منو يابت خدامه وحست انها عاشت حياتها

[دلوعه حيل]

مراحب بنات شخباركم

الموضوع مبين من العنوان.....

منو يابت خدامه وحست انها تفرغت لحياتها وزوجها وردت تهتم بنفسها وتستغل وقتها بشي زين مو بس تنظيف وتغسيل وكواي وشغل بيت خاصة ادا كانت موظفه وبانتظار ياهل....

 

[PuPa^^SWeeT]

ياحبيبتي

ياليت لو خدم هالوقت تقدرين اتجابلين ريلج


انا الخدامة مخليتها للتنظيف و ولو بتجابل بناتي اتجابلهم بس جدامي

ولا ببيت اهلي و اهل ريلي

غيره نو ويي

بس بالعمووم انا وراها على شغلها لانها ماتسوي من رووحها

 

[رحيل المرافيء]

لاخدامة ولاشي
غسيل الملابس حطي غسالة اوتوماتيك
غسيل المواعين جلاية الصحون
الكوي عندج اللي على بخار
يبقى التنظيف والترتيب مايبيله شي
وممكن تشترين المكنسة اللي على بخار تمسحين فيها الارضيات اذا سيراميك
وانتهينا

 

[دلوعه حيل]

ياااااااااااااااربي ليش تشاؤموني

عندنا ببيت اهلي خدامتين وسايقين

الخدامات وحده صارلها 11 سنه والثانيه 5 سنوات اندونيسيات

والسواق واحد بنجالي ما شاء الله صارله 29 سنه وحتى ارتاح وياب عايلته معاه وصارله عمر من قبل عن انولد حتى والثاني من 5 اندونيسي صارله 5 سنوات بعد والحمد لله امي بس تتابعهم وتراقبهم والا الحمد لله مرتبين البيت وعودناهم ع نظام ويمشون عليه لا نسال لا على طباخ اوقات العزايم ولا على تنظيم او ترتيب الحمد لله وانا متامله اييب وحده واوديها بيت هلي تشوف الخدم شلون نظامهم وتتعود وتالي اييبها عندي

بصراحه تعبت وايد خاصه اني ساكنه بروحي بعيد عن اهلي واهل ريلي وتعبت خاصه تو جامل وايام الزيارات اتعب وايد وانا ما احب الحوسه وعدم الترتيب بس هالايام افكر بييني ياهل وابي اجابله واتفرغ لنفسي وريلي وانا موظفه بعد يعني ارهاق ف ارهاق

 

[zain-alq8]

حبيبتي اخذي خدامه وريحي عمرج وبالاخيير الخدم حظ ياتيلج الزينه او تجيلج الشينه وادعي الله يسخرلج خدامه زينه وهابت ريح وتريحج

 

[bnt_kwt]

انا عندي خدامه
وما عندي ياهل

وبصراحه صج تفرغت حق روحي وحق زوجي

قبل مايمدي نم ارد من الدوام على طول عالمطبخ اجهز الغدا واخلص مو معقوله بخلي المطبخ والمواعين اكيد بغسل وانظف
متى اطلع من المطبخ 4 ونص ولا 5

وغير جذي غسيل الحمامات والتنظيف والمساح والكوي وترا اسهل من غسيل الملابس مافي يعني غسيل الملابس مو ازمه بس اللي ذكرته قبل اهو الازمه اخلص شغلي مهدود حيلي انطر تصير 12 ولا 11 ونص عشان انام وغير بعد اذا بنسوي عشا بالبيت
لانه مو معقوله كل يوم اكل مطاعم

الصراحه الخدامه رااااااااااااااااااااااااااحه وغير جذي ماعندي صج اني ما اتكل عليها بالطبخ بس على الاقل اذا بطبخ ارد القى شغلي كله جاهز ومن اخلص اهي تغسل وراي وتنظف ارد بيتي حماماتي نظاف بيتي نظيف الملابس كلهم مرتبين ومصفطين
غير جذي اقعد مع ريلي اطلع ما احاتي التنظيف والغسيل اروح وين ما اروح ادري برجع بيتي بلقى كل شي مثل ما ابي
واللي بتقول ما تاخذين راحتج ابيتج بقولها لا والله الا ماخذه راحتي لانها مو 24 سعه مجابتني ومجابله ريلي ومو الا امشي بالبيت ولبسي مو عدل عندي غرفتي النوم اسوي داخلها اللي يريحني

واذا الخدامه عرت و تمردت لكل قاعده شواذ وبالنهايه هم اهي بشر واحنا مو مستعبدينها ما تبي تقعد عندي مو لزوم تروح واييب غيرها
وبالنهايه هذي وجهه نظري الشخصيه يعني مو شرط الكل مثلي وايد ماعندهم خدم ومرتاحين ومتأقلمين والحياه سعيده

 

[دلوعه حيل]

بنت الكويت الله ينور عليييييييج ادعولي بخدامه سنعه وتظل عندي سنوات وارتاحلها

 

[أبله أريج]

انا ما احب الخدم وودي ما يكون عندي بس ظروف الحياة يمكن ايي يوم واحتاجها تحدني الظروف

 

[ديانا سبنسر]

بنت الكويت قالت اللي ابقوله

 

[دلوعه حيل]

يالله يا بنات مومعقول كل هالمشاهدات وماكو رد الا 5

 

[omaseel]

لا غني عن الخدام بس مشكله تقيد بالبس البيت انتي وزوجك صعب تلبسي براحتك

 

[(*ام عهــــد *)]

الله يرزقج الخدامه الزينه

 

[cheese cake 84]

الخدامه عزززز وررررراحه تنظف وتغسل وتمسح لاتبهدلين عمرج ولا شي تردين من الدوام بيتج نظيف دارج مرتبه ليش الشقا ييبلج وانتي مغمضه

 

[بخـــارى]

انا كانت عندي اندونسيه صج صج كنت مرتتاحه
وعقب ولادتي بشهر يبت فلبينيه فصاروا عندي 2 هم راحه بس كنت تعبانه مع بنتي الصغيرهمن 3شهور راحت الاندونيسيه اكلت تبن مع الفلبينيه

بااااارده

الحين بطلب ثانيه والسبب الفلبينيه يادوب مع الصغيره لانها ماشاالله حركيه وانا بداوم فشي طبيعي راح تجابلها وعندي بنت ثانيه بالمدرسه
وانا دوام وطباخ
بس ماكو خصوصيه

 

[دلوعه حيل]

مشكوريييييييين عالردود الحلوه