مني و منج جدول لأطفالنا !! من عمر 3 شهور لي سنه !!!

[Zen&7ala]

السلام عليكم يا بنات


في موضوع لأطعمه الأطفال من عمر سنه و فوق



ليش ما يكون حق الي اقل من سنه!!


لاني محتاارة و ابي اغير لان بنتي ضعيفه

بنتي عمرها 5 شهور



المهم أنا ببدي و اقولكم اكل بنتي طبعا الحليب شي اكيد و حليبها نان


الأكل :


1- الصبح اول ما تقعد بسكوته من فارليز كامله مع شوي حليب بس ما يكون سائل وايد

تقريبا الساعه 8 او 8 و نص

2-الساعه 10 الصبح سريلاك قفشه وحده مع حليب 5 قفشات

و نوع السريلاك القمح أو الأرز لان اخف شي و اهي المرحلة الأولى


3- الساعه 1 العصر وجبة الغداء و الي اهيا العلب من فارليز (موز أو عرموط)

بمقدار نص العلبه تقريبا او اقل.


4- الساعه 5 العصر وجبة من فارليز (موز أو عرموط ) بمقدار نص العلبه تقريبا او أقل.


و ان شاء الله راح اصور لكم


بنات رايكم و افكاركم


لان كنت اعطيها بطاط و قرع و جزر مهروس بس بطنها ما تحمل


بس شكلي ببلش فيها بجزر أو تفاح مفيوح

بنات العصير الي ينباع مال اليهال الي من فارليز و غيرها نعطيهم ولا لأ؟

 

[wa7a90]

جزاج الله كل خير على الموضوع

انا بنتي توها 3اشهر و6ايام الله يخليها

بس من تكمل 4اشهر بعطيها بسكوت ربع وحده شوي شوي لين تكمل الكامله على شان ماتنصدم معدتها وشوي من انواع الفواكه انا اسويهم لها فرش احسن

 

[حورية بنت حواء]

ايه والله انا ولدي عمره 4 اشهر وجم يوم ووزنه 5 كيلو وشكله هيكل عظمي

انا اعطيه حليب سميلاك ادفانس

وتوني مبلشه معاه البسكوت بس احطله داخل الحليب بالمميه

 

[Om 3zo0oz_2011]

مشكوره خوش موضووع
انا كنت اعطي ولدي حليب نان خفيف علشان جذي ضعيفه بنتج
غيرته له الي سيميلاك شوي تغير عن اول

انا ولدي عمري 3 اشهر واسبوعين بلشت معاه البسكوت فارليز اول اسبوع ربع بسكوت بلحليب بعدين نص بسكوته
كنت اعطيه علي موز بس سببتله حساسه اب ويهه غيرته الي القمح والارز والعسل انوع له مره جذي ومره جذي

ومن يدش الرابع بفوحله تفاحه وبعدين احطها بلخلاط بس هذا الي تعلمته هنيه

بجريه <<<


نصيحه لا تعطينها موز
انا اسبوعين يالله بين عليه الحساسه

انا بنت خالتي قالتلي بسكوت فارليز يسبب حساسيه بكل انواعه ومحتاره شنو اعطيه اي نوع بنات ؟؟



وعندج بعد شاي ميلووبا واااااااايد يرتاح عليه ولدي فيه كل شي لونه اخضر لان فيه انواع

 

[barbie_girl]

انا ولدي كمل 4 شهور وله اسبوع دخل الخامس ماعطيه شي غير الحليب ومويه مع سكر نبات

لانه خديج ولدته بنهاية السابع مايتحمل الاكل الحين الدكتور قالي اذا كمل 5 شهور يبدى بالاكل والله يعين

ببدا معاه بالخفييييف مثل سريلاك الارز ترا القمح ثقيييل

وبسكوت فارليز مع الرضعه

وعصير برتقال وجزر طبيعي بس مخفف فقطططط يعني وجبه باليوم كبداية بالاكل عشان يتعود وبالتدريج اعطيه وجبتين وهاكذا

اكل البيت مو الحين اصبري لين تتوسع المعده ويتعود عالاكل بس اخف شي تفاحه مهروسه عادي الباقي الخضار ثقيييله مو الحين

جربي عطي بنتك تمر امرسيها باصبعك مع مويه عشان تصير ذايبه وطبعا تكونين مقشره التمره من قبل

وزن ولدي تقريبا دخل 5 كيلو وشكله صعنون تعطينه اصغر من عمره

حتى المويه لحالها يصيح مايشربها لحالها لازم حبة سكر نبات

الحليب اول ماجبته كان ياخذ اس 26 بي دي اف حق الخدج وسبب له امساااااااك مو طبيعي وفوق هاذا مغغص ولا اقدر اعطيه اي شي طبيعي

الدكتور مانعه بالاخير ماتحملت صياحه صرت اعطيه نعناع مخفف وسكر نبات مع المويه وخف بس مازال يصيييح الين رحت لدكتور ثاني

وعطاني حليب غير اسمه رونالاك جنتل للغازات والنتفاخات وارتاح عليه الحمدلله وفوق هاذا اعطيه مع الحليب قطره فيتامين وحديد الشهر الجاي يسئل الدكتور متى اوقفهم

الدكتور الاول مو صاحي مخليه لين 3 شهور يشرب بالرضاعه الصعنونه ام 2 سم واقول يصيح اذا خلصت رضعته يبي زياده يقول خليه 70 مل وسويت ولا فاد يصيييح

لين رحت لدكتور ثاني وهاوشني هههههههه قال عطيه اد مابدووو وفعلا لمن غيرت الرضعه وكثرت الحليب مشاءالله تغيرت نفسيته ومب صياح كل الوقت لان المفروض وزنه يصير

اكثر من 5 كله بسبة الدكتور الاول مخليه عالحليب حق الخدج 3 شهور ولا زاد له وزنه الا قلييييل قال هاذا بس اول الولاده وبعدين يتغير والله حسيت اني ظلمت ولدي وانا مادري يعمري

ان شاءالله اذا كمل 5 شهور وبديت معاه بالاكل برجع لكم بالموضوع

 

[Zen&7ala]

مشكووريين على الردوود الحلوة

 

[Zen&7ala]

مشكوره خوش موضووع

انا كنت اعطي ولدي حليب نان خفيف علشان جذي ضعيفه بنتج
غيرته له الي سيميلاك شوي تغير عن اول

انا ولدي عمري 3 اشهر واسبوعين بلشت معاه البسكوت فارليز اول اسبوع ربع بسكوت بلحليب بعدين نص بسكوته
كنت اعطيه علي موز بس سببتله حساسه اب ويهه غيرته الي القمح والارز والعسل انوع له مره جذي ومره جذي

ومن يدش الرابع بفوحله تفاحه وبعدين احطها بلخلاط بس هذا الي تعلمته هنيه

بجريه <<<


نصيحه لا تعطينها موز
انا اسبوعين يالله بين عليه الحساسه

انا بنت خالتي قالتلي بسكوت فارليز يسبب حساسيه بكل انواعه ومحتاره شنو اعطيه اي نوع بنات ؟؟



وعندج بعد شاي ميلووبا واااااااايد يرتاح عليه ولدي فيه كل شي لونه اخضر لان فيه انواع

اهلييين


انا بنتي كنت اعطيها سميلاك بس حييل حييل تعبت منه و الغازات ذبحتها و ماكانت متينه

توني صارلي شهر غيرته حق نان و مثل كمية الشرب الي تشربها بس الغازات خفت شوي

و انا اول مرة ادري انه فارليز في انوااع خوش معلومه ماكنت الاحظ !!

انا ماخذه الأصلي كاتبين عليه

و انا اذا حطيته بالحليب ما تشربه ما تحب لان بنتي تبي تااكل كل ما شافتنا ناكل تخز

تبي القفشه !! فقمت احط لها وحده مع حليب

انا قبل مرتين باليوم اعطيها مع حليب او بالصحن كل مره نص بسكوته

يعني بسكوته باليوم و بعدين لا دشت السادس عاد ازيدها

و نسيت اقولكم اني اعطيها دوا هملايا اذا بطنها يعورها شبه يومي لان الغازات ذابحتها



بنات انا بجريه و ما عندي خبره

شرايكم اعطيها قرع و بطاط و جزر ولا لأ؟؟ و شنو احسن شي يكون حفيف على المعده و يمتن؟

 

[H.A.K.W]

موضوع مفيييد
انا بنتي عمرها شهرين و٩ تيام
انشالله من تكمل الاربع تشهر اكتب لك جدول اكلها.
بس انشالله بتم اطل عالتجمع هالشهرين عشان اخذ فكره منكم.

 

[noynoy]

بنات نصيحه لا تدخلون شي غير احليب على اليهال قبل الشهر السادس
لان بهالفتره اهما مو محتاجين غير الحليب
و اذا مافيكم صبر الشي الوحيد اللي ما يأثر على عيالكم و ما يسبب حساسيه اهوا العيش
فوحولهم عيش و هرسو بالخلاط و عطوم غيره لا
لا بسكوت فارليز و لا سيريلاك نصيحه
اذاكملو 6 شهور اهني ابدو دخلو بطاط و جزر و كوسا و قرع و زهره و بروكلي
و طبعا مع العيش
و هم صفار البيض المفيوح عدل عدل تخلطونه مع كيري
توست و لبنه و زعتر هم مفيد وايد و احسن تستخدمون التوست الاسمر لان فوايده اكثر و الياهل ما يعرف الفرق بينه و بين الابيض
و شوي شوي بالسابع دخلولهم دياي و لحم و جبده دياي
و بالثامن دخلو الفواكهه عشان يضلون طول عمرهم يحبون الخظار عرفتو (اكو دراسه امريكيه تقول ان اليهال اللي يبدون اكلهم بخظار قبل الفاكهه راح يحبون الخظار طول عمرهم لان ماراح يتعودون على الاكل الحلو من البدايه، و هذي قايلها الدكتور عبدالله المطوع في مقابله مع صباح الوطن)
و الشوفان اللي اهوا الكويكر تطبخونه مع الفاكهه يصير حلو و تخلطونه بالخلاط يحبونه اليهال

 

[Zen&7ala]

HaKW

ان شاء الله يا رب و الله يخليها لج ان شاء الله

 

[Zen&7ala]

noynoy

صاجه والله بس شنسوي لازم يمتنون شوي لان ما نرضعهم طبيعي للأسف