منو مسوي تبييض اسنان

[@Miss Dio@]

الزبده منو مسوي تبيض اسنان ووين وبجم وتنصحونا فيه والا لأ؟ ناطرتكم يا حلوين

 

[fooshya.q8]

واااااي امبي جنج تدرين

انا قايله اليوم بكتب عن تبيض الاسنان

بس انا بعرف بعد منو احسن مكان يسوي حشوات تجميليه اللي تسكر الفتحه ؟؟؟؟؟

وبجم
بلييييييييييييييييييييز


سوري حبيبتي شاركتج بموضووعج

بس اتمنى احد يفيدنا

واذا عرفت اي شي بقوولج ان شاء الله

 

[maryooma q8]

امبي انا بعد ابي اعرف عن الحشوات وعن تبييض الاسنان مشكورة عالموضووووع

 

[سحيله_الحلوه]

انصحكم بتبييض الاسنان المنزلي صج حلوووووو

 

[bnt_7waa]

اذا تقصدون مال كرست المنزلي فما سوا لي شي..

 

[سحيله_الحلوه]

صج نسيت اقولكم انه بالميدان يسوونه بـ100 دينار
واعتقد كل عيادات الاسنان يسوونه

 

[تمبوشا]

انا سويته جنه بعياده بالشعب البحري بس نسيت اسمها
عالعموم اهو كله نفس الجهاز بكل العيادات
سويته ب100 مادري ب120
بصراحه ما انصحكم فيه
اولا لانه فتره تنبهرين فيه وبعدها يرجع حتى لوكنتي مهمته فيه
من الشاي والقهوه وحتى الكاتشب يعني كل الاكل حتى لوفرشتي عقبه يرجع نفس اول
غير انه يضعف الاسنان ....كل ماسالت دكتور قالي انه يضعف الاسنان
ما انصحكم فيه الا اذا بتسوونه مره وحدهوبعده على طول تنظيف عند الدكتور لان فيه بنات اول مايرجع نفس اول ترد تسوي ليزر
ماتسوى عليها

 

[maryooma q8]

والله انا بنات عماتي مسوين ماشالله ضروسهم ليلحينهم بييييض اتوقع على حسب كل وحدة

 

[أمونة الحلوة]

انا سويت مرة زوم بعياده الاسنان عند بوحمرا كانوا مسوين عرض تنظيف وتبيض وتلميع 100 دينار سويته صراحه بس اول شي حلو بعدين تحسين عادي يردون نفس اول

وبعدين سوين ليزر حق الاسنان يوم كنت بالاردن صراحه شي عجيب وايد احلى من الزوم بوايد
فاذا تبين تسوين تبيض انصحج بالليزر لان الزوم راح يتعبج اول 3 ايام تحسين ضروسج ناشفه وحساسه اما الليزر ماشاء الله ماتحسين بولا شي
وانا سمعت بعد عياده فرجينيا وايد حلو شغلهم

وان شاء الله البنات يفيدونج اكثر

 

[زيتونه مرت باباي]

انا سامعه انه يضعف الاسنان مثل ماقالت العضوه تمبوشا لانه يقضي على طبقه المينا ومايندرى بعد

واشلون التبيض المنزلي ؟

 

[نــور1]

أممممممممممم

والله احترنااااااااااااااا وين افضل مكااان


عندي لكم طريقتين :

1- احرقي خبزةةةةةةةةةةةة وخليها لين تسود وبعدها اطحنيهااااااااااا عدل وفرشي اسنانج فيها

2- السوااااااااااااااااااااك روعةةةةةةةةةةةةةةةةةةة

 

[NoNoFeTa]

انا سويته بالميدان صارلي اسبوعين تقريبا طبعا قعدت 3 ساعات وفي الم جنه كهربه بضروسج سويته ثاني درجه من البياض عشان يبين طبيعي اول يوم ماااقدر افتح حلجي يعووووووووور ثاني عادي بس 24 ساعه ماتشربين قهوده وجاي وكتشب واي شي صبغ لان ماده مادري شمسها بالتبيض تنشال وعقب 24 ساعه تتكون بروحه سبحان الله لي يومج ماكليت ولا شربت ممنوعات بس لاحظت انهم قاعد يرد لونهم اصفر وقلت بروح لهم الصراحه دافعه فلوس ماتمو اسبوعين وهي تقولي 6 شهور رفيجتي مسويته برمكز ابها ماشاالله صارلها سنه تهبل ضروسها شكلي بروحله

 

[مريوما الحلوه]

انا سويت بعياده البيان اول شي حلو شهر يرجع مثل اول ماكو على تنظيف المستوصف وبلاش

 

[ميرايه]

شوفي حبيبتي كل طرق تبييض الاسنان لي تكلمو عليها الخوات مؤقته وترد نفس اول بعد فتره قصيره بس خساره فلوس
في طريقه طلعت على تلفزيون الجرس برنامج مع المذيعه ندى اكيد كلنا نعرفها استضافت دكتور اسنان وتكلمو عن طريقه تركيب السيراميك للاسنان الاماميه وتصير نفس الفنانين تظل معك عشر سنوات وكل الممثلين والمذيعين مسوينها وهذه افضل طريقه لتبييض الاسنان مادري اذا شفتي الحلقه كان فيها شرح وافي عن الطريقه ارجو اني كون افدتك

 

[@Miss Dio@]

مشكورين يا بنات خلاص انا بسوي تنظيف عادي ابرك

 

[مناوووي]

يووووووووووووه انا بغيت اسوي بس خلاص هونت

بسوي عادي احسن

 

[رورو الدلوعة]

يابنات انا مجربة تبيض الاسنان اول اسبوعين يكونو الاسنان روعه بعدين يرجعون عملت التبيض مرتين ولكن اكتشفت ان التبيض المنزلي روعه رحت عملت طبعه لاسناني وجبت أبر تبيض الاسنان من عيادة دنتل ايت

واي احد يشوفني يفكرون اسناني تركيب لان اسناني صارت ابيض من كل الفنانين واذا تبون اسم الابر بخبركم

وانا جاهزه

 

[ابلة رسم كتكوته]

انا مسويه تلبيس وحشوات عند الدكتور انور بعيادة ابها اللي بالشعب البحري
واخذ تقريبا 600 دينار مع التبييض المنزلي
انا اسناني مو صفربس لما احط التبييض افرقهم
وصج التبييض يحسس الاسنان بس اذا حسيتي نج متضايقه توقفينه يومين
وبعدين ترجعين له
يقول احسن من الليزر لانج لو سويتي ليزر يمكن يصيرون واااااااااااايد بيض بشكل مبالغ فيه
او ما يبيضون على كلام الدكتور

 

[2010 Haidy]

السلام عليكم ورحمة الله وبركاته
*بنات انا استخدمت منتج امريكي لكن روووووووووعه والصراحة خلى اسناني لووونهم ابيض مافي اي اصفرار والصراحة سار عندي ثقة اكبر في نفسي
والمنتج عبارة عن جل تحطينه بقالب وتنامي فيه وربي اني استعملته مرة وصديقاتي يسألوني عن اسم الطبيب اللي مسوية عنده ليزر وحلفت لهم اني مو مسوية اي تبييض لين شافوا الجل وكيفية استعماله والشركة امريكية كبيرة ويعطونك معجون حتى يحافظ عالاسنان بيضاء اذكر اني استخدمت الجل مرتين او تلات والمعجون طبعا استخدمه يوميا لانه يحافظ على البياض اللي توصلينله بعد الجل وممكن تستغني عن المبيض الجل وتستخدمي المعجون بروحة لانه يبيض وريحته نعنع قوية ويحافظ على مينا الاسنان والصراحة انا تعرفت عهالمنتج بالصدفه عن طريق استاذ اخوي بالجامعة بأمريكا هو طبيب اسنان ولمن قابلته سألته عن التبييض واني حابه اجرب الليزر قالي انتبهي كثرة الليزر تسبب حساسيه للاسنان وتضرهم وقام عطاني الجل والمعجون والحمدلله كل من شاف اسناني سألني عن اسم الطبيب اللي اسوي التبييض عنده
حبيباتي انا حبيت اشارك معاكم بتجربتي واللي عندها اي استفسار تراسلني عالخاص
تحياتي