منو يعرف طريقة المربين العجيب

[sugar_q8]

بنات مره ذقت مربين عجييب يكون عيش وربيان يابس وماش ومعاه بطاط وجزر وتحسفت ما سالت عن طريقته ياريت الي تعرف هالمربين العجيب تقولي عن طريقته وادعيلها من كل قلبي

 

[^^ام ميمي^^]

ياقلبي ان شاء الله بعلمج على طريقتي بالمربين وان شاء الله راح يعجبج بس انا ما احط معاه بطاط وجزر وممكن انج اتضيفينه معاه ,,,

اول شيء الربيان اليابس يتنقع لمدة تقريبا نص ساعه وتنظفينه وعقب ادقينه بالهاون دق لما اتحسين ان صار مطحون لازم بالهاون

تقصين بصل مربعات تقريبا اذا بتسوين جيس واحد يعني تقريبا نص كيلو ربيان تقصين 3 بصلات كبار مكعبات صغار و فلفل اخضر بارد بعد مكعبات و ثوم مدقوق بس اشوية اول شيء تحمسين البصل مع الثوم وعقب الربيان اليابس و الفلفل اخضر و تحطين بهاراتج اللي اهيا مسمار و لومي و دارسين و كمون وبهارات مشكله وملح و تغطينه وكل اشوي تقلبينه و تزيدين معاه قفشة زيت وكل ماحسيتي ان نشف ما اتزيدين ماي لا اتزيدين بس قفشة دهن وتردين اتغطينة ولازم لازم كل اشوي اتقلبينه ...

و تكونين من قبل منقعه ماش والعيش اول شيء تخلين الماي يغلي بالجدر و تحطين معاه هيل ومسمار و دارسين و بصلة صغيرة قاصته 4 قطع وفلفل اخضر بارد قطعين صغار و ورق غار لما يغلي الماي اطلعين هالسوالف كلها و تكتين الماش على الماي وعقب اشوي تكتين العيش معاه وتخلطينهم وتنطرينة لما يستوي ,, واتسوين معاهم دقوس صبار معاه لووومي وفلفل علوب اممممم بيطلع لذييييييييذ

اخر شيء لما اتذوقين الربيان اليابس وتحسين ان استوى تخلطين معاهم كزبرة خضرة مو بهارات و اطلعينه من النار و تنجبين العيش بالصينية وتخلين الربيان اليابس بالنص ,,

اذا تبين الربيان يكون مخلوط مع العيش لازم تكونين منقعته من قبل وما ادقينه تسلقينه ولما يستوي تكتين عليه العيش والماش و لاتنسين تحطين البهارات العدله مثل هيل ومسمار و دارسين و بصلة صغيرة قاصته 4 قطع وفلفل اخضر بارد قطعين صغار و ورق غار وتخلينهم يغلون مع الربيان لي ما يستوي عقب اطلعينهم وتكتين العيش والماش مع الربيان ..

واذا انتي اللي ذايقته قصدج البطاط والجزر مع العيش تقدرين تسلقين البطاط والعيش بروحهم وتخلطينة اخر شيء ,,

وعليج بالعافيه

ذكرتيني فيها يمكن عقب باجر بسويها لللغدى واذا تذكرت ان شاء الله بصووورها لج

 

[جارة القمر]

تفضلي طلبج

http://q8yat.net/showthread.php?t=236961&highlight=%C7%E1%E3%D1%C8%ED%E4


http://q8yat.net/showthread.php?t=231282&highlight=%C7%E1%E3%D1%C8%ED%E4

http://www.q8yat.net/showthread.php?t=6617

 

[sugar_q8]

مشكوره ام ميمي وجارة القمر عالردود والله لا يحرمنا منكم

 

[Killer^Girl]

ابي طريقه المربين

السلام عليكم شلونكم بنات
ابي طريقه المربين بليز بنات
بس ابي الي تصير مثل الحمسة

 

[جارة القمر]

تفضلي طلبج
http://q8yat.net/showthread.php?t=379170&highlight=%C7%E1%E3%D1%C8%ED%E4


المقادير:

الموش:
رز
ماش "نوع من أنواع العدس" * لكل كوب رز نحتاج 1\4 كوب ماش*
ماء
ملح

خلطة الروبيان:
2 ك روبيان مجفف "ممكن الطازج بس لازم ينشال القشر عنه"
1ك طماطم مبروشة
1\2 -1 ك بصل مفروم
1\4 ك ماء
ملح
بهار
فلفل اسود

الدقوس "الصلصة":
2 ك طماطم مبروشة
2 فص ثوم مهروس
ملح
1 علبة معجون طماطم "صلصة أو رب الطماطم"
1 ك ماء

الطريقة:

الماش:
نسلق الماش الى ان يستوي بنسبة 90% ، ثم يصفى ويغسل بماء بارد..
نغلي ماء مناسب لكمية الرز المستخدمة ثم نضع الرز في الماء الحار مع الماش وملح الى ان يستوي الرز..





الروبيان:
يدق الروبيان بمدقة الثوم " بطريقة متوسطة مو تهرسون الروبيان " حتى ينظف من القشر ثم يغسل ويترك في الماء لمدة من 1\2 -1 ساعة..
يسخن الزيت ثم يوضع البصل الى ان يذبل..
نصفي الروبيان ويوضع على البصل ويحمس مع البصل..
ثم نضع الطماطم المبشورة على الروبيان مع البهارات والملح ثم نضع الماء ويترك على النار الهادئة الى ان ينشف الماء ..



الدقوس:
نضع شوي في القدر زيت لقلي الثوم ثم نضع الطماطم المبشورة ويقلب ..
نضع معجون الطماطم والماء والملح الي ان يغلي يترك على نار متوسطة ويصبح ثقيل أي يخف الماء نسبيا ..

يقدم بوضع الرز ثم الروبيان فوقه مع الصلصة والاجار "المخلل" والدقوس الحار وبالعافية

::المقادير::

كيس ربيان 500 غرام مغسول عدل ومنقع بليمون وكركم وملح وشويه بهار ( وتخلينه بالثلاجه نص ساعه)

بصل مقطع طولي (كميه كافيه للطباخ والتزيين)

2 ثوم مدقوق / 1 مكعب ماجي / بهارات : كزبره-كركم- زنجبيل- كاري- بهار مشكل/ ملح/

1 شبنت / نص كزبره خضرا << مفرومين

طماطه كبيره مفرومه + معجون طماط + فلفل بارد مقطع

ماء مغلي/عود دارسين/4 مسمار (قرنفل) / رشه هيل ناعم/بصله مقطه ارباع/علب فلفل

عيش مغسول ومنقع

::الطريقة::

* نغسل الربيان من التتبيله - ونكون مجهزين جدر فيه

ماء مغلي/عود دارسين/4 مسمار (قرنفل) / رشه هيل ناعم/بصله مقطه ارباع والفلفل .. ولما يفوح نظيف الربيان

نخليه يغلي لمده ربع ساعه وبعدين نشخله ونحتفظ بالماي


* بجدر ثاني نسوي الحمسه ... نحط شويه زيت و نظيف البصل ولما يحمر شويه نظيف الربيان والفلفل

البارد مع البهارات ونحمسهم عدل لمده 5 دقايق .. بعدين نظيف الخضرا والطماط نحركه شويه بعدين نغطي

الجدر لمده 7-10 دقايق على نار هاديه .. وبعدين نظيف المعجون ونحرك.. وما ننسى نعدل الملح

* راح اتكون صلصه ثقيله بس لا تكون ناشفه .. (يعني اذا احتجتي ظيفي شويه ماي)

بعدين نقصر على الجوله ونغطيه ونخليه لين يتسبك شويه (10 دقايق )


* بعدين نفوح العيش بماي فوح الربيان لين اتضاعف حبه العيش ونشخله


الحين أهم شي طريقه تنسيق الخلطه والعيش


نحط الخلطه بماعون ثاني ونستخدم الجدر اللي حمسنا فيه الربيان (ما نغسله) نحط بالقاعه

نتفه زبده .. ونحط شويه عيش نغطي القاعه

الطبقه نص كميه الخلطه - بعدين نغطيها بنص كميه العيش - بعدين باقي الخلطه -

ونغطيها بباجي كميه العيش ونرش اخر شي شويه زعفران منقع ونحط بصل مقلي للتزين

ونتفه زبده على الويه


* ونرد الجدر على نار هاديه ونحط تحته حديده ونخليه 45 دقيقه وبعدين .. تنجبونه وتزينونه بالبصل المقلي


ولا تنسون الدقوس

منقوووووووووووووول

 

[Killer^Girl]

يعطيج العافيه حبيبتي جارة القمر بجرب الطريقه الثانيه انشالله

 

[جارة القمر]

العفو


حبايب



قلبي