منو يعرف محل T.Kmaxx بلندن

[$$ ام فهد $$]

وااااااااااااااااااااي بنات شوقتوني انا بروح لندن

محد عطانا الحل اهوا محل ولامجمع وباي منطقة وشلون نروح له بالباص ولا الاندرجراوند

يلا ياحلوين شدوا الحيل

 

[عسووولتي]

هلا خواتي

اللي يسالون عن المحل هو موجود بلندن

اول فرع موجود بشارع الكنجستون هاي ستريت اللي فيه فندق رويال قاردن عند الهايد بارك باص 9 + باص 10 + باص 52 + باص 49 +باص 94 اكثرهم يمرون من عنده

وثاني فرع في منطقة همر سمث مقابل بريمارك باص 9 تاخذينه من شارع اكسفورد واخر محطه بهمر سميث تنزلين عند المحطه

وسألي عن مول كنج اللي هو فيه بيريماك او سالي عن بريمارك ع طوول بيدلونك وهو مقابله بالضبط

واللي تسأل هو محل او مجمع هو محل كبير فيه اقسام كثيره رجالي نسائي ولادي قسم البيت قسك الحقائب اناا شريت من عندهم شنطه مكياج

تجي 3 شناط بلاستيك يعني قماش مغلفه ببلاستيك واايد حلوو يجوون 3 احجام مع بعض بسعر 12 باوند

واخذت من عندهم بنطلون دكني بس لازم اتشيك على البضاعه قبل ما تاخذها

ملاحظه يوم تشترين تسألك اللي ع الكاشير تبين كيس او لاء انت قوووولي لاء عشان الكيس بفلوس عندهم

اتمنى قدرت افيدكم وشكرراااا

 

[& ام سلمى &]

ممكن الصوره محل علشان نعرف عنها اكثر يعطيكم العافيه حبايب قلبي

 

[sweet lady]

هلا خواتي

اللي يسالون عن المحل هو موجود بلندن

اول فرع موجود بشارع الكنجستون هاي ستريت اللي فيه فندق رويال قاردن عند الهايد بارك باص 9 + باص 10 + باص 52 + باص 49 +باص 94 اكثرهم يمرون من عنده

وثاني فرع في منطقة همر سمث مقابل بريمارك باص 9 تاخذينه من شارع اكسفورد واخر محطه بهمر سميث تنزلين عند المحطه

وسألي عن مول كنج اللي هو فيه بيريماك او سالي عن بريمارك ع طوول بيدلونك وهو مقابله بالضبط

واللي تسأل هو محل او مجمع هو محل كبير فيه اقسام كثيره رجالي نسائي ولادي قسم البيت قسك الحقائب اناا شريت من عندهم شنطه مكياج

تجي 3 شناط بلاستيك يعني قماش مغلفه ببلاستيك واايد حلوو يجوون 3 احجام مع بعض بسعر 12 باوند

واخذت من عندهم بنطلون دكني بس لازم اتشيك على البضاعه قبل ما تاخذها

ملاحظه يوم تشترين تسألك اللي ع الكاشير تبين كيس او لاء انت قوووولي لاء عشان الكيس بفلوس عندهم

اتمنى قدرت افيدكم وشكرراااا

حبيبتي الباصات من وين اخذها من اي صوب وشنو اقول لسايق الباص ولا اهو دايركت بيمر منه ويوقف
وهمرسمث وين صايره اشبعدها عن اكسفورد وم اي محطه اخذ الباص ادري ازعجتج ...........

 

[حور الجنة]

يلا يا بناااااااااااااااات

الي عندها معلومات تزيدنا

انا اول مرة اسم عنه ( ابر ستوث )

 

[$$ ام فهد $$]

حبيبتي عسولة عطينا توضيح اكثر شنو اسم المحطة الي تاخذين منها الباص مثلا محطة ورقم الباص

واذا عندج صورة المحل او اسم المحلات الي جنبه

ومشكورة ما قصرتي

 

[@شمس الضحى@]

والله يبي له رووحه

 

[نجمة فجر]

انا الحين بلندن
وبالمستشفى مع الوالده في هامرسميث
اليوم بروح له وبجيب لكم التقرير عنه يسوى ولا مايسوى

 

[الفدعة]

..........................

 

[$$ ام فهد $$]

نجمة فجر الله يشافي الوالدة ويطمنج عليها ان شاءالله

اي والله ودنا نعرف عنه معلمومات روحتي قريبة حق لندن باذن الله

مشكوووووووووووورة ماقصرتي والله يعطيج العافية

 

[$$ ام فهد $$]

نجمة فجر الله يشافي الوالدة ويطمنج عليها ان شاءالله

اي والله ودنا نعرف عنه معلمومات روحتي قريبة حق لندن باذن الله

مشكوووووووووووورة ماقصرتي والله يعطيج العافية

 

[عسووولتي]

هلا خواتي

اسفه اني تاخرت عليكم

شوفي الباصات اللي اقصدها هي الحمرا مثلا في شارع اكسفورد عندج محطات واايد على الشارع

اخذي باص مثلا رقم 10 وقولي حق السواق ابي اروح شارع الكنسجتون هاي ستريت لاتستحين وقولي له يوم توصل علمني لاني ما اعرف الشارع ترى هم عادي
متعاونيين وااايد وبعلمك باسم الشارع اول ماتوصلين

فيه في شارع اكسفورد محل بيريماك خلي المحل على يسارك وامشي بيجيك محل مال شنطه وامشي وابتحصلين الشارع نفسه يكسر

بك زاويه جهة اليسار امشي مسافه قليله وبتشووفين محطة باصات واايد عند كل محطه مجموعة ارقام الباصات شوفي رقم الباص اللي يوديك

الين شارع الكنسجتون هاي ستريت او ماتقبلين على شارع الكنسجتون بيكون الهايد بارك على يمينك وفندق رويال قاردن بعد بنفس الجهه

واتكملين مشي بنفس جهة الفندق وبتعدين شارع وعلى رصيفه بياع ورد بعد امشي اشوووي وبتحصلينه في نفس الجهه اللي تمشين فيها

للمعلوميه شارع الكنسجتون هاي ستريت شارع تجاري كله محلات تجاريه

واذا شفتي نفسك متوهقه اخذي تاكسي وقولي له اسم الشارع

في لندن سواق الباص عادي يقولك اذا كنتي ماخذه الباص غلط يقولك بدلي واخذي باص كذا من جهة كذا او اذا ركبتيه صح قولي له بليز

علمني اذا وصلنا الشارع لاني ماعرفه وبيلعمك لاني صادني انا هالمواقف اكثر من مره ويعلموني

بالنسبه اذا المحل يستاهل او لاء والله كلاً وحسب ذوقه شراشفهم عندنا بقطر يبيعم السلام والصالون الازرق بغالي بس حصلانهم بسعر بعد ارخص منا

بعد عندي لك شئ يفيدكم شراشف بريمارك روعه اخذي منهم قد ماتقدرين وربي هذا اللي 7 سنوات وانا كل سنه اشتري منهم واغسلهم في

البيت وربي مايتغييرون بشئ معنى فيه منهم شراشف يكون تطريز بالقماش الهندي ومخمل والله اغسله بالبيت ولا يتغيير هذا من كم سنه عندي

حبايب حبيت افيدكم واتمنى قدرت

واذا شفتوا نفسكم توهقتواا التاكسي وبسرعه بيوصلك وبعدين اتعرفين طريق الرجعه للشقه عادي ارجعي بتاكسي

ملاحظه : فيه محطة قطار قريبه بنفس الشارع امسها كنسجتون هاي ستريت يوم تطلعين منها روحي على يدك اليمين وخلك مااشيه وعينك

جهة اليسار وبتشوفينه جهة اليسار عنوانه بالاحمر

وربي لو اعرف انزل صور جان نزلت لكن للاسف ماعرف بس اتمنى قدرت اوصل المعلومه لكم واذا فيه شئ انا حاضره ومن عيوني

 

[أثير الورد]

مااااااااقصرتى
بصراحه وصفج ممتاااااااااااز

 

[$$ ام فهد $$]

بعدعمري ماقصرتي خوش وصف وفيتي وكفيتي

جزاج الله الف خير والله يعطيج العافية

 

[عسووولتي]

العفوووو خواااااتي

وانا حاضره لكم في اي ووقت

واتمنى الكل استفاااااااد

 

[روحي تحب]

مشكورين بنات ومنكم نستفيد
وعسوله محطة الباصات اللي بعد محل الجنط اسمها بارك لين ومشكوره كفيتي ووفيتي

 

[ام مضاوي]

حلو يعني احصله في بورمث؟؟

 

[احلا كويت]

واااااااااااي بنااات توني اشوف موضوعي من زمااان ما جيكت عليه .. عاد تخيلوا قبل امس مرينا على الكنسنغتون ستريت نتسوق ولما وصلنا ماركس سبنسر قلت حق اخوي خلاص شكل محلاتهم عندنا بالكويت بنروح الاكسفورد واااااااااااااي ولما مرينا على الشارع قبل لا نروح المطار بنسافر جان اشوفه صوب هوول فووود ... حدي تنرفزت .. اليوم ساعة 8.30 وصلنا الكويت

 

[عسووولتي]

الف الحمد لله ع السلامه

 

[mr000]

الحمدلله عالسلامه أختي أحلا كويت ومشكوره عسولتي عالمعلومات وياريت أختي نجمة فجر أذا رحتيله تقولين لنا عنه اشرايج فيه لأني شفت بالنت أن أكو منه باسكتلندا وولدي ان شاءالله رايح غلاسغو بشهر 1!