منو مثلي تعاني من مشكله التسريب

[miss_jamsheer]

هاي بنات
اشلونكم شخباركم

عندي ولدي عمره جريب السنتين الله يخليه لي
بس المشكله اللي صج لوعت جبدي التسريب ماكو شي ماجربته كنت استخدم بامبرز طبعا يلوع الجبد غيرت خذيت هيجز شوي احسن بس هم ماكو فايده اغلب الاوقات يقوم من النوم مسرب وااااااايد وحرام اخاف يحوشه برد
مادري شسوي طبعا انا لازم قبل لاينام ابدله يعني اغسله وابدله واعطيه الممه ينام بس ماكو فايده
تتوقعون لانه ينام على بطنه ولا ماله شغل؟
لانه التسريب كله من جدام على بطنه فمادري شسوي

 

[حبيبة الغاليين]

رد : منو مثلي تعاني من مشكله التسريب

اولا جم عمره ؟!؟!؟

لان في عمر قبل السنة كل تسريب في تسريب

ان شاء الله تستخدمين احسن الحفاضات

لان الاعتماد الاكبر على الحليب ف شي طبيعي

و اذا هو اقل من 6 اشهر المفروض حتى و هو نايم تغيرين له

مو معقوله ينام من الليل الى الصبح بدون تغيير


بالتوفيق حبوبة

مع احلى تحية معتادة

 

[كتكوته22]

حبيبتي احسن حفاضات ليبرو وان شالله ما يسرب

 

[مراااااحب]

حبيبتي لبسيه قبل النوم حفاظه بامبرز بس تكون حجم كبير

اذا اهو عمره سنتين لبسيه رقم

خمسه اوسته افضل

ان شاء الله مايسرب

 

[حجيه هيونه]

رد : منو مثلي تعاني من مشكله التسريب

جربي بامبي وايد وايد زين


وحاولي تجيبين قياسه بالضبط لانه اكبر منه راح يسرب اكيد


الله يخليه لج يارب

 

[حرم راشد الماجد]

لا تفكر ولا تحتار غير ليبرو لا تختار لووووووووووووووووووووووووووووووووووووووووول


والله احسن حفاضات لا تسريب ولا ريحه مثل البامبرز

 

[روان_الكويت]

ليبيرو او دارلنج رقم 5 او 6
واذا تحسين الحفاظ متروس بول غيريه بليل وهو نايم
انا ولدي من يبته ما مشا معاه الا ليبيرو كلهم يخرون والحفاظ ناشف ويوم كبر الحين سنتين ونص اخذله دارلنج رقم6 وايد ممتازه
واذا قعد بليل ولا مريت صوبه وحسيت حفاظه متروس اغيره له

 

[غـوالي]

رد : منو مثلي تعاني من مشكله التسريب

هلا وغلا اختي

والله أنا جربت تقريبا 4 أنواع من الحفاضات واستقريت على ليبرو ومالقيت أحسن منه يمتص وينام الياهل نومه مريحه وبدون تسريب انشالله

طبعا بعدي عن بامبرز لان حااااااار ومع البلل تكرمين يطلع ماده ما أدري شنو جنها بلورات وريحتها تصك الراس غير الطفح الجلدي حدث ولا حرج.....

ما على ليبرو عن قناعه وتجربه شخصيه

وبالنسبه لتسريب ولدج يمكن انج تاخذين حفاضه أكبر منه؟؟؟

ولي ييتي اتصكين الحفاظه حطي كف ايدج على بطنه وصكري حفاظته لان حرام الصبيان شوي يتأذون منها

ونتمنى ل ولدج نومه بدون بلل

 

[Om Noooono]

حبيبتي انتبهي لما تلبسينه الحفاظه
حاولي لما تصكين الحفاظه تتأكدين انه اذكره يكون بأتجاه
رجوله موبطنه .. وبصراحه ليبرو لايعلى عليها
واهم شي تكون الحفاظه قياسه مو اصغر ولا اكبر

 

[miss_jamsheer]

انزين بنات ليبرو سمعت في انواع سعودي وسويدي او الماني شي جذي اي ماركه من وين

 

[noor al3yoon]

رد : منو مثلي تعاني من مشكله التسريب

الافضل الحفاظات ليبيرووووووو لا تسريب وينام مرتاح اذا عمره سنتين اخذي رقم 6 حلووووووو

توني ادري انه في انواع اخذ الموجود بالجمعيات والله لي فوق 6 سنين تجربه بعيالي كلهم

 

[جوزائيه مغروره]

انا ولدي كمل سنه ويسرب بس خفيف

واتوقع لانه ينام على بطنه

واخاف البامبزر صغير عليه

 

[آهات الليل]

رد : منو مثلي تعاني من مشكله التسريب

لبيروووووووو وبس
وبعدين عوديه بالنهار يروح الحمام عمره سنتين لازم يتعلم شوي شوي

 

[الأميرة جوري]

لبسيه البامبرز عدل اسحبيها جهه سره علشان مايتسرب سبحان الله صبيان غير لا سواها يصير جهه سر اما البنات تحت ويصير التسرين من ظهر

 

[mafio98]

انا ولدي كان جذي وكنت استخدم له ليبرو وصج زينين بس هم كان في تسريب بس جربي الشورت من هاجيز بس مو السعودي التايلندي او جربي الشورت من بامبرز بس الهولندي اذا ماني غلطانه يصير لونه اخضر وعليه صورة ديناصورات

 

[miss_jamsheer]

رد: رد : منو مثلي تعاني من مشكله التسريب

الافضل الحفاظات ليبيرووووووو لا تسريب وينام مرتاح اذا عمره سنتين اخذي رقم 6 حلووووووو

توني ادري انه في انواع اخذ الموجود بالجمعيات والله لي فوق 6 سنين تجربه بعيالي كلهم

لا انا ولدي عصقول يعني4 بلس زين عليه حتى4 بس 4 بلس احسن

 

[أم حمد =)]

قصدج ان الحفاظه تنترس ويتسرب بعدين ؟

يا الحفاظه كبيرة او صغيره عليه .. او يمكن ما تغيريله وهو نايم .. او تعطينه حليب وايد ..
انا ولدي قعد جم شهر على هالحال .. بعدين اكتشفت ان من الحليب .. ولدي ماشاء الله وايد يشرب حليب وهو نايم ومارتحت الا لما منعته عنه ..

اول شي لازم تغيريله بليل وهو نايم .. يعني ماينفع قبل النوم تغيريله بس .. لي الصبح لما يقعد ..

ومثل ماقتلج اذا يشرب حليب وايد قللي ..

 

[om batool]

جربي هجيز الاحمر رووعه

 

[نونو ام كشة]

انا جربت كل الانواع احسن شي ليبرو صج سعره اغلى من الباجي بشوي بس احسن بووووااااجد وبعده دارلينغز
واذا يشرب حليب وااجد لازم تغيرين له واهو نايم

 

[ماعلى الدنياعتب]

لحسن نوع ليبرو