من الحين الى بتطمش وتطنز لاتدش

[هوا ريلها]

بنات حرام عليكم ليش انتو جذى تجرحون فى الوحده وتتطنزون عليها مايسوى على حجوتى الى كتبتها


انتو مستغربين من موضوع مدرى شطارى عليه صح


لانكم مع رياييلكم بس لو وحده فيكم جربت الى انا جربته ماراح تفكر حتى تجرحنى



ريلى مااشوفه الا بالشهر مرة او مرتين لانه عنده اشغال يسافر من ديره لى ديره



تدرون ليش تزوجته لانى احبه طبعا حبيته من لمن كنا فى الجامعه


وخطبنى بعد شهور تزوجنا


جذى حملت بتوأم وجذى بس على فكره من تزوجنى من اول يوم كان يسافر حق اشغاله

يعنى مااشوفه وااااااااايد يابنات وانتو ماغير تطيحون فينى بالسب ولتطنز الله يسامحكم



بقولكم شى ان ماراح اسامح اى وحده فيكم غلطت بحقى وجرحتنى وشى ثانى


ماقول الا الى اجرحتنى تذوق الى انا ذقته ذيج الساعه تتطنز على راحتها



وببدا فى صوب الموضوع :



ريلى يخونى يابنات مع ذلك احبه هو هواى الى اتنفسه بس شسوى



عرفتوا ليش الحين ماابى ابوسه لانا خايفه من الامراض لازم اتحجى لازم اقول التفاصيل بالضبط الله يسامحكم







ويلا دشى وتطنزى وسبى على كيفج ناطره ردج الجارح

 

[macintosh]

رد : من الحين الى بتطمش وتطنز لاتدش

حبيبتي ما عليج من احد
وان شاءالله محد يجرحج .. انا هذا اول موضوع أقراه لج
فما ادري شنو القصة بالضبط .. بس ما اقول غير الله يهديه لج
ويعلق قلبه فيج ويصده عن بنات الحرام .. يارب

 

[أنهار الورد]

انا مثل اختي ماكنتوش اول موضوع اقراه لج فمادري شنو السالفة
بس لو زوجج يخونج حاولي تنصحيه ينتبه لبيته وعياله احسن له من الحرام
مادري شقولج بس ادعي له بالهداية ولا تسكتي عن هالخيانات طريق الحرام يقصر العمر
الله يهديه بس ويسخره لج

 

[فنكيه]

امممم خل اشوف موضوعج الثاني لان مادري شسالفه

 

[shahooda123]

ادعيله انشالله الله يهديه لج وعيونه ماتشوف غيرج

 

[q8y-moon]

حبيبتي انا ماقريت موضعج الي اطنزو عليج فيه
يمكن كنتي كاتبته بطريقه ما توضح مشكلتج ولا ضيقتج موزين تدعين علي الناس جذي الدعوه ترد لصاحبها تعوذي من ابليس واستغفري
والله يهدي زوجج ويحنن قلبه عليج
بس سوال ولا تفهميني غلط اذا انتي ما تبوسينه عشان خايفه من الامراض شلون اتيبين منه عيال؟؟
ولبش كا تواجهينه وتطلبين منه يحلل

 

[noney ba6a]

حبيبتي لا تتضايقين من الي تسب وتتطنز هذا يدل على ان معدنه مو اصيل وكل من يعمل باصله والله يهدي زوجج انشاالله ويسخره لج اميييييييييييييييييييييييييييييين

 

[انا لحبيبي .]

رد : من الحين الى بتطمش وتطنز لاتدش

حبيبتي لانه كلامك بالموضوع مو منطق يعني زوجك 4 سنين وما بوسته على شفايفو

وبتحكي انك بتحبيه وماخديته عن حب هل معقول خلال ال 4 سنين ما باسك؟ يعني انتي عارفه انه بخونك واخدتيه؟

يعني كلامك خلى البنات يضحكو ويتخوتو .. يمكن خانك التعبير ويمكن ما عرفتي توصلي الحكي

بعدين هالشغله مابصير تحكي اصلا لحد .. هاي اسرار مع زوجك شو خص العالم فيها؟ وانتي بدك البنات ينصحوكي

مثلا شو بدهم يعملو؟ هاي مو مشكله كبيره ولا شي يمكن مدايقتك لانك مدايقه من زوجك بس مو مشكله عويصه

بدك تتحملي اي كلمه بتحكيها هون تكون متوازنه مع شخصيتك .. لانه ما شاء الله المنتدى مليان والاراء متعدده وكتيره

بس بالاخر سدئيني كلهم بكلموكي عادي وما حد بحط بقلبه عليكي ^_^

واعذريني اذا حكيت كلمه دايقتك بس انا بحكيلك الي شفته من الموضوع الاول

 

[اميره1980]

انا بتكلم عن نفسي بخصوص موضوعج
انا ما غلطت او تطنزت عليج بالعكس اقري ردي بالموضوع الرئيسي و قلت لج جربي و بوسيه على ضمانتي و بالموضوع السابق ما قلتي لنا السبب الحقيقي انج مو قاعدة تبوسينه

الحين بالنسبه للموضوع هذا اليديد
منو قايلج ان ينقلج امراض بس عن طريق البوس؟؟ الجماع العن بنقل الامراض يعني في شغلات ثانية فكري فيها و فكري بحل للمشكلة الرئيسية اللي اهيه الخيانة مو بالبوسة و ما ادري شنو

 

[هنـــــد]

حبيبتي ديري بالج على نفسج
اذا زوجج يخربط طلبي منه يسوي تحاليل
وشوفيها بعينج انها خاليه من اي مرض ، وعقب كيفه يبوسج
بس قبل ما تتأكدين لا تخلينه يبوسج شفايف ديرررررررري بالج
ابدا ماعليج حياتج .. مدامج عارفه انه يخون !

 

[هنـــــد]

وبعدين بخصوص البنات اللي تطنزو عليج
في موضوعج الأول : ترا ما ينلامون !
لانج مو موضحه شي بالموضوع !!
لو انج كاتبه الكلام اللي قلتيـه هنيـه جان انصحوج
اما تقولين لنا اربع سنين وتلوع جبدي من بوسه الشفايف
فهذا كلام مو منطقي كللللش !!


احنا بنات هالقسم نتعرض لاشكال والوان
من الناس اللي ينزلون مواضيع تافهه وبعضها يخدش الحياء
بس لمجرد التسليه ويكونون كلهم رجاجيل .. فأتوقع البنات
صارلهم لبس في موضوعج واحسبوج واحد من هذولاك


وسعي صدرج وسامحيهم ماكانو يقصدون جرحج
واحنا خوات هنيــه موجودين عشان نساعد بعض
وربي يساعدج يا غاليه ويعينج

 

[الأميرة جوري]

بس اذا في امراض موبس البوس هم الجماع ديري بالج ...والله يهديه ..

 

[هوا ريلها]

بالنسبه للجماع جامعته طبعا ويبت منه تؤام

بس انا دريت انه يخونى من بعد مابيت اليهال صرت اخاف يجامعنى او يبوسنى حتى

 

[محرومة من الحب]

لا حول ولا قوة الا بالله ..

 

[FeShinGoOo]

اللله يكون بعونج

 

[لارا2009]

لاحول ولا قوة الابالله
الله يهديه ويغفره ويسخره لج بس حبيبتي انا قبل ما ارد علج رحت شفت موضوعج اسمحيلي انتي اللي غلطانه فيه وكنتي لازم تتوقعين رد فعل البنات بعدين بان من ردودك عليهم انك مستانسه يعني كنتي تضحكين معهم مثل ما سويتي مع مهاوي صح
علي العموم لاتزعلين نفسج وكفايه اللي فيج ما نبي نزيد عليج اكثر بس حبيبتي اللزم مع عليج صحتج لازم تبعديه عن هالطريق ولازم تخليه يحلل وصدقيني منين ما تدخل الخيانه من الباب الحب يطير من الشباك ماكو حب مع واحد خاين فكري فيها والله يصلحلج الحال واسفه علي الاطاله

 

[بوغاتي88]

(( اللهم اني قد مسني الضر وانت ارحم الراحمين لا اله االا انت اني كنت من الظالمين

 

[منيرة خالد]

ما يجوز المره تهجر زوجها >>> وحتى لو كنت متأكده انه يخونج هل وصلت فيه الحال بالخيانه انه يمارس الجنس مع غيرج يمكن بس يسهر بأماكن اللهو والعربده بس ما يزني


لازم تواجهين زوجج بمخاوفج وتكونين صريحه معاه وتقولين له انج ما تقدرين تقربين منه لأنج تخافين على نفسج من الامراض المعديه

مع إني متأكده ان الوسواس اهو اللي مسيطر عليج >>>> حاولي تدورين على حل لمشكلة الوسواس اللي مسيطره عليج علشان ترتاحين بحياتج


وموووفقه

 

[q8y-moon]

يعني حاليا عيشه معاه زوجه بالاسم؟؟
حرام ليش تسويين بنفسج جذي
واجهيه وخل يثبتلج انه مافيه شي عشان ترتاحين

 

[الجيكرة ام عيون]

رد : من الحين الى بتطمش وتطنز لاتدش

حياتي معاش من يتطنز عليج