منو مرت بنفس ظروفي دشوا هونوا علي

[ام المزيووون]

مرحبا حوامل

انا بنات بجريه واصدمتني امي قالت لي تنفسي بشقتج مالي خلق حنه وازعاج الياهل :eh_s(2): حيل

تضايقت وتعبت نفسيتي شلون اتنفس ببيتي منو يسويلي اكلي منو يعاوني عالياهل واخاف من

اكتئاب النفاس حاولت بامي لو اقعد عندها اول 10 ايام مو راضيه نفسيتي صفر منو مرت بنفس

ظروفي وشلون كانت نفاسها 000

بليييييييييز ردوا وخففوا علي حيييييييل متضايقه

 

[yasmin10]

انشاء الله اذا ولدتي بالسلامه راح تشوف البيبي و بتغير رايها ؛)

 

[كويتيه مذهله 87]

تنفسي عند ام ريلج
غريبه امج ليش هذا بجرج لازم تكون عارفه ظروفج

 

[منيرة خالد]

الله يتمم عليج بالخير وتقومين بالسلامه


انا ببجري قعدت عند امي وباجي عيالي كله ببيتي


صراحه من رأي ببيتج اريح واحسن


بهالوقت كل شي تقدرين تاجرينه

فيه شركات لخدمه الممرضات تجيج 12 ساعه باليوم تراعي البيبي وتقدرين تنامين وتهتمين بنفسج وانتي مرتاحه

وطبعا حطي لج ايام للاستقبال ويكون عندج خدمه


بالنسبة للاكل الريوق عادي

اما الغدا والعشا حاولي بامج انها تطبخ لج

والا تعاملي مع حريم واشكثرهم بالمنتدى او اخذي ارقام من صاحباتج يطبخون لج على الاقل لو العشر الايام الاولى من الولاده




بالتوفيق

 

[ام المزيووون]

الله يجزاكم خير اللي ردوا ومشكوره منيره خالد علي كلامج وام زوجي للاسف لمحت لها وطردتني بطريقه غير مباشره وانا بسكن مستقل بس خايفه نفسيتي تتعب لاني قاعده بروحي للاسف زوجي عديم احساس دايم طالع00

 

[زهور المحبة]

الله يسامحها ادعيلها الله يهديها عالاقل خل تشيلج اول اسبوعين
بعدين ردي بيتج

شكل امج جبيره والظاهر نفست خواتج قبلج وتعبت

وبيني وبينج تتنفسين افبيتج احسن بس لازم احد يتكلف بتحضير اكلج
قولي لامج تتكفل فيه عالاقل تطبخ لج خدامت اهلج ويدزونه او ياخذه زوجج
يعني تطبخ لج الغدا واتكثره علشان تتعشين منه
وشاي الاعشاب انتي سوي لج مطاره لليوم كله الله يبارك بالغلايه��
بس خل زوجج يشتري ذبيحه ويقطها بيت اهلج علشان ما اتثقلين عليهم
ولازم تلتزمين بادوية النفاس انا طلبتهم من ام خالد بس للحين ماجربتهم

 

[Loloki]

لا قلبي لما يشوف ضنا جدامه بجابلتج وبجابل البيبي

اذا جذي مثل ما قالو البنات كلمي عماتج خالاتج اذا ماتقدرين

اخذي رقم وحده تسوي اكل نفاس لمده ١٠ ايام

وخلي اي احد من صديقاتج ولا ام صديقاتج يعلمونج شلون تسوين حليبه البيبي

وشلون تتعاملين مع غازات بييي وشلون تسبحينه

لاتخلين احد يمن عليج

 

[روحي ابوي]

ماعليه حبيبتي لاتضايقين..بشقتج اريح بس خلي خواتج يباشرونج وحدة منهم تنام عندج.. الله لايعوزج لحد .. رتبي شقتج وشوفيلج غرفه تنفسين فيها..وخلي سريرالياهل يمج واغراضه بكس .. واكيد عندج خدامه تقوم فيج .. والله يسخرلج عبيده ياارب

 

[زهور المحبة]

اللله يهون عليج يارب
نسيت اقولج حددي لج يوم او يومين تستقبلين فيه الزوار
بس انتي عندج خدامه او لا ؟

 

[عنووشه]

حبيبتي كل شي يهووون

اول شي اخذي ادويتج من ام خالد الهاجري بالمنتدي لا يعلي لا ادويتها وصدرها وسيييع لو سالتيها عن اي شي بكورس النفاس

ثاني شي تعاملي مع ممرضه تجيج يوميا علي الاكل اول ٢٠ يوووم

ثالث شي الحين طقي لج فره علي مواضيع التاجرات اللي يطبخون طبخ نفاااس


وجربي لج من باجر اكل لهم علي الاقل القبوط والمرقوق والعصيييد


وجيبي لج خدامه تساعدج بالتنظيف والغسيل وسبوح للبيبي


والله الشقه وبيتج ارييح لج

انا تنفست في بجري عند اهلي وازعااااج ومافي راااحه


كل شي ينحل وهونيها وتهوووون

 

[auoma]

حبيبتي الله يعينج
بس انا مستغربه من امج انتي بجر لازم تنفسج وتهتم فيج وتعلمج وتعاونج
حبوبه ماعندج خوات ؟؟؟
المهم انتي الحين لاتشيلين هم النفاس شوفي الأجانب يحملون ويولدون وبعد اسبوع يداومون مافيهم شي
وفي ناس أمهاتهم متوفياة يعني مايحملون ويولدون الله يعطي امج طولت العمر
رتبي أفكارج وشغلج
اول شي لازم عندج خدامه او تتفقين مع شركات التمريض وانا أشوف لازم الثنتين عندج
وحده للبيبي وخدامتج للطباخ والتنظيف
ترى اول بيبي والله سهاله ماتحسين فيه المسؤليه تصير لما يصيرون اثنين او ثلاث
الاكل تقدرين تشترين يبيعون ترى قبوط مثلج وتعلمين خدامتج طريقته
وعندج الشوربات بأنواعها تشترينها وماكو اسهل من طريقتها
وعندج المشاوي حتى لو تطلبين مايضرج شي وترى لاتشيلين هم الاكل الوحده بالنفاس نفسها مسدوده قصب تحط اللقمه بحلجها
والبيض والحليب مايبيله شي
واشتري أدوية نفاس انصحج بأم خالد الهاجري خبيرة الأعشاب ادويتها تهبل وسهله وتعطيج كتيب فيه طريقة الادويه
والله يسهل عليج يارب

 

[a-a-alrajhe]

الله يسهل الامور حبيبتي كلمي خواتج على الاقل كل يوم وحدة عندج لمدة 10 ايام الاولى بس بعدين تتعودين وتصير الامور سهالات الله يعطيج الصحة والقوة على السهر مع البيبي واكيد زوجج ماراح يخليج بروحج..

 

[Model Look]

انا اهلي مسافرين وبتنفس ببيت اهل ريلي وخالتي تبي تساعدني يزاها الله خير

واهي بحسبه امي

لااااااا تحاتين ربج بيسهلها والاكل قولي لامج عالاقل الاكل ولا تستقبلين بالبيت الا امج وخواتج