منو فيها هرمون الحليب وحملت؟؟؟

[ميمي الحلوه]

بدش بالموضوع

اللي كان عندها هرمون الحليب مرتفع تقولون لنا

جم شهر ظلت تعالج

وشنو عطوها

وجم نسبه ارتفاع الهرمون عندها


انا سويت تحليل وقالت عندج الهرمون مرتفع قالت لي هو 15 وانتي زايد5 يعني 20

كتبت لي حبوب مرتين بالاسبوع نص حبه لمده شهر...

 

[ريم البحرين]

لاتحاتين ان شاء الله بعد ماتخلصين حبوب تعيدين التحليل وبتحملين بإذن الله حل هرمون الحمل سهل اختي ميمي

 

[*ماي الورد*]

امهاتنا اول كله يحملون و اهم يرضعون

 

[عسل حدي]

مالها علاقه الرضاعه بهرمون الحليب على فكره
وعلاجه سهل حبيبتي شهر ونص وانشالله ماعليج الا العافيه

 

[حرم حبيبي]

شربي اعشاب المرقدوش والله عن تجربه

 

[عسل حدي]

انا شربتها بس وقت الدوره ووقفتها
مادري ليش
اهي وققت الدوره زينه عدل؟

 

[ميمي الحلوه]

ريم حبيبتي مشكوره ياعمري...

ماي ورد مرات اقول بيني وبين نفسي اي صج يرضعون وينصدمون ان الوحده فيهم حامل بس هم ارجع اقول ماله شغل مادري ليش....

عسل حدي سويت التحليل بثالث ايام الدوره..وثاني يوم طلع التحليل عندي مرتفع الهرمون فقالت لي الدكتوره اكليهم من اليوم يعني عادي تاكلينهم وقت الدوره...

 

[عسل حدي]

اب لعيونج

 

[انونا]

اب اب اب

 

[انونا]

وعفيه شنو تحسين واعراضه ولا عادي

 

[عسل حدي]

اي شنو اعراض ارتفاع هرمون الحليب

 

[ميمي الحلوه]

انا كنت دايم اشكي لامي

صدري يعورني واحسه انه متحجر خصوصا لما اخلص ايام التوبيض يظل يعورني لما تنزل الدوره

والحلمات عندي الم فضييييييييع مو طبيعي

فقالت لي امي اضغطي على صدرج حيل شوفي يطلع معاج حليب حت لو لمعه تشوفينها

واروح للحمام ولا صج مو لمعه من اول عصره نقطه طلعت خخخخخخ

بنات اذا جربتوو قولولنا...

 

[بحرينيه كوول21]

انه صديقتي كان فيها
والحمدلله داومت على الحبوب وماشاءالله بعد شهر حملت
واكو ولدها في حضنها ماشاءالله

 

[واثقة الخطوه]

أنا انتظم عندي ، بس للحين ربي ماكتب حمل
وان شاء الله على الدوره هذي بروح أحلل مره ثانيه
يمكن ارتفع

والله يرزقكم بالذريه الصالحه

 

[عسل حدي]

ربي لا تذرني فردا وانت خير الوارثين

 

[عسل حدي]

ربي لا تذرني فردا وانت خير الوارثين

 

[{جوهرة الكون}]

انا عطتني الدكتوره
حبوب رونالين
نص حبه الصباح ونص حبه بالليل بس الغريبه قالت لي كل يوم ابلعهم
واستمر عليهم الين مااحمل واذا حملت اتركهم