منو مسوية تبييض اسنان او مفكرة تسوي؟

[koosa]

هااي حبايبي بلييييز ساعدوني.. ودي بخاااطري اسوي تبييض اسنان هالجم يوم و ما ادري احس 120 حق بس شهرين 3 ما يسوى؟؟

بلييز بنات اللي مسويا تقول عند اي عيادة؟؟ و بجم؟؟ و اذا في ارخص من 120 وين؟؟ طلتكمممممم حبايبيي

 

[فطـــومه^_^]

هااااااااي

كنت بسووي لكن بطلت لمن سمعت اضراره ومن ضمنها: تصير الأسنان حساسه ووقابله لتسوس بسرعه

وانا مو ناقصه صراحه خلقه اسناني حساسه

حبيت افيدك قلبووووو

 

[للحين ناطره]

انا اليوم امسويه
سويت ببيرفكت دنتل كير
التبييض98
التنظيف20
منو قالج بس شهرين ثلاثه
التبييض كثر ماتحافضين عليه يستمر معاج

 

[dhaimo]

انا استخدمت لصوقات كرست للتبييض premium plus لمدة اسبوع والنتيجة كانت ممتازة
شوي سوتلي حساسية اسنان (مؤقت بس في فترة الاسبوع)
و الحين اكثر من 4 اشهر من العلاج ونتيجة البياض للحين موجودة
صراحة انصح فيه وسعره تقريبا 13 دينار من مركز سلطان

 

[كحيلة يام]

ما انصحج فيه يضر اسنانج اكثر من انه يفيدها.....

 

[ra'3ad]

هلا حبيبتي

تبييض الاسنان نوعينجربت النوعين)

1. تبييض الاسنان بالليزر وما انصحج فيه لان يبيض الاسنان على درجة وحدة بس ويسبب حساسية واغلب الدكاترة ما ينصحون فيه لان مثل ما قتلج يبيض كل الاسنان على درجة وحدة (سعره 200 حق احدث جهاز اللي ما يسبب حساسيه مدته 20 دقيقة)

2. تبييض الاسنان المنزلي طريقته انج تروحين العيادة وياخذون قياس اسنانج ويعطونج القالب المناسب تحطين فيه مادة معينة وتستخدمينه بالبيت بالليل لمدة اسبوع او اكثر لمن توصلين لدرجة البياض اللي تبينها واغلب الدكاترة بنفسهم يسوون حق روحهم هذا النوع من التبييض لان تقدرين تتحكمين بدرجة التبييض اللي تبينها خاصة اذا كنتي من مدمني القهوة والجاي (سعره 100 دينار)

وسويت اثنينهم بعيادة البيان برج الخرافي

تقبلي تحياتي :eh_s(7):​

 

[بنوته توته]

بس سؤال ؟ انا شفت اللي سوو تبييض بس عقب جم شهر تصير اسناااااااانهم صفررررررررر الا برتقااليه بعد اشكالهم تلوع الجبد
جنه ياهل ماكل بفك
فديروا بالكم وتاكدوو انا كان بخاطري اسوي بس بعد اللي شفته نوو ويي

 

[مايكبرني لقب]

اناناويه اسوي بس ماادري وين اسوي ؟

 

[الـخـشـفـ الـنـداويـ]

اب اب يا بنات

خبراااااااااااااااااااتكم.!!

 

[حنون المزيون]

سويت ليزر ب100 دينار بس ماحسيت انهم بيضوا وتحسسوا اسناني بس اول ثلاث ايام
وقالي الدكتور تحتاجين التبييض المنزلي اللي ياخذون قياسات وتحطينه بالبيت لمده ساعه بس ليم الحين ماسويته

 

[فاطمة82]

انا مفكره اسوي
بس اللي بسويه مو ارخص من 120
وحده معاي بالدوام قالت عن اخوها مسوي تبييض في الصالح كلينيك تبييض اسمه عجينه ليزر تقول اسنانه صارت جنه مال دعايات معجون الاسنان
اهي كانت قبله مسويه هذا التبييض العادي ما بيض اسنانها وايد وردت بسرعه مثل اول بس عن اخوها تقول واااااايد صار فرق وابيض حتى اهو مستانس بس قاعد ويضحك (مغازلجي الاخ)
وطبعا السعر 300 حده موشي المبلغ

 

[Shiny Star]

أنا سويت تبييض في International Clinic للي بالسالمية خلف ليلى جاليري قبل سنتين تقريبا كان سعرهم وايد غالي بهذاك الوقت تقريبا 200 دينار ، المشكلة أن الأسنان تصير حساسة لمدة كم يوم يختلف من وحدة لي وحدة بس يعني تحسين بألم لما تشربين شي حار أو بارد
التبييض يستمر مدة طويلة مو بس شهرين أو ثلاثة بس كله يعتمد إذا أنتي تاكلين أو تشربين أشياء ملونة وايد ( طبعا كلنا نسويها مستحيل أحد ما يسويها)
الأكل والشراب الملون يشمل تقريبا كل شي مثل ..... المرق أو الكتشب أو أي شي فيه معجون طماطم، الشاي ، القهوة، الحلويات الملونة، العصائر الملونة، وغيرها
هذي الأشياء كلها أعطوني إياها العيادة على أساس أتجنبها أول 3 أيام بعد التبييض بس بصراحة ما قدرت لأن معناها إني بس أشرب ماي وآكل عيش أبيض خالي أو خبز يعني كلشي بدون ألوان

النتيجة وايد كانت حلوة وقتها بس

في وحدة من البنات فاتحة موضوع اليوم قريته عن معجون أسنان تمدح فيه وايد للتبييض اسمه EMAIL DIAMANT تلقينه بالجمعيات وكل البنات يمدحونه أنا بصراحة ما جربته بس كتبت اسمه عشان أجربه دشي على موضوعها تلقين صورة المعجون

جربت بعد لزقات كرست من مركز سلطان حلوين بس طعمهم بايخ والأسنان تصير حساسة

 

[om.googi]

SaLaM ..

لا تسوين اذا بغيتي رايي .. أول سبب يهشم طبقة الضرس الأولى اللي تحمي اسنانج من البكتيريا عموما ..
تصير أسنانج هشة + حساسة عالحار والبارد + تمتنعين عن الأكل الملون مثل الجاي والقهوة والبيبسي والفلفل وهذيلا ماكو كويتي يستغنى عنهم..
مايضل التبييض كثر مايضل معجون التبييض الطبي لأن مكون معاه فلورايد ومستحضر مضاد للبقع .. لأن التبييض عموما من ليزر وطبقة محافظة من مادة صافية نسيت اسمها لمدة محدودة عالطبقة الأولى للضرس نفسه..
والدايم اللي تشوفينه على فلانه وفلان تلقين أغلبية أسنان تركيب يعني مو اسنان طبيعية ..منقول من دكتور ومجرب..

واذا تبين براحتج في عيادة الميدان بصباح السالم أو شرق يسوونه ابـ100د.ك

thnx

 

[q8_ToOoOtah 3L]

مشكوووووره اختي على الموضوع...

انا اختي مسويه عند ابهاء بس مانفعها الحين جنها مو مسويه..

وانا هم ودى ابيض اسناني فاشنو تنحوني فيه ؟؟
انا مابي شئ ياثر وتصير اسناني خفيفه لان اهيه خفيفه ودايم تعورني...

لان انا بركب تقويم بعد جم يوم ولما اشيله بسوى............