغل صيدلانية ؟ عندي كم سؤال :$

[إشراقة شموخ]

السلام عليكم

انا هالسنة رايحة 12 انا نسبتي عالية الحمد لله بس انا محتارة بين كليتين الصيدلة و الطب. الطب معروف كل شي عنه بس الصيدلة احس ماحد يعرف عنها شي حتى لما اسال عنها حسبالهم ببيع في الصيدلية !

السوال او الاسئله هع ض1

اذا في وحدا تقدر تشرح لي عن الكلية شنو مسقبلي اذا دشيتها و شلون نظام الدوام مريح ولا لا؟
وصدقوني دورت في قوقل مافي شي فادني باللي ابيه يعني انا مادري ليش احس حابه اني اكون صيدلانية مع اني ماعرف شي عنها
واللي تساعدني لها مني الدعاء و الله يوفقها =)

الله وياكم

 

[إشراقة شموخ]

كح كح

 

[LuLiTa]

و الله ما ادري ... بس في عضوة نكها g!rlona تدرس صيدلة سأليها يمكن تقدر اساعدج ...

 

[فانيلا]

للرفع لعيونج

 

[ايلاف القمر]

انا توي متخرجه السنه وتخصصي صيدله بس انا من السعوديه ماقدر افيدج عن الكليه
بس اذا ناويه تعرفي شي عن المواد وكيف العمل بالصيدليه انا حاضره وبالخدمه​

 

[إشراقة شموخ]

لوليتا \\ قانيلا ثانكس ع المرور الحلو

 

[frawlah_83]

اشراقه شمووخ انا اضم صوتي حق لوليتا شوفي العضوه قيرلونا واكيد بتفيدج

 

[مولاي الفرج]

لازم تييبين نسبه تدخلج كليه الطب

ولما تخلصين اول سنه بالطب حسب معدلج يحطونج يا طب بشري او اسنان او صيدله

بس اقل نسبه فيهم صيدله يعني شدي حيلج بالثنوية واول سنه ويارب تنقبلين صيدله

اول ماتتخصصين تدرسين خمس سنين صيدله وتتخرجين ودوامج بالصيدليه عادي نفس اللي يصرفون الدوا ومعاش حلو وزين حق البنات

الله يوفقج حلوة الصيدله

 

[إشراقة شموخ]

مولاي الفرج
تسلمين ي عمري ع النصيحه اهم شي قلتي زين للبنت) فتشجعت
ان شاء الله انقبل في الصيدله

 

[إشراقة شموخ]

اشراقه شمووخ انا اضم صوتي حق لوليتا شوفي العضوه قيرلونا واكيد بتفيدج

هلا يعمري

المشكله ماعرفها :eh_s(10):

 

[Angel_store]

الصيدله هي مهنه اكبر من ان تبيعين في صيدليه الصيدلي هو مصدر المعلومات عن الادويه ممكن تشتغلين في مستشفا او مركز صحي او المخازن الطبيه او اداره الرقابه الدواايه الدراسه او في الشركات الخاصه نفس مستوا الطب بس سنوات اقل خمس سنين بس بعد التخرج التعين فوري خلال اسبوعين في و مهنه وايد حلو بس لازم تقتنعين فيها و الحين وايد قاعد تتطور بعد فتح قسم الصيدله السريريه يعني الصيدبي يمر عل المرضا في الجناج و يشوف الادويه و يغير فيها عند الحاجه

 

[إشراقة شموخ]

الصيدله هي مهنه اكبر من ان تبيعين في صيدليه الصيدلي هو مصدر المعلومات عن الادويه ممكن تشتغلين في مستشفا او مركز صحي او المخازن الطبيه او اداره الرقابه الدواايه الدراسه او في الشركات الخاصه نفس مستوا الطب بس سنوات اقل خمس سنين بس بعد التخرج التعين فوري خلال اسبوعين في و مهنه وايد حلو بس لازم تقتنعين فيها و الحين وايد قاعد تتطور بعد فتح قسم الصيدله السريريه يعني الصيدبي يمر عل المرضا في الجناج و يشوف الادويه و يغير فيها عند الحاجه

كلاممج صحيح 100٪ انا اقتنعت بالصصييدله  وحبيتها
ان شاء الله اتوفق و انقبل فيها
ثانكس للكل