منو يصير لها مثلي لما تحف وجها بالشمع{يتقشر الجلد}

[كاروهات#]

السلام عليكم


بنات انا لما احف وجهي بالشمع بعد يومين يتقشر الجلد مع اني احط مرطبات وكريمات بس ماكو فايده


شالحل؟

 

[LuLiTa]

رد: منو يصير لها مثلي لما تحف وجها بالشمع

حبووبه هالشي معناته انه الشمع ما ينفع معاج لانه حيــــل قوي عليه ,, قطعي الشمع خير شر و خلج عالخيط و لا سويلج ليزر و افتكي =) و بهالفتره اللي يتقشر فيها ويهج روحي حق الجلديه و خل يعطيج كريم و واظبي عليه ,, و لا اتحطين مكياج و لا اتخلين شي يحوش ويهج غير كريم الجلديه + الماي بس ,,,, لحد ما تهدا البشره و ترتاااح لانه هم كثره المستحضرات بتعميها بدال ما تكحلها =)

 

[كريستآل]

رد : منو يصير لها مثلي لما تحف وجها بالشمع

حبيبتي الشمع يلعب بالبشرره لعب .. لاتعودييين نفسج ع الشمع = (

واتوقع هالتقشير اللي فيج كله من هالشمع ! فـ الاحسن انج تقطعينه

خليج ع الخيط او الاكسجين ! .. اهم شيء تفتكين من الشمع مادري انا مو حابته واحس حيل يخرب البشره :\


..

 

[معلمة شيسمونه]

لا امبيه لا تحطين اكسجين حق ويهج اذا الشمع سوا جذي الاكسجين بياااااااااااااكل ويهج


تصير خدودج محترقه ------------------------- مثل الاخت اللي قاعده تكتب لج


حفي وحطي بعد الحف كريم كيناكومب يمدحونه حيل او اليكوم

 

[om.googi]

جربي مستحضرات بينفيت وانتي مغمضة فظيع للترطيب كريم الويه .. هذا اهو ان شاء الله طالعة الصورة .. موفقة وخل اللي تشيل لج تحطلج بأول يوم ماي ورد بعدها لا رديتي البيت زيت زيتون خليه لين ينشف وابدي بعدها بكريم بينفيت..​

وعندج نوع ثاني بعد ماعتقد موجود بالكويت اذا عندج أحد اييبه لج من برا جان بخت فظيييع شوية عليه بس استعمال يومي​

​

http://www.face-moisturizer.com/d/sale/0/b/3726.gif​

 

[dnyay_mll]

رد : منو يصير لها مثلي لما تحف وجها بالشمع{يتقشر الجلد}

انا جذي قبل

بس قمت باول يوم امرر الثلج على ويهي مو اقل من مرتين باليوم

وارش ماي ورد على ويهي

ولاتغسلين بصابون او غسول باول يومين تحملي عشان مايتقشر الجلد

ودهني ويهج بكريم بيمبي تحصلينه بالصيدليات او زيت اللوز الحلو ونامي فيه

 

[قطوووة]

والله مشكلة ...... اب

 

[شمع تحترق]

حبيبتي نوعية بشرتج ما تتحمل الشمع

و لو طيحين بوحده عليمه تري بشرتج راح تحترق بايدها

خلج على الخيط تري مو كل شي ينفع هذا ويهه حبيبتي

 

[سارحة بالغنم]

​

مدام وجهج حساس ويتقشر ليش شمع أنا قبل نفسج جربتة مرة وصار جذي ومكانها سمر الحين يارب لك الحمد ليزر ولا أعرف شي اسمة حف :bye22:

 

[خاينة88]

رد : منو يصير لها مثلي لما تحف وجها بالشمع{يتقشر الجلد}

انا بعد جذي حبيبتي بس احط مرطبات والسلام