منو ناوي يصوم يوم عرفه؟؟؟؟

[بدورة القمورة]

انا الحمدلله متعوده من عمري 9 سنين اصومه والحين عمري 18 وماتركته سنه

هو يوم واحد بالسنه وفضله عظييييييييييييم عظيييييييييييم حرااام نضيعه

ومحد يضمن بيلحق عليه السنه الجايه ولا لا


اللي تقدر يابنات خل تصومه لاتضيعون هالفرصه حرااام

والله يتقبل منا ومنكمــ صالح الاعمال

ماشالله عليـــــــــــــــــج حبيبتي الله يعطيج طولت العمر و العمل الصالح

 

[بدورة القمورة]

موعـــد دورتي

بس ان شالله ان شالله تتأخر

كل سنه اصومه مابي هالسنه اخرب

انشالله انشالله تتأخر
علشااااااااان تصووووووومين معااااااانا :ggdw:

 

[noo7a]

جزاج الله الف خير على التذكير
وانا انشالله هم بصومه

فجوره
حبيبتي الدين تقدرين تصومينه اي وقت من السنه بس قبل لا ايي الرمضان الي بعده

 

[MiSs SaLsA]

أنا بعد إن شاء الله رح أصووم

و الله يتقبل مننا جميع الأعمال يا رب

و اللهم اهدينا إلى الصراط المستقيم يا رب

 

[miss_math]

ان شاء الله اصوومه مثل كل سنه

بنات اللي عليها دين ما ينحسب صيام يوم عرفه يعتبر مثل قضاء الدين ما تقدرون اتصومونه

صووموا الحين لي يوم الخميس ان شاء الله خالصيين الدين.

لا حبيبتي كلامج مو صحيح يجوز الجمع بين صوم القضاء وصوم يوم عرفة بنية واحده عكس صيام الست من شوال اللي لازم تكونين مخلصة الدين اول

وهذه فتوى

السؤال :
صيام القضاء مع صيام النافلة بنية واحدة مثل صيام يوم عرفة وقضاء رمضان بنية واحدة، هل يجوز؟


المفتي: محمد بن صالح العثيمين
الإجابة:






إذا كان المقصود أن تصوم يوم عرفة مع القضاء، أو عاشوراء مع القضاء بمعنى أن تصوم يوم القضاء في يوم عرفة، أو في يوم عاشوراء فلا بأس بذلك ويحصل لك الأجر.


مجموع فتاوى و رسائل الشيخ محمد صالح العثيمين المجلد العشرون - كتاب الصيام.


وهذا رابط الفتوى

http://www.islamway.com/?iw_s=Fatawa&iw_a=view&fatwa_id=9794

 

[ليدي دبي]

أنا إن شاء الله بصوم
والله يتقبل منا ومن الجميع

 

[سعودية!!!]

انا من يوم واحد ذي الحجة وانا صايمة وع الله بكرة اختموه فيه الصيام عسى الله يتقبل مني ومنكم صالح الاعمال

 

[النملة نواري]

انا انا انا ان شاء الله راح اصومه
اذا الحلوة ما شرفت

 

[جان دارك]

أنا صايمه العشر كلها لله الحمد
وباجر آخر صيامي بإذن الله

 

[a woman on top]

باذن الله باصوم باجر

 

[Om_Ksha]

انا انشالله بصوم .. بس بنوي يوم عرفه مو مع القضاء !!

مع انه قريت الفتوى .. توه بس بعد ,,