منو مثلي معاها نقص ماي وبيولدونها نص الثامن

[منيرة ام شوق]

شلونكم بنات
صار لي شهر بالمستشفى بسبب نقص ماي الجنين وانا الحين باول اسبوع بالثامن يعني بالاسبوع 32
وبيولدوني بالاسبوع 34
بنات منو صار لها جذي وجاها طلق طبيعي؟
واذا ولدوها بطلق صناعي اشكثر اقعدت بغرفة الولاده وبعدين اولدت؟
صارت لها بالولاده مضاعفات او لا؟
والبيبي حطوه بالشيشه او طلع معاج؟

الماي عندي4.7
والبيبي وزنه زين الحمدلله

ودعواتكم لي بتيسر الولادة:yaaaaaarb:
موعد ولادتي بعد اسبوع

 

[نور83]

الله يسهل عليجً يارب ويرزقك بالطفل المعافى وتفرحينً فيه ويقومجً بالسلامهً يارب

 

[ريـــ205ـــم]

ماعندي فكره ياقلبي بس البنات انشاالله ما يقصرون
واتوقع البيبي ما يحطونه بالشيشه اذا وزنه زين
الله يسهل عليج ويرزقج بالبيبي السليم والمتعافي
خليج متوكله علي ربج واكثري استغفاروصلي استخاره​

 

[@ام يوسف@]

الله يسهل عليج وتطلعون بالسلامه انتي والبيبي

 

[ام_ركون و دندون]

ربي يسهل عليج وتطلعين بالسلامه انتي والبيبي يارب

 

[Princess^Mom]

انا كان عندي الماي قليل بس مو مثل نسبتج وولدوني بطلق صناعي اول التاسع وولدي حطوه بالشيشه لان حجمه صغير والحمدلله على كل حال ولا تحاتين ان شاءاالله مافيج الا العافيه وعليج بالدعاء الله يقومج بالسلامة انتي والبيبي

 

[منيرة ام شوق]

نور
ريم
ام يوسف
ام راكون ودندون
Princess mom
مشكورين على الرد وعلى الدعاء
والله ييسر لي يارب

 

[المـــــها]

الله يكون فعونج و يسهل امورج حبيبتي

 

[لعبير]

الله يسهل عليج

 

[لذة الطاعة.]

انا نفس الشي الماي نقص علي البيبي بس كنت باول يوم بالتاسع

وولدوني بطلق صناعي من الساعه 12 الظهر الى الساعه 4 و نص العصر ثاني يوووم يالله ولدت

تعبت بوالدتي حيييل بس الحمد لله دكتورتي كانت شاطرة و تداركت الامر

 

[الجوريات]

هلا اختي انا كنت نفس حالتج بالظبط بكل شي بس نسبه الماي مو عارفته وقعدت بغرفه الولاده يومين علي طلق صناعي وماجاني طلق وبعدين جت دكتوره كويتيه وقالتي لازم احطلج تحميله عشان يجيج طلق ورفضت قالت خلاص بفحصج وفحصتني وحطت التحميله بدون علمي وحطتها الساعه 7بليل وولدت ساعه 11بليل وبنتي حطوها بالشيشه لمده اسبوع واي استفسار انا موجوده

 

[منيرة ام شوق]

مشكورة حبيبتي المها والله يتمم لج يارب
امييين اختي عبير ومشكورة عالرد
مشكورة لذة العبادة لان كنت بعرف جم تقعد الوحده اذا حطوا لها طلق صناعي لان هذا ثاني حمل لي ومااعرف شي وربي يحفظ لج زوجج ويويو واخته وتشوفينها بالسلامه يااااارب

الجوريات انتي وين ولدتي؟
ومتى عرفتي بنقص الماي عندج؟ وقعدتي بالمستشفى لما دريتي بنقص الماي او طلعوج؟
لما حطت لج الدكتور التحميله س7 ولدتي 11بنفس الليله او من باجر
ومشكووووووووووورة

 

[أأأميرة الورد]

انا ببنتي الثانيه كان معااي نقص بالمااي وقعدت يومين بالوضع يالله ولدت وكانت اصعب ولادة لان سبحان الله يقولون المااي يسهل الولادة واكتشفت ان الماي قليل باول يوووم من التاسع
الله يسهل عليج حبووووووبة وان شالله تقومين بالسلامه وكل وحده تختلف عن الثانيه
اهم شي لا تحاتين
ولا تنسين الدعاااء والصدقة

 

[منيرة ام شوق]

مناي&هناي
مشكووووورة يالغاليه عالرد
اميييييييين

 

[(نبنوبه)]

اهلين اناحامل ونفس حالتجوخايفة حدي

 

[c a t w o m a n]

الله يقومج بالسلامه اناي و البيبي يا رب

انا نقص عندي الماي من السابع بس ما اثر الحمدالله لان بالمراجعات رد زاد و بالمراجعة الاخيرة قل حيل ولدوني على طول لا توسوسين الحمدالله انتي بالثامن ما عليج خوف انشالله

الله يسهل عليج

 

[قلب الزعابي]

أنا يوم كنت حامل نقص عني الماي بالسبوع 32 جنه
وقالت مانقدر نولدج خطر علي البيبي
ورحت البيت خذت دبة كبييييره ماي زمزم وتميت اشرب وااااااااايد
ورحت بعد أسبوعين ماشالله قالت الماي اكثر من حجمه الطبيعي
وربيت طبيعي والحمدلله
اختي كثري من ماي زمزم يقولن سبحان الله يزيد نسبة الماي

 

[auoma]

الله يقومج بالسلامه بس انا سامعه صج ان ماي زمزم يزيد ماي البيبي
حاولي اختي منتي خسرانه شي
الله يسهل عليج