مشاركة: إللي تعرف عن مرض ال {إم إس} تفيدنا
طبعا إحنا عبالنا إن فيها أبو وجة لأن كانت لما تتكلم ينعوج حلجها ولما قلنالها { إنت فيك
شي ولا تتعمدين تتكلمين وتعوجين حلجك !طبعا استغربت من كلامنا ولما شافت
بالمنظرة تفاجأت إن حلجها معووج من الخرعة قامت تبكي وزاد عليها خذينا لها موعد
عند د. عبدالله العلي قال فيها بو وجة بس لما شاف إن إيدها اليسار تخدر قال ودووها
عند د. جاسم ملا حسين دكتور للأعصاب لأن إللي فيها مو بو وجه ! ولما رحنا للدكتور
جاسم وفحصها على طول كتب لها دخول لمستشفى ابن سينا بعد الفحوصات ثبت إنها
حاملة المرض طبعا شقول لكم وهي بالمستشفى بداية المرض ماقامت تشوف
ولا تمشي ولا تتكلم لمدة اسبوع وبعدين بفضل ربي وبفضل قراءة القرآن الكريم قامت
تشوف بس مو واضج وقامت تتكلم مثل المنغوليين شوي مفهوم وشي للأسف لا وقامت
تحبي مثل الطفل ليما مشت تمت شهر بالمستشفي تعالج بالكريتيزون طبعا الكلام هذا
من 3 سنوات ألحين توظفت وتزوجت بس مسكينة أجهضت أول حمالها وهي تقول بسبب
المرض حالات الإجهاض ممكن تصير متكررة حسب الكلام إللى يقولونه دكاترة الأعصاب
الله يشافيها ويشافي كل عبد مسلم وإن شالله ما يصيبكم ولا من تعزون .
ومشكوووووووووووووووووووووووووووووووووووووووووووووووووووووووووووووووورة
يابنت الكويت على المعلومة ألحين بقراها .
