منو معايه بشهر تاسع وتبي تولد

[tamyh]

هاي بنات شلونكم شخباركم انا هذي اول مشاركه :eh_s(9):لي بالمنتدى نشالله ماتكون الاخيره صارلي فتره اتابع منتدى كنت متردده بالاشتراك وبما اني يالسه بالبيت وماعندي شغله ولا مشغله فشهر تاسع قاعد يمر علي جنه دهر:eh_s(2): ياربي مب قادره قلت ادش اشوف من مثلي المهم بقولكم ماخليت شي ماسويته طبعا الزعتر

حليب بزعفران كوب رايح وكوب جاي وغير اني اكل الخلاص يوميا سبع حبات و ع ريج اشرب ماي مخلوط بعسل اسود وللحين ماصار شي ودكتورتي كانت تقولي انتي بتولدين من ثامن اشوفني دشت تاسع وللحين اتريا اليوم الموعود طبعا هذا اول حمل لي حامل بنوته

هذا دعاء طبعا ديما اقوله والله يعين

"اللهم اني اعيذ مافي رحمي بكلماتك التامة من كل شيطان وهامة,ومن كل عين لامه
اللهم اني اسألك أن تحفظه و تجعله معافى كامل الخلقة دون زيادة أو نقصان
اللهم حسن خلقه وخلقته وسهل حمله ومخرجه واجعله قرة عين لي واجعله من عبادك الصالحين"

آمين يارب العالمين
يارب سهل علي ولادتي وع خواتي فالمنتدى يارب ارحمنا برحمتك :yaaaaaarb:​

 

[صديقت قوقل]

حيااج امبينا والله يسهل امرج وتولدين سالمه

بس شريط الحمل باقي 15 يووووووم يعني اصبري لاتشربين ويصيبج قلق وانتي باقي لج؟؟

 

[tamyh]

تسلمين حبيبتي بس شسوي ابي اولد خلاص تعبت ريولي منتفخه تقول ضاربني ابر بوتكس

 

[صديقت قوقل]

ياقلبي عليج الله يسهل علينا

مالومج وربي اصلا انا الحين داخله الشهر الاني واحس بموت من التعب عيل انتي شقول فيج

بس انا خايفه تسوين بنفسج شي

هههههههههههههه عاد حنا يالحريم ابسط شي يتعبنا الله يعين


مالج الا تشغلين المكنسه وتشفطين المولود<<<<حدها مجرمه ههههههههههههههه امزح بس بلطف الجو عليج يالغلا

 

[tamyh]

ههههههه ايه والله اي شي نسمع فيه ع طول نجربه حقل تجارب مستوين بس تخيل نشفط بالمكنسه ههههههههه والله ضخكتيني
بس بسالج انتي باي اسبوع الحين وهل هذا اول حمل لج

 

[احلى عروسه]

هلا حبيبتي الله يهون عليج
انا بعد بالشهر التاسع بس ما انصحج بشرب الاعشاب بس امشي واتستغلي وقتج بقراءة القران او اي كتاب يتكلم عن العناية بالطفل او اي كتاب يعجبج والله بسهل عليج ولادتج

 

[tamyh]

المشكله ما عندي حد يمشي معايه وزوجي ان شافني بس عند باب البيت يهد عليه يقول بشوفونج اليران عاد لي قول مب شبعانين من شوفتي كل ما اطلع لووول بس القران لازم عشان الله يسر علي طبعا سورة مريم والبقره بعد ابي بنوتي تتعود ع القران كل يوم اسمعها شوي يقلون اذا تعود جنين ع شي يوم يبجي اذا طلع لدنيا وحطتله شي لي عودتيه عليه يسكت طبعا زوجي كله يصرخ وطبيعة صوته عالي قالتله امي ها المعلومه الحين كل ما يصرخ يقول اضن البيبي ما بيسكت الا ع صراخي خلاص تعود

 

[ريح قهوه]

انا مثل منتي شايفه بالشريط خلصت شهري وانطر الفرج ماجاني طلوق وشكلي بستسلم وبروح اولد بطلق صناعي لان انا بولاداتي طلق صناعي اخذ الله يفرجها علي وعليج يارب

 

[انسكابة عطر]

الله يهون عليك وعلينا ويرزقنا بالولادة الطبيعيه الميسره

 

[صديقت قوقل]

ههههههه ايه والله اي شي نسمع فيه ع طول نجربه حقل تجارب مستوين بس تخيل نشفط بالمكنسه ههههههههه والله ضخكتيني
بس بسالج انتي باي اسبوع الحين وهل هذا اول حمل لج

اختي الحين انا بالاسبوووووووع السادس يعني دااشه الشهر الثاااني:eh_s(11):

وااااااااااااااي الاياااام بطيئه من اول ماحملت قبل لاحمل اول ماخلص من الدووره بسرعه تمشي الايام وتجي موعد دورتي الثانيه الحين يوم حملت بطيئه الاياام سبحان الله :eh_s(10):هههههههههههههههههههههه


هذا ثاني حمل لي
اول حمل قبل شهرين وصار فيني اجهااااااض والحمد لله ع كل حال:eh_s(10):



ويارب تمم علي يارب واشوفه بحظني


وبس هذي قصت حياتي الحمليه

 

[tamyh]

ريحة القهوه الله يعينج يارب عا يقولون عوار الطلق صناعي اقوى من طبيعي يالله نشالله الله يهونها عليج ومايمر عليج اليوم الا تلقين عمرج والده بدون ا تحسين لا بعوار طلق طبيعي ولا صناعي يارب هونها عليج
انسكابه امين يارب
صديقت انا قلت الحين الاخت بتقولي اخر تاسع لول بس عليج بسورة البقره انا احس هيه لي ثبتتلي حملي له صارلي 3 حملات مااكمل 6 اسابيع الا وانا مطرحه تميت اشرب 3 لتر ماي يقلون يعدل هرمون واقرى سورة البقره لين ثبت حملي بامر الله

 

[صديقت قوقل]

الله يجزااااج خير ع النصيحه بقرا سورة البقره صرااااحه تعبانه بهالحمل الله يعين

 

[tamyh]

صباح نور ومساء الحب شخباركم بنات مافي حد
اليوم كنت عند الدكتوره وسوتلي تخطيط تقول مافيج طلق وانا بثامن كل مايسولي تخطيط يطلع 60 اليوم يوم رحت يطلع بشاشه 10 مستغربه قاعد تنزل علي افرزات مثل االماي خفيفه ومع افرزات بيضا لا والبيبي مانزل الحوض للحين بس راسه تحت مادري اذا وحده تعرف طريقه او تمرين تخلي طفل يدخل الحوض