منو مثل حالتي تنورني ولها الاجر عند مولاها

[judy]

:aha:
السلام عليكم حبيباتي شلونكم
بنات الي صار فيها مثل حالتي تفيدني الله يوفكها
صار لي شهر من اكعد اكح ولو كحه بسيطه ارجع دم والله العظيم دم احمر احمر ولا متجلط ولا شي
وطبعا احس بحكه ببلعومي والترجيع مو يومي لا بس يمكن الحين صارلي 7 مرات رجعت
وبصراحه خايفه اروح الطبيب اخاف يقولي شي يخرع واهلي مايدرون ولاحتى زوجي يعرف
يعني مخليه حالتي بطي الكتمان يمكن حاله عارضه وللعلم انا كنت مسويه اشعه لصدري والله كالي الطبيب مافيج شي
وتحليل دم همن مسويه ولافيه شي وبصراحه نفسيتي زفت بس من ينامون الصغار اكعد اناظرهم وابجي يمكن اخاف فيني شي مو زين واتركهم

وجزاها الله خير الي تعرف احد مثل حالتي او مرت اهي بحاله مشابه وينورني طالبتكم والي تدخل موضوعي تدعي لي ولذريتي بالعافيه من امراض النفس والبدن ولكم مثلها يارب

 

[البحث عن الأمل]

تعوذي من الشيطان وتوكلي على الله
روحي الطبيب أحسن
يمكن متجرحه عندج الحنجره من الكحه الناشفه صارت معاي مره
لايصير إيمانج ظعيف
والله يعطيج العافيه يارب

 

[نووووونا]

ما تشوفين شر اختى ,, يمكن فيج اللتهاب رئوى بس المفروض يبين بالاشعه

وان شاءالله مافى شى قوى,,,

 

[غلاي غير]

لا تسكتين على عمرج وان شاء الله مافيج الا العافيه بس لاتخلين الوسواس يلعب فيج شي بسيط وخلاص بس الحرص واجب

 

[سارونه الكويت]

لازم تروحين الطبيب حبيبتى علشان انتى ترتاحين من هذا الهم وتتأكدين أنه مو شى خطير واللهاشافيج وعافيج

 

[wardia]

حبييبتي لا توسوسين واايد مافيج إلا الهافيه ان شاء الله !!
وقطعي الشك باليقين وروحي شووفي !!! ولا تفكرين ابأشياء سلبيه !!
وسلامتج وماتشوفين شر يالغاليه

 

[تنآهيد ..~]

ماتشوفين الشر ياقلبـي

لا لازم تروحين الطبيب .. لاتسكتين على عمرج

والله يخليج لعيالج ويخلي عيالج لج آمين يارب العالمين

 

[dr_enshalla]

كحه دم ولا ترجيع تفرق
بس بالحالتين لازم تراجعين ولا تهملين نفسج
وفي وايد اسباب يعني لا توسوين انشالله شي بسيط بس هم لازززززم تراجعين