منو مابين معاها الحمل الا عقب 10 ايام او اكثر من تأخر الدوره ؟

[April 29]

قوه بنات ​

سؤالي : منو فيكم تاخرت عليها الدوره 4 ايام وسوت تحليل منزلي و تحليل دم ومابين معاها حمل ​

وعقب 10 ايام او اكثر من تاخر الدوره سوت مره ثانيه وبين انها حامل ؟​

انا الحين مفروض تييني الدوره 1-6 ولي الحين مايتني ​

بس قاعده احس بطني شوي يعورني ونغزات ببطني ولوعه اذا قمت الصبح مع شوي دوخه ​

وجم مره اسوي تحليل منزلي يطلع لي خط واحد ​

واليوم سويت تحليل دم وطلعت مو حامل ​

تهقون لازم اصبر 10 ايام واعيد اسوي تحليل منزلي مره ثانيه ؟​

بليز كل وحده تقول تجربتها اللي صار لها نفسي ​

مع ان بحمالي بولدي الاول ماصار كل هذا .. بين حملي من اول يوم تاخرت فيه الدوره !​

ناطرتكم ​

 

[مكتومه]

يمكن عندك الحمل متأخر نطري كم يوم وان شاء الله تصيرين حامل ..

 

[Sтγlish]

انا ما بين الا بعد تاخرها بمده طويله اكثر من ٢٠ يوم
انشالله حااااامل

 

[April 29]

انشالله

يعني عادي يختلف من حمل لي حمل ؟

يعني اذا بحمالي الاول بين بعد 3 او 4 ايام

عادي حمالي الثاني يبين بعد 10 ايام ؟؟

ولا لازم كل حمالااتي تبين بنفس الشي ؟؟؟

 

[أبكاني ذنبي]

ان شاء الله حامل


انا بين متأخر بعد اسبوعين بالضبط

 

[April 29]

مشكورين


اب

 

[ع ـبدليه]

نطري جم يوم

انا سويت تحليل بالبيت وهرموني قبل موعد الدوره بيوم لاني كنت حاسه اني حامل
وكلهم بين معاي الحمل التحليل المنزلي والهرموني

 

[الجويرية]

انا حبيبتي نفسج يمكن اكثر----

وقلت موحامل 00

واللله ستر لانه كنت اشيل على بو اني موحامل من التحاليل --- المفاجئه بعد فترررررره حاااااااااااامل وكنت مسويه تحليل منزلي ودم بعد سبحان الله :eh_s(7):الرزاااااااااق الحمدلله الله الحافظ

 

[ام ساره 4]

سوي تحليل هرموني مضبوط ويبين بسرعه إذا في حمل والا لا

 

[غلاتي غلا]

انا مابين الا لما دخلت الشهر الثاني
انطري او سوي تحليل البول المررررركز مابين حملي الا فيه

 

[@ام يوسف@]

الله يكتب لج اللي فيه الخير

 

[ام الحلوااات]

يــمــكـــن الــتــلــقــيــح صـــااار مــتـــاخـــــر
نـــطــــري خــمـــســـه ايـــام وعـــيــدي تــحــلــيــل الــدم
واللـــه يــفــرح قــلـبــج ويــكــتــب لــج الــحــمــل يـــااارب

 

[ابدا يالغالي مانساك]

حللي هرموووني ورااح يبين لج
حتي لو بنسبة

 

[the note book]

جسم عن جسم يفرق في بنات ما يبين الا اذا صارلهم شهر من التلقيح و في بنات من اسبوع يبين

انا بين بالبول و الدم و يقولون المختبر ان صارلي اسبوع!

قبل فتره في وحده كاتبه ان متاخره الدوره وايد و حللت دم و بول ما بين اخر شي طلعت حامل بالاسبوع السابع

ان شاءالله ربي يكون كاتب لج حمل

 

[أم حنآن]

انا شهر يالله بين اني حاااامل . ريلااااااااااااااكس لاحقه عالوحام والترجيع ولوعه الجبد

 

[sosowaty]

اي صح في بناااات مايبين معاااهم بسرعه

 

[April 29]

مشكورين ماقصرتواااا

انا اليوم لها 4 او 5 ايام متاخره .. واول مره تتاخر علي من ولدت

علشان جذي قاعده اسال اخاف فيني شي او الرحم فيه شي وخفت

والحمدالله دام الحمال مايبين الا بعد 10 ايام او اشهر عيل راح اكرر فحص بعد اسبوع وانشالله خير



يالله بنات عطونا تجاربكم بعد ... خل البنات اللي نفسي خايفين يستفيدون مثلي

 

[the note book]

سوي تحليل هرموني

 

[April 29]

اي انشالله بسوي تاريخ 10-6

بنطر جم يوم علشان يكون اوضح

مشكوره :*

 

[нάγoηά cнεмίsтяγ]

أذا حامل مو شرط نفس حملج بولدج

انا فبنتي بين حملي قبل الدورة بخمس ايام

والحين بين عقب اسبوعين من الدورة لان حمل متاخر